Read መ/ቅዱስ ትግርኛ, Tigrigna Bible, 1 ዳዊት 137 Bible Online

ዳዊት 137 - መ/ቅዱስ ትግርኛ, Tigrigna Bible, 1 bible

ዳዊት 137

¹ኣብ ጥቓ ሩባታት ባቢሎን ተቐመጥና፤ ንፅዮን ምስ ዘከርናያ ኸዓ በኸና።

²መሰንቆታትና ኣብቲ ኣብኡ ዘሎ ኣእዋም ኲሓታት ሰቐልና፤

³እቶም ዝማረኹና ኣብኡ ብዛዕባ መዝሙር ጠየቑና፤ እቶም ዝወሰዱና ኸዓ፥ “ካብ መዝሙር ፅዮን ዘምሩልና” በሉና።

⁴ናይ እግዚኣብሄር መዝሙር፥ ኣብ ምድሪ ጓና ኸመይ ኢልና ኽንዝምር!

⁵ኦ ኢየሩሳሌም፥ እንተ ረሲዐክስ፥ የማነይ ትረስዐኒ፤

⁶እንተ ዘይዘኪረኪ፥ ሕልፊ ዅሉ ሓጐሰይ፥ ንኢየሩሳሌም እንተዘይፈትየ፥ መልሓሰይ ኣብ ትንሓገይ ትጣበቕ።

⁷ኦ ጐይታ፥ ብመዓልቲ ኢየሩሳሌም፥ ነቶም “ኣፍርስዋ፤ ካብ መሰረታ ኣፍርስዋ” ዝብሉ ደቂ ኤዶም ዘክሮም።

⁸ ኣቲ ሕስርቲ ጓል ባቢሎን፥ ሕነ እቲ ዝተበቀልክና ዝብቀለኪ፥ ብሩኽ እዩ።

⁹ንህፃናትኪውን ሒዙ ኣብ ኰዅሒ ፃሕ ዘብሎም ብሩክ እዩ።