Read መ/ቅዱስ ትግርኛ, Tigrigna Bible, 1 ዳዊት 141 Bible Online

ዳዊት 141 - መ/ቅዱስ ትግርኛ, Tigrigna Bible, 1 bible

ዳዊት 141

¹ኦ ጐይታ፥ ናባኻ አእዊ ኣለኹ፤ ስምዐኒ፤ ናባኻ ከእዊ እንተለኹውን ቓል ልመናይ ኣድምፅ።

² ፀሎተይ ኣብ ቅድሜኻ ኸም ዕጣን ተቐበለለይ፤ ምልዓል ኢደይውን ከም መስዋእቲ ሰርኪ ይኹን።

³ኦ ጐይታ፥ ንኣፈይ ሓላዊ ግበር፤ ማዕፆ ኸናፍረይውን ሓሉ።

⁴ዓመፅ ምስ ዝገብሩ ሰባት ንሓጢኣት ምኽንያት ከይህብ፥ ምስቶም ሕሩያቶምውን ከይተሓባበር፥ ንልበይ ናብ ክፉእ ነገር ኣይትመልሶ።

⁵ፃድቕ ብምሕረት ይገስፀኒ፤ ይዝለፈኒውን፤[8] ዘይቲ ሓጢኣተኛ ግና ንርእሰይ ኣይቕባእ፤ ፀሎተይ ገና ኣብ ልዕሊ ኽፍኣቶም እዩሞ።

⁶ሓያላታቶም ኣብ ጥቓ ኰዅሒ ተደርበዩ፤ ጥዕምቲ እያሞ ቓለይ ክሰምዑ እዮም።

⁷ኣብ ልዕሊ ምድሪ ኸም ዝተሰንጠቐ ድንኩል፥ ኣዕፅምትና ኸምኡ ኣብ መቓብር ተበተኑ።

⁸ኦ ጐይታ፥ ኣዒንተይ ናባኻ እየንሞ፥ ብኣኻ ኣዕቚበ ኣለኹ፤ ንነፍሰይ ኣይተውፅኣያ።

⁹ካብቲ ዘፃወዱለይ መፃወድያን፥ ካብ ዕንቅፋት ገበርቲ ዓመፅን ሓልወኒ።

¹⁰ኣነ በይነይ ክሳዕ ዝሓልፍ፥ ሓጥኣን ኣብ መፃወድያኦም ይውደቑ።