Read መ/ቅዱስ ትግርኛ, Tigrigna Bible, 1 ዳዊት 143 Bible Online

ዳዊት 143 - መ/ቅዱስ ትግርኛ, Tigrigna Bible, 1 bible

ዳዊት 143

¹ኦ ጐይታ፥ ፀሎተይ ስምዐኒ፤ ብሓቂኻ ንልመናይ ፅን በሎ፤ ብፅድቅኻውን መልሰለይ።

² ኵሉ ህያው ኣብ ቅድሜኻ ፃድቕ ኣይኮነንሞ፥ ምስ ባርያኻ ናብ ፍርዲ ኣይትእቶ።

³ ፀላኢ ንነፍሰይ ኣሳጐጓ፤ ንህይወተይውን ኣብ ምድሪ ኣዋረዳ፤ ከምቶም ቀደም ዝሞቱ ሰባት ኣብ ፀልማት የንብረኒ ኣሎ።

⁴ስለዙይ ነፍሰይ ኣብ ውሽጠይ ደኸመት፤ ልበይውን ኣብ ውሽጠይ ደንገፀት።

⁵ናይ ቀደም ዘመን ዘከርኩ፤ ኵሉ ተግባርካ ኣስተንተንኩ፤ ግብሪ ኣእዳውካውን ተመልከትኩ።

⁶ኣእዳወይ ናባኻ ዘርጋሕኹ፤ ነፍሰይውን ከም ንቕፅቲ ምድሪ ፀምአትካ።

⁷ኦ ጐይታ፥ መንፈሰይ ሃሊቓ እያሞ፥ ቀልጢፍካ ስምዐኒ፤ ከምቶም ናብ ጕድጓድ ዝወርዱ ኸይከውን፥ ገፅካ ኻባይ ኣይትኸውል።

⁸ብኣኻ ተኣሚነ ኣለኹ እሞ፥ ኣንጊህኻ ምሕረትካ ኣስምዐኒ፤ ኦ ጐይታ፥ ነፍሰይ ናባኻ ኣልዒለ ኣለኹሞ፥ እታ ዝኸዳ መንገዲ ኣፍልጠኒ።

⁹ኦ ጐይታ፥ ኣባኻ እምሕፀን ኣለኹሞ፥ ካብ ፀላእተይ ኣናግፈኒ።

¹⁰ንስኻ ኣምላኸይ ኢኻ እሞ፥ ፍቓድካ ኽፍፅም መሃረኒ፤ ቅዱስ መንፈስካውን፥ ብምድሪ ፅድቂ ይምርሐኒ።

¹¹ኦ ጐይታ፥ ስለ ስምካ ህያው ግበረኒ፤ ብፅድቅኻውን ንነፍሰይ ካብ መከራ ኣውፅኣያ።

¹²ብምሕረትካ ንፀላእተይ ደምስሶም፤ ኣነ ባርያኻ እየ እሞ፥ ንዅሎም እቶም ንነፍሰይ ዘጨንቑዋ ኣጥፍኣዮም።