Read መ/ቅዱስ ትግርኛ, Tigrigna Bible, 1 ዳዊት 149 Bible Online

ዳዊት 149 - መ/ቅዱስ ትግርኛ, Tigrigna Bible, 1 bible

ዳዊት 149

¹ሃሌ ሉያ። ንእግዚኣብሄር ሓድሽ መዝሙር ዘምሩ፤ ምስጋናኡውን ኣብ ጉባኤ ቅዱሳን እዩ።

²እስራኤል፥ ብፈጣሪኡ ይተሓጐስ፤ ደቂ ፅዮንውን፥ ብንጉሶም ይተሓጐሱ።

³ንስሙውን ብስዕስዒት የመስግኑ፤ ብኸበሮን ብመሰንቆን ይዘምሩሉ።

⁴እግዚኣብሄር ብህዝቡ ተሓጕሱ እዩሞ፥ ንየዋሃን ብምድሓኑ ልዕል ልዕል የብሎም እዩሞ።

⁵ቅዱሳን ብኽብሩ ይምክሑ፤ ኣብ መደቀሲኦምውን ሓሴት ይገብሩ።

⁶ምስጋና እግዚኣብሄር ኣብ ጐረሮኦም ይኹን፤ ክልተ ዝኣፉ ሰይፊ እውን ኣብ ኣእዳዎም እዩ፤

⁷ንኣህዛብ ምእንቲ ሕነ ኽፈድዩ፥ ኣብ ማእኸል ሰባትውን ክቐፅዑ፥

⁸ንነገስታቶም ብሰንሰለት፥ ንመራሕቶም ከዓ ብመቝሕ ሓፂን ክኣስሩ፥

⁹ኣብ ልዕሊኣቶም ዝተፅሓፈ ፍርዲውን ምእንቲ ኽፍፅሙ እዩ፤ ንዅሎም ቅዱሳኑ እዚኣ ኽብሪ እያ። ሃሌ ሉያ።