Read መ/ቅዱስ ትግርኛ, Tigrigna Bible, 1 ዳዊት 20 Bible Online

ዳዊት 20 - መ/ቅዱስ ትግርኛ, Tigrigna Bible, 1 bible

ዳዊት 20

¹ብመዓልቲ መከራኻ እግዚኣብሄር ይስማዕኻ፤ ስም ኣምላኽ ያእቆብውን የቑምካ።

²ካብ መቕደሱ ረድኤት ይልኣኸልካ፤ ካብ ፅዮን ድማ የፅንዕኻ።

³ንዅሉ ቝርባንካ ይሕሰበልካ፤ ንዝቃፀል መስዋእትኻ ድማ የለምልመልካ።

⁴ከም ልብኻ ይሃብካ፤ ኵሉ ፈቓድካውን ይፈፅመልካ።

⁵ብምድሓንካ ደስ ይብለና፤ ብስም ኣምላኽና ልዕል ልዕል ክንብል ኢና፤ ንዅሉ ልመናኻ እግዚኣብሄር ይፈፅመልካ።

⁶እግዚኣብሄር ነቲ ዝቐብኦ ኸም ዘድሓኖ ሎሚ ፈለጥኩ፤ ብዘድሕን ሓይሊ የማኑ፥ ካብ ሰማይ መቕደሱ ይምልሰሉ።

⁷ገሊኣቶም ብሰረገላታት፥ ገሊኣቶምውን በፍራስ ይምክሑ፤ ንሕና ግና ብስም እግዚኣብሄር ኣምላኽና ልዕል ልዕል ክንብል ኢና።

⁸ንሳቶም ሰንከልከል ኢሎም ወደቑ፤ ንሕና ግና ተሳእና፤ ፀኒዕናውን ቆምና።

⁹ኦ ጐይታ፥ ንንጉስ ኣድሕኖ፤ በታ እንፅውዐካ መዓልቲ እውን ስምዐና።