Read መ/ቅዱስ ትግርኛ, Tigrigna Bible, 1 ዳዊት 26 Bible Online

ዳዊት 26 - መ/ቅዱስ ትግርኛ, Tigrigna Bible, 1 bible

ዳዊት 26

¹ኦ ጐይታ፥ ኣነ ብለውሃተይ እኸይድ ኣለኹሞ ፍረደለይ፤ ብእግዚኣብሄርውን ኣሚነ ኣለኹሞ ኣይናወፅን።

²ኦ ጐይታ፥ ፍተነንን መርምረንን፤ ንዀላሊተይን ንልበይን ፍተን።

³ምሕረትካ ኣብ ቅድሚ ዓይነይ እዩሞ፥ ብሓቅኻ እመላለስ ኣለኹ።

⁴ከንቱ ኣብ ዝኾነ ባይቶ ኣይተቐመጥኩን፤ ምስ ዓመፅትውን ኣይኣተኹን።

⁵ማሕበር ክፉኣት ፀላእኹ፤ ምስ ዓመፅትውን ኣይቕመጥን እየ።

⁶ኣእዳወይ ብንፅህና እሓፅብ ኣለኹ፤ ኦ ጐይታ ንመሰዊዒኻውን እዞሮ ኣለኹ፤

⁷ድምፂ ምስጋናኻ ምእንቲ ኽሰምዕ፥ ኵሉ ተኣምራትካውን ምእንቲ ኽነግር እዩ።

⁸ኦ ጐይታ፥ ነቲ እትነብረሉ ቤት፥ ነቲ ኽብርኻ ዝሓድረሉ ቦታ ፈተኹ።

⁹ንነፍሰይ ምስ ሓጥኣን፥ ንህይወተይውን ምስ ናይ ደም ሰባት ኣይተጥፍኣያ።

¹⁰ንሳቶም ኣብ ኢዶም ተንዀል ኣለዎም፤ የማናይ ኢዶም ድማ ጉቦ ዝመልአ እዩ።

¹¹ኣነ ግና ብየዋህነተይ ከድኩ፤ ኣድሕነኒ፤ መሓረኒውን።

¹²ኣእጋረይ ብቕንዕና ቆይመን እየንሞ፥ ኦ ጐይታ፥ ኣብ ማሕበር አመስግነካ ኣለኹ።