Read መ/ቅዱስ ትግርኛ, Tigrigna Bible, 1 ዳዊት 3 Bible Online

ዳዊት 3 - መ/ቅዱስ ትግርኛ, Tigrigna Bible, 1 bible

ዳዊት 3

¹ ኦ ጐይታ፥ ዘጭንቑለይ ክንደይ ይበዝሑ! ክንደይከ እዮም ኣባይ ዝለዓሉ!

²ብዙሓት ሰባት “ንነፍሰይ ኣምላኽኪ ኣየድሕነክን” በልዋ።

³ኦ ጐይታ፥ ንስኻ ግና መፀግዕየይ ኢኻ፤ ክብረይን ንርእሰይውን ልዕል እተብላን ንስኻ ኢኻ።

⁴ድምፀይ ዓው ኣቢለ ናብ እግዚኣብሄር ኣእዌኹ፤ ካብ ቅዱስ እምባኡ ኸዓ ይሰምዐኒ።

⁵ኣነ ሃረስኩ፤ ደቀስኩውን፤ እግዚኣብሄር ደጊፉኒ እዩሞ ነቓሕኹ።

⁶ካብቶም ዝኸቡኒ ኣእላፋት ኣህዛብ ኣይፈርሕን እየ።

⁷ኦ ጐይታ ተስእ፤ ኦ ኣምላኸይ ኣድሕነኒ፥ ንስኻ ንምንጋጋ ዅሎም ፀላእተይ ወቒዕኻ ኢኻሞ፥ ነስናን ክፉኣት ሰባትውን ሴርካ ኢኻሞ።

⁸ምድሓን ናይ እግዚኣብሄር እዩ፤ በረኸትካውን ኣብ ልዕሊ ህዝብኻ እዩ።