Read መ/ቅዱስ ትግርኛ, Tigrigna Bible, 1 ዳዊት 32 Bible Online

ዳዊት 32 - መ/ቅዱስ ትግርኛ, Tigrigna Bible, 1 bible

ዳዊት 32

¹ሓጢኣቱ ዝተሓደገሉ፥ ኵሉ በደሉውን ዝተኸደነሉ ብፁእ እዩ።

²እግዚኣብሄር ሓጢኣቱ ዘይቘፅረሉ፥ ኣብ መንፈሱ ጥበራ ዘይብሉ ሰብ ዝተባረኸ እዩ።

³ኵልሻዕ ካብ ምእዋየይ ዝተልዓለ፥ ስቕ ምስ በልኩ፥ ኣዕፅምተይ ተበላሸዋ።

⁴ለይትን መዓልትን ኢድካ ኸቢዳትኒ እያሞ፥ ራሕሰይ ንትኩሳት ሓጋይ ተለወጠ።

⁵ሓጢኣተይ ነኣኻ ኣፍለጥኩ፤ በደለይውን ኣይሰወርኩን፤ በደለይ ንእግዚኣብሄር ክናዘዝ እየ በልኩ፤ ንስኻውን ሓጢኣት ልበይ ሓደግካለይ።

⁶ስለዙይ ኵሉ ቕዱስ ኣብ ምችዊ ጊዜ ናባኻ ይልምን፤ ብዙሕ ማይ ጥፍኣትውን፥ ናብኡ ኣይቐርብን።

⁷ንስኻ መሕብእየይ ኢኻ፤ ካብ መከራ ትሕልወኒ፤ ካብ ዝኸበቡኒ ኽተድሕነኒ ሓጐሰይ ኢኻ።

⁸ኣነ ኽምህረካ እየ፤ በታ እትኸደላ መንገዲውን ክመርሐካ እየ፤ ዓይነይ ኣብ ልዕሌኻ ኸፅንዕ እየ።

⁹ናባኻ ኸይቐርቡ፥ ብልባብን ብልጓምን ከም ዝግርሑ፥ ልቢ ኸም ዘይብሎም ኣፍራስን ኣባቕልን ኣይትኹኑ።

¹⁰መቕሰፍቲ ሓጥኣን ብዙሕ እዩ፤ ብእግዚኣብሄር ዝእመን ግና ምሕረት ይኸቦ።

¹¹ኦ ፃድቃን፥ ብእግዚኣብሄር ደስ ይበልኩም፤ ተሓጐሱውን፤ ኵልኻትኩም ቅኑዓት ልቢ ድማ ዕልል በሉ።