Read መ/ቅዱስ ትግርኛ, Tigrigna Bible, 1 ዳዊት 48 Bible Online

ዳዊት 48 - መ/ቅዱስ ትግርኛ, Tigrigna Bible, 1 bible

ዳዊት 48

¹እግዚኣብሄር ዓብዪ እዩ፤ ኣብ ከተማ ኣምላኽና ኣብታ ቕድስቲ እምባ፥ ምስጋናኡ ብዙሕ እዩ።

²ብወገን ሰሜን ኣብቲ ፅቡቕ ስፍራ ዝቖመ፥ ናይ ኵሉ ምድሪ ሓጐስ እምባ ፅዮን እዩ፤ ንሱውን ከተማ እቲ ዓብዪ ንጉስ እዩ።

³እግዚኣብሄር ኣብ ኣዳራሻታ፥ መፀግዒ ኾይኑ ይፍለጥ።

⁴እንሆ፥ ነገስታት ተኣኪቦም ብሓባር መፂኦም።

⁵ንሳቶም ሪኦም ተደነቑ፥ ደንገፁ፥ ተሃወኹ።

⁶ኣብኡ ኸም ሕርሲ ወላድ ምንቅጥቃጥ ሓዞም።

⁷ብብርቱዕ ንፋስ ንመራኽብ ተርሴስ [3] ትሰባብር።

⁸ከምቲ ሰሚዕናዮ ዝነበርና፥ ከምኡ ረአና፤ ኣብታ ኸተማ ጐይታ ሰራዊት፥ ኣብታ ኸተማ ኣምላኽና፥ እግዚኣብሄር ንዘለኣለም ከፅንዓ እዩ።

⁹ኦ ኣምላኽ፥ ኣብ ማእኸል ህዝብኻ፥ ምሕረትካ ተቐበልና።

¹⁰ኦ ኣምላኽ፥ ከም ስምካ፥ ከምኡውን ክሳዕ ወሰን ምድሪ ምስጋናኻ እዩ። የማንካ ፅድቂ ዝመልአት እያ፤

¹¹ኦ ጐይታ፥ ብፍርድታትካ፥ እምባ ፅዮን ደስ ይበሎ፤ ኣዋልድ ይሁዳውን ይተሓጐሳ።

¹²ንፅዮን ክበብዋ፤ ኣብ ዙርያኣ ድማ ተመላለሱ፤ ግንብታታውን ቍፀሩ።

¹³ንዝመፅእ ወለዶ ምእንቲ ኽትነግሩ፥ ንብርታዐኣ ኣስተብህሉ፤ ንኣዳራሻታውን ኣስተውዕሉ።

¹⁴እዝ ኣምላኽ እዙይ፥ ንዘለኣለመ ኣለም ኣምላኽና እዩ፤ ንሱ ንዘለኣለም ክመርሐና እዩ።