Read መ/ቅዱስ ትግርኛ, Tigrigna Bible, 1 ዳዊት 54 Bible Online

ዳዊት 54 - መ/ቅዱስ ትግርኛ, Tigrigna Bible, 1 bible

ዳዊት 54

¹ ኦ ጐይታ፥ ብስምካ ኣድሕነኒ፤ ብሓይልኻውን በይነለይ።

²ኦ ጐይታ፥ ፀሎተይ ስማዕ፤ ንቓላት ኣፈይውን ኣድምፅ።

³ባዕዳን ኣብ ልዕለይ ተሲኦም ኣለዉ፤ ሓያላትውን ንነፍሰይ ይደልይዋ ኣለዉሞ፤ ንሳቶም ንእግዚኣብሄር ኣብ ቅድሚኣቶም ኣይገበርዎን።

⁴እንሆ፥ እግዚኣብሄር ረዳኢየይ እዩ፤ ጐይታይውን ንነፍሰይ ደጋፊኣ እዩ።

⁵ንኽፍኣት፥ ናብ ፀላእተይ ክመልሳ እዩ፤ ብሓቅኻውን ኣጥፍኣዮም።

⁶ኦ ጐይታ፥ ብፍቓደይ መስዋእቲ ኸቕርበልካ እየ፤ ኦ ጐይታ፥ ሰናይ እዩ እሞ፥ ንስምካ ኸመስግን እየ።

⁷ካብ ኵሉ መከራ ኣድሒኑኒ እዩ እሞ፤ ዓይነይውን ኣብ ልዕሊ ፀላእተይ ሪኣ እያ እሞ።