Read መ/ቅዱስ ትግርኛ, Tigrigna Bible, 1 ዳዊት 55 Bible Online

ዳዊት 55 - መ/ቅዱስ ትግርኛ, Tigrigna Bible, 1 bible

ዳዊት 55

¹ኦ ጐይታ፥ ፀሎተይ ስማዕ፤ ንምህለላይውን ሸለል ኣይትበል።

²ተመልከተኒ፤ ስምዐኒውን፤ ብሓዘነይ ተሃዊኸ ኣለኹ፤ ተናዊፀውን ኣለኹ።

³ካብ ድምፂ ፀላእየይን፥ ካብ ግፍዒ ዓመፀኛን ዝተልዓለ፥ ንዓመፅ ኣብ ልዕለይ ደርብዮምለይ እዮምሞ፤ ብቝጥዓውን ፀሊኦምኒ ኣለዉ።

⁴ልበይ ኣብ ውሽጠይ ተናወፀኒ፤ ድንጋፀ ሞትውን ወደቐኒ።

⁵ፍርሓትን ራዕድን መፁኒ፤ ፀልማትውን ሸፈነኒ።

⁶በሪረ ኽዓርፍስ፥ ከም ርግቢ ኽንፊ መን ምሃበኒ? እንሆ ዀብሊለ ምረሓቕኩ፤ ኣብ በረኻውን ምተቐመጥኩ ነይረ።

⁸ካብ ኣውሎ ንፋስን መሸምቦባን ሃዲመ ምፈጠንኩ ነይረ።

⁹ኦ ጐይታ፥ ኣብታ ኸተማ ግፍዕን ባእስን እርኢ ኣለኹ እሞ፥ ኣስጥሞም፤ ንመላሕሶምውን ቍረፅ።

¹⁰ንሳቶም ለይትን መዓልትን ቅፅሪ እታ ኸተማ ይኸብዋ፤ ዓመፅ፥ ድኻም፥ ሓጢኣትውን ኣብ ውሽጣ ኣሎ።

¹¹ተንኰልን ጥበራን ካብ ኣደባባያ ኣይርሕቑን።

¹²ፀላኢ እንተ ዝፀርፈኒ ምተዓገስክዎ፤ ዝፀልአኒውን ንባዕሉ ኣብ ልዕለይ ልዕል ልዕል እንተ ዘብል፥ ካብኡ ምተሓባእኹ ነይረ።

¹³ንስኻ ግና ማንዛይ፥ ዓርከይን ናይ ልቢ ፈታዊየይን ነበርካ፤

¹⁴መብልዕ ምሳይ ሓቢርካ ዘጠዓዓምካ፥ ብሓደ ልቢ ኣብ ቤት እግዚኣብሄር ተመላለስና።

¹⁵ሞት ይምፅኣዮም፤ ብህይወት እንተለዉ ናብ ሲኦል ይውረዱ፤ ክፍኣት ኣብ መሕደሪኦምን ኣብ ማእኸሎምን እዩሞ።

¹⁶ኣነ ግና ናብ እግዚኣብሄር ኣእዌኹ፤ እግዚኣብሄርውን ሰምዐኒ።

¹⁷ምሸትን ጊሓትን ቀትርን እቝዝም፤ እህህውን እብል ኣለኹ፤ ንሱውን ድምፀይ ይሰምዐኒ።

¹⁸ኣብ ልዕለይ ብዙሓት ነበሩሞ፥ ካብ ዝቐርቡኒ፥ ንነፍሰይ ብሰላም ኣድሕና።

¹⁹ቤዛ የብሎምንሞ ንእግዚኣብሄርውን ኣይፈርሕዎንሞ፥ ካብ ጥንቲ ዝነበረ እግዚኣብሄር ሰሚዑ የዋርዶም።

²⁰ነቶም ምስኡ ብሰላም ኣብ ልዕሊ ዝነብሩ ኢዱ ዘርግሐ፤ ንኺዳኑውን ኣርከሳ።

²¹ዘረባኡ ኻብ ጠስሚ ለዘበ፤ ኣብ ልቡ ግና ዂናት ኣሎ፤ ቃላቱ ኻብ ዘይቲ ለስለሱ፤ ንሳቶም ግና ኸም ዝተመዘዘ ሰይፊ እዮም።

²²ትካዘካ ኣብ እግዚኣብሄር ደርቢ፤ ንሱውን ኽድግፈካ እዩ፤ ነቲ ፃድቕ ንዘለኣለም ሁከት ኣይህቦን።

²³ንስኻ ግና፥ ኦ ጐይታ፥ ናብ ጕድጓድ ሞት ተውርዶም ኢኻ፤ ናይ ደም ሰባትን ጠበርትን ፍርቂ ዕድመኣቶም ኣይነብሩሉን፤ ኣነ ግና ኣባኻ እእመን ኣለኹ።