Read መ/ቅዱስ ትግርኛ, Tigrigna Bible, 1 ዳዊት 56 Bible Online

ዳዊት 56 - መ/ቅዱስ ትግርኛ, Tigrigna Bible, 1 bible

ዳዊት 56

¹ ኦ ጐይታ ሰብ ረጊፁኒ እዩሞ መሓረኒ፤ ኵልሻዕውን ብሰልፊ ኣጨኒቑኒ እዩ።

²ዝዋግኡኒ በዚሖም እዮም እሞ፥ ኵልሻዕ ምሉእ መዓልቲ ረገፁኒ።

³ኣነ ግና ፈራሕኹ ብኣኻውን ተኣመንኩ።

⁴ብእግዚኣብሄር ንቓሉ አመስግኖ፤ ብእግዚኣብሄር ተኣሚነ እየ፤ ኣይፈርሕን፤ ሰብከ እንታይ ከይገብረኒ?

⁵ኵልሻዕ ንቓላተይ የፀይፉለይ፤ ኵሉ ኣብ ልዕለይ ዝመኽርዎ ንኽፉእ እዩ።

⁶የድብዩለይ፤ ይሕብኡኒውን፤ ንሳቶም ንሸዀናይ ይምልከቱ፤ ኵልሻዕውን ንነፍሰይ የድብዩላ።

⁷ብዝኾነ ይኹን ኣይተድሕኖም፤ ብቝጥዓኻ ንኣህዛብ ክትድርብዮም ኢኻ።

⁸ኦ ኣምላኽ፥ ንህይወተይ ነገርኩኻ፤ ንንብዓተይ ከም ትእዛዝካ ኣብ ቅድሜኻ ኣቐመጥካ።

⁹ምስ ፀዋዕኩኻ ፀላእተይ ናብ ድሕሪኦም ክምለሱ እዮም፤ በዙይውን ንስኻ ኣምላኸይ ከም ዝኾንካ ፈለጥኩ።

¹⁰ብእግዚኣብሄር ንቓሉ አመስግን፤ ብእግዚኣብሄር ንቓሉ ኣኽብር።

¹¹ብእግዚኣብሄር ተኣሚነ ኣለኹ፤ ኣይፈርሕን፤ ሰብከ እንታይ ከይገብረኒ?

¹²ኦ ጐይታ፥ ንኣኻ ዝህበካ ናይ ምስጋና መብፅዓ ኣለኒ፤ ዘቕርበልካውን ናይ ምስጋና መስዋእቲ እዩ።

¹³ብብርሃን ህያዋን ኣብ ቅድሚ እግዚኣብሄር ምእንቲ ኽመላለስ፥ ንነፍሰይ ካብ ሞት፥ ነእጋረይ ካብ ምስንኻል ኣድሒንካ ኢኻሞ።