Read መ/ቅዱስ ትግርኛ, Tigrigna Bible, 1 ዳዊት 61 Bible Online

ዳዊት 61 - መ/ቅዱስ ትግርኛ, Tigrigna Bible, 1 bible

ዳዊት 61

¹ኦ ኣምላኽ፥ ልመናይ ስማዕ፤ ፀሎተይውን ኣድምፅ።

²ልበይ ተስፋ ምስ ቈረፀ፥ ካብ ወሰን ምድሪ ናባኻ አእዊ ኣለኹ፤ ኣብ ልዕሊ እምኒ ልዕል ልዕል ኣበልካኒ።

³ኣብ ቅድሚ ፀላኢ፥ ፅኑዕ ግንቢ፥ ተስፋይውን ኴንካኒ ኢኻሞ መራሕኻኒ።

⁴ኣብ ድንኳንካ ንዘለኣለም ክነብር እየ፤ ኣብ ፅላል ኣኽናፍካውን ክኽወል እየ።

⁵ኦ ጐይታ፥ ንስኻ መብፅዓይ ሰሚዕኻ ኢኻሞ፤ ስምካ ንዝፈርሑ ርስቲ ሃብካዮም።

⁶ንንጉስ ኣብ ልዕሊ መዓልቲ፥ መዓልቲ ትውስኸሉ፤ ዘመኑውን ካብ ትውልዲ ናብ ትውልዲ ይኸውን።

⁷ኣብ ቅድሚ እግዚኣብሄር ንዘለኣለም ይነብር፤ ክሕልዋኦ ምሕረትካን ሓቅኻን ኣዳልወሉ።

⁸ከምኡ ንስምካ ንዘለኣለም ክዝምር እየ፤ እዙይውን መብፅዓይ ምእንቲ ኽፍፅም እዩ።