Read መ/ቅዱስ ትግርኛ, Tigrigna Bible, 1 ዳዊት 66 Bible Online

ዳዊት 66 - መ/ቅዱስ ትግርኛ, Tigrigna Bible, 1 bible

ዳዊት 66

¹ኵልኹም ኣብ ምድሪ ዘለኹም፥ ንእግዚኣብሄር ዕልል በሉ።

²ንስሙውን ዘምሩ፤ ንምስጋናኡውን ክብሪ ሃቡ።

³ንእግዚኣብሄር ከምዙይ በልዎ፦ ስራሕኻ ግሩም እዩ፤ ሓይልኻ ብዙሕ እንትኸውን ፀላእትኻ ሓሰዉኻ።

⁴ኵሎም ኣብ ምድሪ ዘለዉ ንኣኻ ኽሰግዱ፤ ንኣኻ ኽዝምሩ፥ ንስምካውን ክዝምሩ እዮም።

⁵ንዑ ስራሕ እግዚኣብሄር ረአዩ፤ ካብ ደቂ ሰብ ብምኽሩ የመና ግሩም እዩ።

⁶ ንባሕሪ ንቑፅ ምድሪ ዝገበራ፥ ንሩባውን በእጋሮም ሰገርዎ፤ ኣብኡ ብእኡ ደስ ይብለና።

⁷ብሓይሉ ንዘለኣለም ይገዝእ፤ ኣዒንቱ ድማ ንኣህዛብ ይምልከታ፤ ዓመፀኛታት ንርእሶም ልዕል ልዕል ኣየብሉ።

⁸ኣቱም ኣህዛብ፥ ንኣምላኽና ባርኽዎ፤ ድምፂ ምስጋናኡውን ኣስምዑ።

⁹ንነፍሰይ ብህይወት የንብራ፤ ነእጋረይውን ንምንዋፅ ኣሕሊፉ ኣይህበንን።

¹⁰ኦ ጐይታ፥ ንስኻ ፈተንካና፤ ንብሩር ከም ዝፍትንዎውን ፈተንካና።

¹¹ናብ መፈንጠር ኣእተኻና፤ ኣብ ዝባንና መከራ ኣንበርካ።

¹²ኣብ ኣራእስና ብሰብ ኣርገፅካና፤ ብማእኸል ሓዊን ማይን ኣሕለፍካና፤ ናብ ዕረፍቲ እውን ኣውፃእኻና።

¹³ምስ ዝቃፀል መስዋእቲ ናብ መቕደስካ ኽኣቱ እየ።

¹⁴ብጊዜ መከራይ ብኣፈይ ዝተዛረብኩዎ፥ ብኸናፍረይውን ዝበልክዎ መብፅዓይ፥ ንኣኻ ኽፍፅም እየ።

¹⁵ዕጣን ምስ ስቡሓት ኣባጊዕ፥ ንዝቃፀል መስዋእቲ ዝራብዕ ኸቕርበልካ እየ፤ ኣብዑርን ኣጣልንውን ክስውአልካ እየ።

¹⁶ኣቱም ንእግዚኣብሄር እትፈርሑ ዅልኹም፥ እግዚኣብሄር ንነፍሰይ ዝገበረላ ኽነግረኩምስ ንዑ ስምዑኒ።

¹⁷ብኣፈይ ናብኡ ኣእዌኹ፤ ብልሳነይውን ኣመስገንክዎ።

¹⁸ኣብ ልበይ በደል ሪአ እንተ ዝኸውን፥ እግዚኣብሄር ኣይምሰምዐንን ነይሩ።

¹⁹ስለዙይ እግዚኣብሄር ሰምዐኒ፤ ናብ ድምፂ ልመናይ ድማ ኣድመፀ።

²⁰እቲ ንፀሎተይ ዘይከልአኒ፥ ምሕረቱውን ካባይ ዘየርሓቐ እግዚኣብሄር ይመስገን።