Read መ/ቅዱስ ትግርኛ, Tigrigna Bible, 1 ዳዊት 7 Bible Online

ዳዊት 7 - መ/ቅዱስ ትግርኛ, Tigrigna Bible, 1 bible

ዳዊት 7

¹ኦ ኣምላኸይ፥ ብኣኻ ተኣመንኩ፤ ካብ ኵሎም ዝኸቡኒ ኣድሕነኒ፤ ኣናግፈኒውን።

²ዘድሕንን ዘናግፍን ኣብ ዘይብሉ፥ ንነፍሰይ ከም ኣንበሳ ከይምንዝዕዋን ከይሰላልዕዋን።

³ኦ ጐይታ ኣምላኸይ፥ ከምዙይ ገይረ እንተ ደኣ ኾይነ፥

⁴ኣብ ኢደይውን ዓመፅ እንተ ተረኺቡ፥ ክፉእ ንዝገበሩኒ፥ ክፉእ መሊሰሎም እንተ ኾይነ፥ ንፀላእየይውን ብኸንቱ ገፊዐ እንተ ኾይነ፥

⁵ፀላኢ ንነፍሰይ የሳጕጓ፤ ይርከባውን፤ ንህይወተይውን ኣብ ምድሪ ይርገፃ፤ ንኽብረይውን ኣብ ሓመድ የዋርዳ።

⁶ኦ ጐይታ፥ ብመዓትካ ተስእ፤ ኣብ ልዕሊ ተፃረርተይ ብቝጥዓ ተልዓል፤ ኦ ኣምላኸይ ብዝኣዘዝካዮ ስርዓት ንቓሕ።

⁷ጉባኤ ኣህዛብውን ክኸበካ እዩ፤ ኣብ ልዕሊኣቶምውን ናብ በሪኽ ተመለስ።

⁸እግዚኣብሄር ብኣህዛብ ክፈርድ እዩ፤ ኦ ጐይታ፥ ከም ፅድቀይ ፍረደለይ፤ ከም ለዋህነተይውን ይኹነለይ።

⁹ ክፍኣት ሓጥኣን ይጥፋእ፤ ንፃድቃን ግና ኣቕንዓዮም፤ እግዚኣብሄር ልብን ኵላሊትን ይምርምር።

¹⁰እግዚኣብሄር ናይ ፅድቂ ዋልታይ እዩ፤ ንሱ ንቕኑዓት ልቢ የድሕኖም እዩ።

¹¹ኣምላኽ ናይ ሓቂ ፈራዲ እዩ፤ ሓያልን ተዓጋሲን እዩ፤ ኵልሻዕውን ኣይቝጣዕን።

¹²እንተ ዘይተመሊስኩም ግና፥ ሰይፉ ይስሕል፤ ቀስቱውን ገተረ፤ ኣዳለወውን።

¹³ናይ ሞት ኣፅዋርውን ኣዳለወሉ፤ ፍላፃታቱውን ከም ዝቃፀሉ ገበረ።

¹⁴እንሆ ዓማፂ ብዓመፃኡ ተጨነቐ፤ ጕድኣት ጠነሰ፥ ሓጢኣትውን ወለደ።

¹⁵ጕድጓድ ኰዓተ፤ ኣዕመቖውን፥ ናብቲ ዝዀዓቶ ጕድጓድ ድማ ይወድቕ።

¹⁶ጕድኣቱ ናብ ባዕሉ ይምለስ፤ ዓመፃኡውን ኣብ ናላኡ ትወርድ።

¹⁷ንእግዚኣብሄር ከም መጠን ፅድቁ ኸመስግኖ እየ፤ ንስም ልዑል እግዚኣብሄር ከዓ ኽዝምር እየ።