Read መ/ቅዱስ ትግርኛ, Tigrigna Bible, 1 ዳዊት 74 Bible Online

ዳዊት 74 - መ/ቅዱስ ትግርኛ, Tigrigna Bible, 1 bible

ዳዊት 74

¹ኦ ኣምላኽ፥ ስለ ምንታይ ንሓዋሩ ደርበኻና? ኣብ ልዕሊ መጓሰ ኣባጊዕኻኸ ንምንታይ ቍጥዓ ተቘጣዕኻ?

²ኣቐዲምካ ንዝፈጠርካያ ማሕበርካ፥ ንዝተቤዘኻያ በትሪ ርስትኻ፥ ነታ ኣብኣ ዝሓደርካያ እምባ ፅዮን ዘክር።

³ፀላኢ ኣብ ቅዱሳንካ ኸም ዘኽፍአ መጠን፥ ኵልሻዕ ኣብ ትዕቢቶም ኢድካ ኣልዕል።

⁴ፀላእትኻ ኣብ ማእኸል በዓልካ ተመክሑ፤ ዘይፈልጥዎ ምልክትውን ምልክት ገበሩ።

⁵ከምቲ ላዕለዋይ መእተዊ፥ ከምቶም ኣብ ዱር ዘለዉ ኣእዋም፥ ንበሪታታ ብማሕፀ ሰበሩ።

⁶ከምኡ ብማሕፀን ብመዶሻን ገይሮም ሰበርዎ።

⁷ንመቕደስካ ብሓዊ ኣንደድዋ፤ ንመሕደሪ ስምካውን ኣብ ምድሪ ኣርከስዋ።

⁸ብልቦም ሓደ ኾይኖም በብህዝቦም፥ ንዑ ንበዓላት እግዚኣብሄር ካብ ምድሪ ንስዓር በሉ።

⁹ምልክታትና ኣይንርእን፤ ድሕሪ ሕዚ እውን ነቢይ የለን፤ ክሳዕ መኣዝ ከም ዝነብር ዝፈልጥ ኣባና የለን።

¹⁰ኦ ጐይታ፥ ክሳዕ መኣዝ እዩ ፀላኢ ዝፃረፍ? ክሳዕ መኣዝ እዩኸ ፀላኢ ንስምካ ዘቃልሎ?

¹¹የማንካ ኻብ ማእኸል መንኰራርዕትኻ፥ ኢድካውን ንምንታይ ፈፂምካ እትምልስ?

¹²እግዚኣብሄር ግና ቅድሚ ዓለም ንጉስ እዩ፤ ኣብ ማእኸል ምድሪ እውን መድሓኒት ገበረ።

¹³ ንስኻ ንባሕሪ ብሓይልኻ ኣፅናዕኻያ፤ ኣራእስ ኣትማን ኣብ ውሽጢ ባሕሪ ሰበርካ።

¹⁴ ንስኻውን ኣራእስ ገበል ቀጥቀጥካ፤ ንህዝቢ ኢትዮጵያ ምግቦም ሃብካዮም።

¹⁵ዓይኒ ማያትን ወሓዝትን ሰንጠቕካ፤ ንስኻ ነቶም ኵልሻዕ ዝውሕዙ ሩባታት ኣንቀፅካ።

¹⁶መዓልቲ ናትካ እያ፤ ለይቲውን ናትካ እያ፤ ንስኻ ንወርሕን ንፀሓይን ኣፅናዕኻየን።

¹⁷ንስኻ ንዅሉ ወሰናት ምድሪ ሰራሕኻ፤ ንሓጋይን ንኽረምትን ንስኻ ገበርካዮ።

¹⁸ነዝ ፍጥረትካ እዙይ ዘክር፤ ፀላኢ ንእግዚኣብሄር ኣባጨወሉ፤ ሰነፍ ህዝቢ እውን ንስሙ ኣቘጥዖ።

¹⁹ነታ እትግዝአልካ ነፍሲ፥ ንኣራዊት ኣይትሃባ፤ ንነፍሲ እቶም ሽግረኛታትካ ንሓዋሩ ኣይትረስዕ።

²⁰ናይ ምድሪ ናይ ፀልማት ስፍራታት፥ ብገዛውቲ ሓጥኣን ተመሊአን እየንሞ፥ ናብ ኪዳንካ ተመልከት።

²¹ድኻ ሓፊሩ ኣይመለስ፤ ምስኪንን ድኻን ንስምካ የመስግኑ።

²²ኦ ጐይታ፥ ተስእ፤ በቐልካ ተበቀል፤ ሰነፋት ኵልሻዕ ዘባጨዉልካ ዘክር።

²³ቃል ባሮትካ ኣይትረስዕ፤ ኵርዓት ፀላእትኻ ዅልሻዕ ናባኻ ይድይብ ኣሎ።