Read መ/ቅዱስ ትግርኛ, Tigrigna Bible, 1 ዳዊት 75 Bible Online

ዳዊት 75 - መ/ቅዱስ ትግርኛ, Tigrigna Bible, 1 bible

ዳዊት 75

¹ነመስግነካ ኣለና፤ ኦ ጐይታ፥ ነመስግነካ ኣለና፤ ስምካውን ንፅውዕ ኣለና፤ ኵሉ ተኣምራትካውን ንነግር ኣለና።

²ነቲ ምዱብ ጊዜ ምስ ረኸብኩ፥ ኣነ ሓቂ ኽፈርድ እየ።

³ምድርን ኣብኣ ዝነብሩ ዅሎምን መኸኹ፤ ኣነ ግና ነዕምዳ ኣፅናዕኹ።

⁴ንሓጥኣን፥ “ኣይትበድሉ” በልኩዎም፤ ነቶም ሓጢኣተኛታትውን “ቀርንኹም ኣይተልዕሉ” በልክዎም።

⁵ቀርንኹም ክሳዕ ላዕሊ ኣይተልዕሉ፤ ኣብ ልዕሊ እግዚኣብሄርውን ዓመፅ ኣይትናገሩ።

⁶ክብሪ ኻብ ምብራቕ ወይ ካብ ምዕራብ፥ ወይ ካብ ምድረ በዳ ኣይመፅእንሞ።

⁷እግዚኣብሄር ፈራዲ እዩሞ፤ ነዙይ የዋርድ፤ ነቱይ ከዓ የኽብር።

⁸ፅዋዕ ኣብ ኢድ እግዚኣብሄር እዩሞ፥ ዘይተሓዋወሰ ወይኒ መልአሉ፤ ካብዙይ ናብቱይውን ሓዋወሶ፤ ግና ሓተላኡ ኣይፈሰሰን፤ ኵሎም ሓጥኣን ምድሪ ድማ ኽሰትይዎ እዮም።

⁹ኣነ ግና ንዘለኣለም ደስ ይብለኒ፤ ንኣምላኽ ያእቆብውን ክዝምረሉ እየ፤

¹⁰ንዅሉ ኣቕርንቲ ሓጥኣን ክሰብሮ እየ፤ ኣቕርንቲ ፃድቃን ግና ልዕል ልዕል ክብሉ እዮም።