Read መ/ቅዱስ ትግርኛ, Tigrigna Bible, 1 ዳዊት 82 Bible Online

ዳዊት 82 - መ/ቅዱስ ትግርኛ, Tigrigna Bible, 1 bible

ዳዊት 82

¹እግዚኣብሄር ኣብ ማሕበር ኣማልኽቲ ቖመ፤ ኣብ ማእኸል ኣማልኽቲውን ይፈርድ።

²ክሳዕ መኣዝ ኢኹም ብዓመፅ እትፈርዱ? ንገፅ ሓጥኣን ርኢኹም ከዓ እተዳልዉ?

³ንድኻታትን ንደኽታማትን ፍረዱሎም፤ ንጥቑዕን ንምስኪንን ከዓ ፍትሒ ኣውፅኡሎም።

⁴ንድኻን ንምስኪንን ኣናግፉ፤ ካብ ኣእዳው ሓጥኣንውን ኣናግፍዎም።

⁵ኣይፈልጡን፤ ኣየስተውዕሉን፤ ኣብ ውሽጢ ፀልማት ይመላለሱ፤ ኵሉ መሰረት ምድሪ ተናወፀ።

⁶ኣነስ፥ “ኣማልኽቲ ኢኹም፤ ኵልኻትኩምውን ውሉድ እቲ ልዑል ኢኹም” በልኩ፤

⁷“ግና ኸም ሰብ ክትሞቱ፥ ከም ሓደ ካብቶም ኣሕሉቕውን ክትወድቁ ኢኹም” በልኩ።

⁸ኦ ኣምላኽ፥ ተስእ፤ ኣብ ልዕሊ ምድሪ እውን ፍረድ፤ ንስኻ ንዅሎም ኣህዛብ ክትወርስ ኢኻ።