Read መ/ቅዱስ ትግርኛ, Tigrigna Bible, 1 ዳዊት 83 Bible Online

ዳዊት 83 - መ/ቅዱስ ትግርኛ, Tigrigna Bible, 1 bible

ዳዊት 83

¹ኦ ጐይታ፥ ከማኻ መን እዩ? ኦ ኣምላኽ፥ ስቕ ኣይትበል፤ ሸለልውን ኣይትበል።

²እንሆ፥ ፀላእትኻ ኣውክዑ፤ እቶም ዝፀልኡኻውን ርእሶም ኣልዓሉ።

³ንህዝብኻ ተንኰል ይፍሕሱሎም፤ ኣብ ልዕሊ ቕዱሳንካውን ተማኸሩ።

⁴“ስም እስራኤል ደጊም ከይዝከርስ፥ ንዑ፥ ካብ ኣህዛብ ነጥፍኣዮም” በሉ።

⁵ሓቢሮም ኣብ ልዕሌኻ ተማኸሩ፤ ኣብ ልዕሌኻውን ኣሻረዉ፤ ቃል ኪዳን ተኣታተዉ።

⁶ድንኳናት ኤዶማውያንን እስማኤላውያንን፥ ሞኣባውያንን ኣጋራውያንን፥

⁷ሰብ ጌባልን ኣሞናውያንን ኣማሌቃውያንን፥ ፍልስጥኤማውያንን ሰብ ጢሮስን እዮም።

⁸ኣሶር ድማ ምስኣቶም ተሓባበረ፤ ምስ ኤዶማውያንን ሞኣባውያንን ስለ ዝሓበረ፥ ንደቂ ሎጥውን ሓገዝቲ ኾንዎም።

⁹ ከምቲ ንምድያማውያንን፥ ንሲሳራን ኢያቢስን፥ ኣብ ሩባ ቂሶን ዝገበርካዮም ግበሮም።

¹⁰ንሳቶም ኣብ እንዶር ጠፍኡ፤ ከም ጐሓፍ ምድሪ እውን ኮኑ።

¹¹ነሕሉቖምውን ከም ሔሬብን ከም ዜብን፥ ንዓበይቶምውን ከም ዛብሔልን ስልማናን ግበሮም።

¹³ኦ ኣምላኸይ፥ ከም በነንታ፥ ኣብ ቅድሚ ሓዊ ኸም ዘሎ ሓሰር፥ ግበሮም።

¹⁴ከምቲ ሓዊ ንዱር ዘባርዖ፥ ሃልሃልታውን ንእምባታት ዘቃፅሎ፥

¹⁵ከምኡ ብቝጥዓኻ ኣሳጕጎም፤ ብመቕሰፍትኻውን ኣደንግፆም።

¹⁶ስምካ ምእንቲ ኽፈልጡስ ንገፆም ብውርደት ሸፍኖ።

¹⁷ንዘለኣለም ይነወሩን ይሸበሩን፤ ይሕፈሩን ይጥፍኡን።

¹⁸ስምካ፥ እግዚኣብሄር ከም ዝኾነ፥ ኣብ ልዕሊ ዅሉ ምድሪ እውን ንስኻ በይንኻ ልዑል ከም ዝኾንካ ይፍለጡ።