Read መ/ቅዱስ ትግርኛ, Tigrigna Bible, 1 ዳዊት 84 Bible Online

ዳዊት 84 - መ/ቅዱስ ትግርኛ, Tigrigna Bible, 1 bible

ዳዊት 84

¹ኦ ጐይታ ሰራዊት፥ መሕደሪታትካ ከመይ ዝተፈተዉ እዮም!

²ነፍሰይ ንዓፀድ እግዚኣብሄር ትፈቱን ሃረር ትብልን ኣላ፤ ልበይን ስጋይን ብህያው እግዚኣብሄር ተሓጐሰ።

³ዒፍ እኳ ንባዕላ ቤት ረኸበት፤ ለዃዂቶውን ጨቓዊታ እተንብረሉ መንበሪ ረኸበት፤ ኦ ጐይታ ሰራዊት፥ ንጉሰይን ኣምላኸይን፥ ንሱ መሰውኢካ እዩ።

⁴ኵሎም ኣብ ቤትካ ዝነብሩ ብፁኣን እዮም፤ ንዘለኣለመ ኣለምውን የመስግኑኻ።

⁵ኦ ጐይታ ሓገዙ ኻባኻ ዝኾነ፥ ብልቡውን ላዕለዋይ መንገዲ ዝሓስብ ብፁእ እዩ።

⁶ብውሽጢ ለሰ ብኽያት፥ ኣብ ዝወሰንካዮ ስፍራ፥ መምህር ሕጊ በረኸት ይህብ።

⁷ካብ ሓይሊ ናብ ሓይሊውን ይኸዱ፤ ኣምላኽ ኣማልኽቲ ኣብ ፅዮን ይረአ።

⁸ኦ ኣምላኽ ሰራዊት፥ ፀሎተይ ስማዕ፤ ኦ ኣምላኽ ያእቆብ፥ ፅን በል።

⁹ኦ ጐይታ ምትእምማንና ረአየልና፤ ናብ ገፅ እቲ ዝቐባእኻዮውን ተመልከት።

¹⁰ካብ ኣእላፍ፥ ሓንቲ መዓልቲ ኣብ ኣደባባያትካ ትሐይሽ፤ ስለዙይ ኣብ ኣባይቲ ሓጥኣን ካብ ምንባርስ፥ ኣብ ቤት እግዚኣብሄር ክድርበ መረፅኩ።

¹¹እግዚኣብሄር ኣምላኽ ምሕረትን ሓቅን ይፈቱ፤ እግዚኣብሄር ሞገስን ክብርን ይህብ፤ ነቶም ብቕንዕና ዝኸዱ፥ እግዚኣብሄር ነቲ ሰናይ ዝኾነ ኣይኸልኦምን።

¹²ኦ ጐይታ ሰራዊት እግዚኣብሄር፥ ብኣኻ ዝተኣመነ ብፁእ እዩ።