Read መ/ቅዱስ ትግርኛ, Tigrigna Bible, 1997 ኦሪት ዘፍጥረት 16 Bible Online

ኦሪት ዘፍጥረት 16 - መ/ቅዱስ ትግርኛ, Tigrigna Bible, 1997 bible

ኦሪት ዘፍጥረት 16

¹ሳራይ ሰበይቲ ኣብራም ከኣ ውሉስ ኣወለደትን ነበረት። ኣጋር እትበሃል ግብጻዊት ግዝእቲ ድማ ነበረታ።

²ሳራይ ከኣ ንኣብራም እንሆ ኣነ ኸይወልድ እግዚኣብሄር ዓጽዩኒ እዩ። ምናልባሽ ብእኣ እንተ ተፋሬኻ። በጃኻ ናብዛ ግዝእተይ እቶ በለቶ። ኣብራም ድማ ንቓል ሳራይ ሰምዔ።

³ኣብራም ኣብ ምድሪ ኸንኣን ዓአርተ ዓመት ገብረ፡ ሳራይ ሰብይቲ ኣብራም፡ ነታ ግብጻዊት ግዝእታ ኣጋር ወሲዳ ንኣብራም ሰብኣያ ሰበይቱ ኸተከውን ሃበቶ።

⁴ንሱ ድማ ናብ ኣጋር ኣተወ፡ ንሳ ኽኣ ጠነሰት። ከም ዝጠነሰት ምስ ረኣየት፡ ንእመቤታ ኣቃለለታ።

⁵ሳራይ ድማ ንኣብራም፡ እዚ ዝዕገቦ ዘለኹ፡ ናብ ልዕሌኻ ይውረድ፡ ኣነ ግዝእተይ ኣብ ሕቑፍኻ ሀብኩኻ፡ ከም ዝጠነሰት ምስ ረኣየት ከኣ ኣቃለለትኒ። እግዚኣብሄር ኣብ መንጎይን ኣብ መንጎኻን ይፍረድ በለቶ።

⁶ኣብራም ድማ ንሳራይ፡ እንሃ ፡ ግዝእትኺ ኣብ ኢድኪ እያ፡ ጽቡቕ ኮይንይ ኸም እተራእየኪ ግበርያ በላ። ሽዑ ሳራይ ኣዋረደታ፡ ንሳ ኽኣ ካብ ቅድሚኣ ሀደመት።

⁷መልኣኽ እግዚኣብሄር ግና ኣብ ጥቓ ዓይኒ ማይ ኣብ በረኻ፡ ኣብ ጥቓ መገዲ ሹር ኣብ ዘሎ ዓይኒ ረኸባ።

⁸ንሱ ድማ፡ ኣቲ ኣጋር፡ ግዚእቲ ሳራይ፡ ካበይ መጺእኪ፡ ናበይሲ ትኸዲ ኣሎኺ በላ። ንሳ ኽኣ፡ ኣነ ኻብ ቅድሚ እመቤተይ ሳራይ እሀድም ኣለኹ በለት።

⁹እቲ መልኣኽ እግዚኣብሄር ከኣ፡ ናብ እመቤትኪ ተመለሲ፡ ኣብ ትሕቲ ኢዳ ድማ ትሕት በሊ በላ።

¹⁰እቲ መልኣኽ እግዚኣብሄር ከኣ ፡ ንዘርእኺ ካብ ምብዛሑ እተላዕለ ክቑጸር ክሳዕ ዘይክእል ፡ ኣዝየ ኸብዝሖ እየ ፡ በላ።

¹¹እቲ መልኣኽ እግዚኣብሄር ድማ ፡ እንሆ ፡ ጥንስቲ ኢኺ ወዲ ኽኣ ክትወልዲ ኢኺ፡ እግዚኣብሄር መከራኺ ሰሚዑ እዩ እሞ ፡ ስሙ እስማኤል ኣውጽእሉ።

¹²ንሱ ኣብ መንጎ ሰብ ከም ኣድጊ በረኻ ኪኸውን እዩ ኢዱ ናብ ልዕሊ ኹሉ፡ ኢድ ኩሉ ድማ ናብ ልዕሊኡ ክትከውን እያ። ኣብ ቅድሚ ኹሎም ኣሕዋቱ ኽኣ ኪነብር እዩ፡ በለ።

¹³ንሳ ድማ ነቲ ዚርእየንስ ኣብዚዶ ርእየዮ እየ፡ ኢላ ስም እቲ ንኣኣኣ እተዛረበ እግዚኣብሄር ኣታ ዚርኢ ኣምላኽ ኢላ ኣውጽኣትሉ።

¹⁴ስለዚ እቲ ዔላ ብኤር ለሓይሮይ ተባህለ። ንሱ እንሆ፡ ኣብ መንጎ ቃዴስን ባሬድን ኣሎ።

¹⁵ኣጋር ከኣ ንኣብራም ወዲ ወለደትሉ። ኣብራም ድማ ነቲ ኣጋር ዝወልደትሉ ወዲ ስሙ እስማዒል ኣውጽኣሉ።

¹⁶በቲ ኣጋር ንኣብራም እስሚኤል ዝወለደትሉ ጊዜ ድማ ኣብራም ወዲ ሰማንያን ሹድሽተን ዓመት ኮይኑ ነበረ።