Read መ/ቅዱስ ትግርኛ, Tigrigna Bible, 1997 ኦሪት ዘፍጥረት 20 Bible Online

ኦሪት ዘፍጥረት 20 - መ/ቅዱስ ትግርኛ, Tigrigna Bible, 1997 bible

ኦሪት ዘፍጥረት 20

¹ኣብርሃም ድማ ካብኡ ንምድሪ ደቡብ ኣቢሉ ተጓዕዘ። ኣብ መንጎ ቃዴስን ሹርን ተቐመጠ ኣብ ጌራር ከኣ ሰደተኛ ኮይንይ ነበረ።

²ኣብርሃም ድማ ብዛዕባ ሰበይቱ ሳራ፡ ሓብተይ እያ በለ። ኣቢሜሌክ ንጉስ ጌራ ከኣ፡ ልኢኹ ንሳራ ወሰዳ።

³ኣምላኽ ግና ናብ ኣቢሜሌክ ለይቲ ብሕልሚ መጺኡ፡ እዛ ወሲድካያ ዘሎኻ ሰበይቲ በዓልቲ ሰብኣይ እያ እሞ፡ እንሆ ብሰራ ኽትመውት ኢኻ በሎ።

⁴ኣቢሜሌክ ከኣ ኣይቀረባን ነበረ እሞ፡ ጐይታይ ንጻድቕ ህዝቢወንዶ ትቐትል ኢኻ።

⁵ባዕሉዶ ኣይኮነን፡ ንሳ ሓብተይ እያ ዝበለኒ፡ ንሳ ባዕላ ድማ ንሱ ሓወይ እዩ በለት። ብጹጹይ ልበይ ብጹርዩ ኢደይን እየ እዚ ዝገበርኩ በለ።

⁶ኣምላኽ ክኣ ብሕልሚ ኣነውን እዚ ብጹጹይ ልብኻ ከም ዝገብርካዮ፡ ፈሊጠ፡ ኣነ ድማ ኣብ ቅድመይ ሓጢኣት ከይትገብር ከልከልኩኻ። ስለዚ ኽትትንክያ ኣይፈቐድኩልክና።

⁷ሕጂ ኽኣ ሰበይቲ እቲ ሰብኣይ ምለሳ። ነብዩ እዩ እሞ፡ ምእንቲ ኽትድሕን ከኣ ንሱ ይጸልየልካ። እንተ ዘይመለስካያ ግና፡ ንስኻን ናትካ ዘበለ ኹሉ ብርግጽ ከም እትመውት ፍለጥ፡ በሎ።

⁸ኣቢሜሌክ ንጽብሒቱ ኣንጊሁ ተንስኤ፡ ንኹሎም ገላውኡ ጸዊዑ እዚ ነግርዚ ኹሉ ኣዘንተወሎም። እቶም ሰባት ከኣ ኣዝዮም ፈርሁ።

⁹ኣቢሜሌክ ከኣ ንኣብርሃም ጸዊዑ፡ እዚ ዝገብርካና እንታይ እዩ፡ ኣባይን ኣብ መንግስተይን ዓብዩ ሓጢኣት ዘምጻእካልና፡ እንታይ በዲለካ ነይረ እየ፡ ዘይግበር ግብሪ እንካ ደኣ ገበርካኒ በሎ።

¹⁰ኣቢሜሌክ ድማ ንኣብርሃም፡ እንታይ ተራእዩካ ኢኻ እዚ ነገርዚ ዝገብርካ፡ በሎ።

¹¹ኣብርሃም ከኣ፡ ኣብዛ ቦታ እዚኣ ብርግጽ ፍርሃት ኣምላኽ የልቦን እሞ፡ ብምኽንያት ሰበይተይ ኪቐትሉኒ እዮብ፡ ኢለ እየ።

¹²ንሳ ድማ ብሓቂ ሓብተይ ጋል ኣቦይ እያ ጓል ኣደይ ግና ኣይኮነትን፡ ሰበይተይ ከኣ ኾነት።

¹³ኮነ ግና፡ ኣምላኽ ካብ ቤት ኣቦይ ምስ ኣውጽኣኒ፡ ኣብ ኩሉ ዝኣቶናዮ ቦታ ብዛዕባይ፡ ንሱ ሓወይ እዩ፡ ክትብሊ እዚ እዩ እተርእይኒ ሞገስኪ፡ በልክዋ በለ።

¹⁴ኣቢሜሌክ ኣባጊዕን ኣሓን ተባዕትዮን ኣንስትዮን ባሮት ወሲዱ ኽኣ ንኣብርሃም ሀቦ። ሰበይቱ ሳራ ድማ መለሰሉ።

¹⁵ኣቢሜሌክ ከኣ፡ እንሆ ምድረይ ኣብ ቅድሜኻ እያ፡ ኣብ ዝሓይሽ መሲሉ ኣተራእየካ ተቐመጥ በለ።

¹⁶ንሳራ ድማ እንሆ ንሓውኪ ሽሕ ሲቃል ብሩር ሂበዮ ኣለኹ። እንሆ እዚ ኣብ ቅድሚ እቶም ምሳኺ ዘለው ኹሎም መጎልበቢ ዓይኒ ይኹንኪ፡ ኣብ ቅድሚ ኹሎም ተሰየምኪ በላ።

¹⁷እግዚኣብሄር ብምኽንያት ሳራ፡ ሰበይቲ ኣብርሃም፡ ኢሉ ኣብ ቤት ኣቢሜሌክ ንዝነበረ ኹሉ ማሕጸን ፈጺሙ ዐጽይዎ ነበረ እሞ፡ ኣብርሃም ድማ ንኣምላኽ ለመነ። ኣምላኽውን ንኣቢሜሌክን ንሰበይቱን ኣግራዱን ኣሕወየ፡ ወለዱ ኽኣ።

¹⁸እግዚኣብሄር ብምኽንያት ሳራ፡ ሰበይቲ ኣብርሃም፡ ኢሉ ኣብ ቤት ኣቢሜሌክ ንዝነበረ ኹሉ ማሕጸን ፈጺሙ ዐጽይዎ ነበረ እሞ፡ ኣብርሃም ድማ ንኣምላኽ ለመነ። ኣምላኽውን ንኣቢሜሌክን ንሰበይቱን ኣግራዱን ኣሕወየ፡ ወለዱ ኽኣ።