Read መ/ቅዱስ ትግርኛ, Tigrigna Bible, 1997 ኦሪት ዘፍጥረት 22 Bible Online

ኦሪት ዘፍጥረት 22 - መ/ቅዱስ ትግርኛ, Tigrigna Bible, 1997 bible

ኦሪት ዘፍጥረት 22

¹ድሕርዚ ነገርዚ ኸኣ ኾነ፡ ኣምላኽ ንኣብርሃም መከሮ በሎውን፡ ኣብርሃም፡ ንሱ ኽኣ እኔኹ በለ።

²እምበኣር ነቲ እትፈትዎ ሓደ ወድኻ ይስሃቅ ውሰዶ እሞ ናብ ምድሪ ሞርያ ኺድ፡ ኣብኣ ድማ ኣብ ሓደ ኻብቲ ኣነ ዝነግረካ ኣኽራን ንዚሓርር መስዋእቲ ሰኣዮ በለ።

³ንጽብሒቱ ድማ ኣብርሃም ኣንጊሁ ተንሲኡ ኣድጉ ጸዒኑ ክልተ ግዙኣቱን ወዱ ይስሃቅን ምስኡ ወሰደ፡ ንዝሓርር መስዋእቲ ዝኸውን ዕጨይቲውን ፈለጸ፡ ተንሲኡ ድማ ናብታ ኣምላኽ ዝነገሮ ቦታ ኸደ።

⁴ኣብርሃም ኣብ ሳልሰይቲ መዓልቲ ኣዒንቱ ኣንቃዕሪሪ ነታ ቦታ ብርሑቕ ረኣያ።

⁵ኣብርሃም ድማ ንግዙኣቱ ምስ እዛ ኣድጊ ኣብዚ ጽንሑ፡ ኣነን ወደን ከኣ ናብቲ ኼድና ኽንሰግድ ኢና፡ ናባኻትኩም ድማ ንምለስ በሎም።

⁶ኣብርሃም ድማ እቲ ዝሓርር መስዋእቲ ዝኸውን ዕጨይቲ ወሲዱ ንወዱ ይስሃቅ ኣሰከሞ፡ ሓውን ካራን ከኣ ብኢዱ ወሰደ ክልቲኦም ድማ ብሓደ ኸዱ።

⁷ይስሃቅ ነቦኡ ኣብርሃም ኣቦየ ኢሉ ተዛረቦ። ንሱ እኔኹ ወደይ በሎ። ንሱ ድማ ሓውን ዕንጨይትንሲ እንሆ እቲ፡ ንዝሓርር መስዋእቲ ዝኸውን በጊዕ ደኣ ኣበይ ኣሎ፡ በሎ።

⁸ኣብርሃም ከኣ፡ ወደየ እቲ ንዝሓርር መስዋእቲ ዝኸውን በጊሲ ኣምላኽ ንርእሱ ይሓልዩ እዩ፡ በለ። ክልጢኦም ድማ ብሓደ ኸዱ።

⁹ናብታ ኣምላኽ ዝነገሮ ቦታ መጹ፡ ኣብርሃም ድማ ኣብኣ መሰውኢ ሰርሔ፡ ዕንጨይቲ ኸኣ ጸፍጸፈሉ። ንወዱ ይስሃቅ ኣሲሩ ድማ ኣብቲ መሰውኢ ኣብ ልዕሊ እቶ ዕንጨይቲ በጥ ኣበሎ።

¹⁰ኣብርሃም ድማ ንወዱ ኺሓርድ ኢዱ ዘርጊሐ ካራ ወሰደ፡

¹¹መልኣኽ እግዚኣብሄር ከኣ ኣብ ሰማይ ጸዊዑ፡ ኣብርሃም፡ ኣብርሃም በሎ። ንሱውን እኔኹ በለ።

¹²ንሱ ድማ፡ ነዚ ሓደ ውሉድካ እኳ ካብ ዘይከላእካንስ፡ ንእግዚኣብሄር ከም እትፈርህ ሕጂ ፈሊጠ ኣሎኹ እሞ ኢድካ ኣብዚ ወዲ ኣይትዘርግሕ፡ ገለውን ኣይትግበሮ፡ በለ፡

¹³ኣብርሃም ድማ ዓይኑ ቛሕ ኣበለ፡ ኣንሆ ኽኣ ድሕሪኡ ቐርኑ ብሓረግ ኣተታሕዘ ድዑል ረኣየ። ኣብርሃም ድማ ከይዱ ነቲ ድዑል ወሲዱ፡ ኣብ ክንዲ ወዱ ንዝሓርር መስዋእቲ ሰውኦ።

¹⁴ኣብርሃም ከኣ ስም እታ ቦታ እቲኣ፡ እግዚኣብሄር ይርኢ፡ ኢሉ ኣውጽኣላ። ንሱ እቲ ኽሳዕ ሎሚ ኣብ ከረን እግዚኣብሄር ይሕለ፡ ዚብሀል ዘሎ እዩ።

¹⁵መልኣኽ እግዛኢብሄር ድማ ካልኣይ ሳዕ ካብ ሰማይ ንኣብርሃም ጸው፡

¹⁶ብርእሰይ መሓልኩ ይብል እግዚኣብሄር፡ እኒ ነገርዚ ኻብ እትገብር፡ ነቲ ሓደ ውሉድካውን፡ ካብ ዘይትኸልእ።

¹⁷ስለዚ ኣዝየ ኽባርኸካ እየ፡ ንዘርእኻ ድማ ከም ከዋኽብቲ ሰማይን ከምቲ ኣብ ገምገም ባሕሪ ዘሎ ሑጻን ኣዝየ ኸብዝሖ እየ። ዘርእኻ ድማ ደጌታት ጸላእቱ ኽወርስ እዩ።

¹⁸ቃለይ ስለ ዝሰማዕካ ድማ ህዝብታት ኩላ ምድሪ ብዘርእኻ ኪባረኹ እዮም በሎ።

¹⁹ኣብርሃም ከኣ ናብ ግዙኣቱ ተመልሰ። ተላዒሎም ከኣ ብሓንሳብ ናብ ብኤርሸባዕ ከዱ። ኣብርሃም ድማ ኣብ ብኤርሸባዕ ተቐመጠ።

²⁰ኮነ ኽኣ፡ ድሕርዚ ነገርዚ ንኣብርሃም እንሆ ሚልካ ድማ ንናሆር ሓውካ ደቂ ወሊዳትሉ ኢሎም ነግርዎ።

²¹ዑጽ እቲ በኹሩ ሓው ድማ ቡዝ ቔሙኤል ከኣ ኣቦ ኣራም።

²²ኬሴድን ሓዞን ጲልደሽን ይድላፍን ቤቱኤልን።

²³ቤቱኤል ድማ ንርብቃ ወለደ። እዚኣቶም ሾሞንቲኦም ሚልካ ንናሆር ፡ ሓው ኣብርሃም ወልደትሉ።

²⁴ሬኡማ ዝስማ ሰበይቲ ወሰኑ ንሳ ድማ ጤባሕን ጋሓሞን ታሕእሽኝ መዓካን ወልደት።