Read መ/ቅዱስ ትግርኛ, Tigrigna Bible, 1997 ኦሪት ዘፍጥረት 24 Bible Online

ኦሪት ዘፍጥረት 24 - መ/ቅዱስ ትግርኛ, Tigrigna Bible, 1997 bible

ኦሪት ዘፍጥረት 24

¹ኣብርሃም ከኣ ነዊሕ ዕድመ ዝገበረ ኣረጊት ነበረ። እግዚኣብሄር ድማ ንኣብርሃም ብኹሉ ባሪኽዎ ነበረ።

²ኣብርሃም ከኣ ነቲ ኣረጊት ግዙእ ቤቱ፡ ኣዛዝ ኩሉ ገንዘቡ በጃኻ ኢድካ ኣብ ትሕቲ ስለፈይ ኣንብር።

³ካብ ኣዋልድ እዞም ኣብ ማእከሎም ዝነብር ዘሎኹ ከንኣናውያን፡ ንወደይ ስበየቲ ኸይተተኣታትዎ ብእግዚኣብሄር ኣምላኽ ሰማይን ምድርን ኤምሕለካ ኣሎኹ።

⁴ናብ ሃገረይን ናብ ዓሌተይን ኬድካ ደኣ ንወደይ ይስሃቅ ሰበይቲ ኣምጽኣሉ በሎ።

⁵እቲ ግዙእ ከኣ ምናልባሽ እታ ሰበይቲ ናብዛ ሃገር ደድሕረይ ክትስዕብ እንተ ዝይፈተወትከ፡ ንወድኻ ናብታ ንስኻ ዝወጻኣካላ ሃገርዶ ብግዲ ኽመልሶ እየ በሎ።

⁷እቲ ኻብ ቤት ኣቦይን ካብታ እተውለድኩላ ሃገርን ዘውጽኣኒ እግዚኣብሄር ኣምላኽ ሰማይ ፡ ንሱ ኻኣ እዛ ምድሪ እዚ ንዘርእኻ ክህባ እየ ኢሉ ተዛረበንን፡ ዝመሓለለይን ንሱ መልኣኹ ቀቅድሜኻ ኺልእኽ እዩ እሞ ካብኡ ንወደይ ሰበይቲ ኸተምጽኣሉ ኢኻ።

⁸እታ ሰበይቲ ደድሕሬኻ ክትስዕብ እንተዘይፈተወት ግና፡ ንስኻ ኻብዛ ማሕላይ ንጹህ ኢኻ። ሓንትስ ንወደይ ደኣ ናብኡ ኣይትምለስ በሎ።

⁹እቲ ግዙእ ኢዱ ኣብ ትሕቲ ሰለፍ ጎይትኡ ኣብርሃም ኣንበረ፡ ከምዚ ነገርዚ ገይሩ ኽኣ መሓለሉ።

¹⁰እቲ ግዙእ ድማ ካብ ኣግማል ጎይትኡ ዓሰርተ ገመል ወሲዱ፡ ካብ ኩሉ ዘዝጸበቀ ዘበለ ናይ ጎይትኡ ሒዙ ተበገሰ፡ ተንሲኡ ድማናብ መስጶታምያ ናብ ከተማ ናሆር ከደ።

¹¹ኣጋ ምሸት በታ ማይ ኪቐድሓላ ዚወጻላ ጊዜ ኽኣ ኣብ ወጻኢ ኽተመኣ ኣብ ጥቓ ዔላ ማይ ነተን ኣግማል ኣብረኻን።

¹²በለ ድማ፡ ኣታ እግዚኣብሄር፡ ኣምላኽ ጐይታይ ኣብርሃም፡ ሎሚ ኾታ ኣገባግበለይ፡ ንጐይታይ ኣብርሃም ከኣ ምሕረት ግበር።

¹³እንሆ ኣነ ኣብ ጥቓ እዚ ዓይኒ ማይ ደው ኢለ ኣሎኹ፡ ኣዋልድ ደቂ እዛ ኸተማ ከኣ ማይ ኪቐድሓ ይወጻ ኣለዋ።

¹⁴ይኹን ከኣ፡ ማይ ክሰቲ በጃኺ ዕትሮኺ ትሕት ኣብልዮ ዝብላ ጓል፡ ንሳ ኽኣ፡ ስተ ነግማልካውን ኣስትየን ኣየ ኣትብለኒ ፡ ንሳ ንይስሃቕ ባርያኻ ዝመጸብካያ ትኹን። ንጐይታይ ምሕረት ከም ዝገብርካሉ ኽኣ በዚ እፈልት።

¹⁵ኮነ ኽኣ ገና ዘረባኡ ኸይወድኤ፡ እንሃ ርብቃ፡ ጓል ቤቱኤል ወዲ ሚልካ፡ ሰበይቲ ናሆር ሓው ኣብርሃም፡ ዕትሮኣ ኣብ መንኩባ ጾይራ ወጸት።

¹⁶እታ ጓል ድማ ትራኢታ ኣዝያ ውቅብቲ፡ ሰብኣይ ዘይፈለጣ ድንግል ነበረት። ናብቲ ዓይኒ ማይ ወሪዳ ኽኣ ዕትሮኣ መሊኣ ደየበት።

¹⁷እቲ ግዙእ ድማ ጎይዩ ተቓባቢሉ፡ ካብ ዕትሮኺ ኮታ ሒደት ማይ ኣስትይኒ በለ።

¹⁸ንሳ ኽኣ ጐይታይ፡ ስተ ኢላ፡ ቕልጢፋ ዕትሮኣ ናብ ኢዳ ኣውሪዳ ኣስተየቶ።

¹⁹ምስ ኣስተየቶ ድማ ነግማልካውን ክሳዕ ዚኣኽለን ኪስትያ ክቐድሓለን እየ በለት።

²⁰ቀልጢፋ ኽኣ ዕትሮኣ ናብ ጋብላ ኣዕሪቓ ማይ ክትቀድሕ መሊሳ ናብ ዔላ ጎየየት፡ ንኹለን ኣግማሉ ኽኣ ቀድሓትለን።

²¹እቲ ሰብኣይ ድማ እግዚኣብሄር መገዱ ኣቕኒዑሉ እንተ ኾነ ወይስ እንተዘይኮነ ኪፈልጥ፡ ስቕ ኢሉ ተኩሩ ይጥምታ ነበረ።

²²ኮነ ኽኣ እተን ኣግማል ሰትየን ምስ ኣእከላ እቲ ሰብኣይ ፈራቓ ሲቃል ዝሚዛኑ ኽልተ ኣምባር ወርቂውን ነእዳዋ ኣውጽኤ።

²³ጓል መን ኢኺ፡ በጃኺ ንገርኒ፡ ኣብ ቤት ኣቦኺኸ እንሓድረሉ ስፍራዶ ይርከብ፡ ድማ በለ።

²⁴ንሳ ኽኣ ኣነ ጓል ቤቴኤል ወዲ ሚልካ ንሆር ዝወልደትሉ እየ በለቶ።

²⁵መሊሳ ኽኣ፡ ብዙሕ ሓሰርን ደርቋን ንመሕደሪ ኽኣ ስፍራ ኣሎና በለቶ።

²⁶እቲ ሰብኣይ ድማ ፍግም ኢሉ ንእግዚኣብሄር ሰገደ።

²⁷በለ ኽኣ፡ እቲ ምሕረቱን፡ እምነቱን ካብ ጐይታይ ዘቋረጸ እግዚኣብሄር፡ ኣምላኽ ጐይታይ ኣብርሃም፡ ይባረኽ። እግዚኣብሄር ንኣይ ከኣ ብመንገዲ ቤት ኣሕዋት ጐይታይ ይመርሓኒ።

²⁸እታ ጓል ክኣ ጎይያ እዚ ነገርዚ ኣብ ቤት ኣዲኣ ነገረት።

²⁹ርብቃ ድማ ላባን ዝስሙ ሓው ነበራ። ላባን ከኣ ናብቲ ሰብኣይ ኣብ ግዳም ናብቲ ዓይኒ ማይ ጎየየ።

³⁰ኮነ ኽኣ ነቲ ቀሌቤትን ኣምባርን ኣብ ኢድ ሓብቱ ምስ ረኣየ፡ ዘረባ ርብቃ ሓብቱ ድማ እቲ ሰብኣይ ከምዚ ኢሉ ተዛረበኒ፡ ክትብል ምስ ሰምዔ፡ ናብቲ ሰብኣይ መጸ እንሆ ኽኣ ምስተን ኣግማል ኣብ ጥቓ ዔላ ደው ኢሉ ነበረ።

³¹እታ ናይ እግዚኣብሄር ብሩኽ ንምንታይ ኣብ ግዳም ደው ትብል ቤት ኣዳልየልካ ኣሎኹ፡ ነግማል ኽኣ ሰፈር እቶ በሎ።

³²ሽዑ እቲ ሰብኣይ ናብ ቤት ኣተወ። ንሱ ድማ ነተን ኣግማል ኣራገፈን ሓሰርን ድርቋን ከኣ ሀበን፡ ንምሕጻብ ኣእጋሩን ኣእጋር እቶም ምስኡ ዝነበሩ ሰባትን ማይ ሀቦም። መብልዕ ድማ ኣብ ቅድሚኡ ተቐረበ፡ ንሱ ግና ጎዳየይ ከየነገርኩስ ኣይበልዕን በለ። ንሱ ኽኣ ተዛረብ በሎ።

³³ንሱ ድማ በለ፡ ኣነ ግዙእ ኣብርሃም እየ።

³⁴ንሱ ድማ በለ፡ ኣነ ግዙእ ኣብርሃም እየ።

³⁵እግዚኣብሄር ንጐይታይ ኣብዚሑ ባረኾን ኣዕበዮን፡ ኣባጊዕን ኣሓን ብሩርን ወርቅን፡ ገላውን ኣግራድን ኣግማልን ኣእዱግን ከኣ ሂብዎ ኣሎ።

³⁶ሳራ፡ ስበይቲ ጐይታይ ድማ ምስ ኣረገት፡ ንጐይታይ ወዲ ወለደትሉ፡ ንእኡ ኽኣ ዘለዎ ኹሉ ሂብዎ ኣሎ።

³⁷ጐይታይ ድማ ኸምዚ ኢሉ ኣምሓለኒ ካብ ኣዋልድ እዞም ኣነ ኣብ ምድሮም ዝነብር ዘሎኹ ከንኣናውያን ንወደይ ሰበይቲ ኣይተምጻኣሉ።

³⁸ናብ ቤት ኣቦይን ናብ ዓሌተይን ኬድካ ደኣ ንወደይ ሰበይቲ ኣምጽኣሉ።

³⁹ሽዑ ኽኣ ኣነ ንጐይታይ ምናልባሽ እታ ሰበይቲ እንተ ዘይሰዓበትኒኸ፡ በልክዎ።

⁴⁰ንሱ ድማ በለኒ እቲ ኣነ ኣብ ቅድሚኡ ዝማለለስ እግዚኣብሄር መልኣኹ ምሳኻ ሰዲዱ መንገድኻ ኬቕንዓልካ እዩ እሞ ንወደይ ካብ ዓሌተይን ካብ ቤት ኣቦይን ሰበይቲ ኸተምጽኣሉ ኢኻ።

⁴¹ናብ ዓሌተይ ምስ መጻእካ ድማ ካብቲ ማሕላይ ክትነጽህ ኢኻ፡ እንተ ዘይሀቡኻ ሽዑ ኻብቲ ማሕላይ ንጹህ ክትከውን ኢኻ።

⁴²ሎሚ ኸኣ ናብዛ ዓይኒ ማይ መጺኤ በልኩ፡ ኣታ እግዚኣብሄር ኣምላኽ ጐይታይ ኣብርሃም፡ እዛ ኣነ ዝኸዳ ዘለኹ መገዲ ተቐንዓለይ እንተ ዃንካስ

⁴³እንሆ ኣነ ኣብ ጥቓ እዛ ዓይኒ ማይ ደው ኢለ ኣሎኹ ማይ ክትቀድሕ እትመጽእ ጓል፡ ኣነ ኽኣ፡ ካብ ዕትሮኺ ኾታ ሒደት ማይ ኣስትይኒ ዝብላ።

⁴⁴ንሳ ድማ፡ ስተ ነግማልካውን ክቐድሓለን እየ እትብለኒ፡ ንሳ እታ እግዚኣብሄር ንወዲ ጐይታይ ዝመደባ ስበይቲ ትኹን።

⁴⁵ኣነ ብልበይ ምዝራብ ከይዳእኩ፡ እንሆ ርብቃ፡ ዕትሮኣ ኣብ መንኮባ ጾይራ፡ ወጸት ናብ ዓይኒ ማይ ወሪዳ ድማ ቀድሔት። ኣነ ኽኣ፡ ኣስትይኒ ኾታ በልክዋ።

⁴⁶ወልጢፋ ድማ ዕትሮኣ ኻብ መንኮባ ኣውሪዳ ስተ ኣግማልካውን ከስትየን እየ በለት። ኣነ ሰቴኹ፡ ነተን ኣግማል ድማ ኣስተየተን።

⁴⁷ኣነ ኽኣ፡ ኣቲ ጓል መን ኢኺ፡ ኢለ ሓተትክዋ ንሳ ኽኣ፡ ጓል ቤቱኤል ወዲ ናሆር፡ ሚልካዝወልደትሉ እየ በለት። ሽዑ ኣነ ቐለቤት ኣብ ኣፍንጫኣ፡ ኣምባር ከኣ ኣብ ኣእዳው ገብርኩላ።

⁴⁸ፍግም ኢለ ድማ ንእግዚኣብሄር ሰገድኩሉ፡ ጓል ሓው ጐይታይ ንወዱ ኽወስድ ቅንዕቲ መገዲ መርሓኒ ኣምላኽ ጐይታይ ኣብርሃም ኣመስገንኩ።

⁴⁹ሕጂ ኽኣ ንጐይታይ ሞገስን እምነትን ትገብረሉ እንተ ዃንኩም፡ ንገሩኒ። እንተ ዘይኮነ ድማ፡ ንየማን ወይስ ንጸጋም ክምለስ ንገሩኒ።

⁵⁰ሽዑ ላባንን ቤቱኤልን፡ እዚ ነገር እዚ ኻብ እግዚኣብሄር ዝወጸ እዩ። ክፋእ ሐደው ጽቡቕ ክንዛረበካ እይንኻልን።

⁵¹እንሃ፡ ርብቃ ኣብ ቅድሜኻ ኣላ፡ ውሰዳ እሞ ኺድ።። ከምቲ እግዚኣብሄር ዝበሎ ድማ፡ ሰበይቲ ወዲ ጐይታኻ ትኹን፡ ኢሎም መለስሉ።

⁵²ኮነ ኽኣ እቲ ግዙእ ኣብርሃም ዘረብኦም ምስ ሰምዔ፡ ኣብ ምድሪ ተደፊኡ ንእግዚኣብሄር ሰገደ።

⁵³ድሕሪዚ እቲ ግዙእ ኣቓሑ ብሩርን ኣቓሑ ወርቅን ክዳውንትን ኣውጺኡ ንርብቃ ሀባ። ንሓዋን ነዲኣን ድማ ክቡር ነገር ሀቦም።

⁵⁴ንሱን እቶም ምስኡ ዝነብሩ ሰባትን ከኣ በሊዖም ሰትዮም ኣብኡ ሓደሩ። ንጽብሒቱ ምስ ተንስኡ ኽኣ፡ ናብ ጐይታይ ክምለስ ኣፋንወኑ፡ በለ።

⁵⁵ሓዋን ኣዲኣን ድማ፡ እዛ ጓል ገለ ዓሰርተ መዓልቲ ምሳና ትቐኒ፡ ድሕሪኡ ትኺድ በልዎ።

⁵⁶ንሱ ኻኣ ኣይተደናጉዩኒ፡ እግዚኣብሄር መገደይ ኣቕኒዑለይ እዩ፡ ናብ ጐይታይ ክኸይድ ስደዱኒ በሎም።

⁵⁷ነታ ጓል ጸዊዕና ኻብ ኣፋ ኽንሓታት፡ ክኣ በሉ።

⁵⁸ንርብቃ ጸዊዖም ድማ፡ ምስ እዚ ሰብኣይዚዶ ትኸዲ በለዋ። ንሳ ድማ እኸይድ በለት።

⁵⁹ሽዑ ንርብቃ ሓብቶምን ንመጉዚታን ነቲ ግዙእ ኣብርሃምን ንሰቡን ይኺዱ ሓደግዎም።

⁶⁰ንሳቶም ርብቃ፡ ኣቲ ሓብትና ኣሻሕ ኣእላፋት ኩኒ፡ ዘርእኺ ድማ ደገ ጸላእቱ ይውረስ፡ ኢሎም መረቕዋ።

⁶¹ርብቃ ኽኣ ምስ ኣግራዳ ኣብ ኣግማል ተወጢሔን ነቲ ሰብኣይ ሰዐባኦ። እቲ ግዙእ ድማ ንርብቃ ወሰዳ እሞ ኸደ።

⁶²ይስሃቅ ከኣ ኣብ ምድሪ ደቡብ ተቐሚጡ ነበረ እሞ፡ ካብታ መገዲ ብኤርላሓይሮይ ይመጽእ ነበረ።

⁶³ይስሃቅ ድማ ኣጋ ምሸት ኣብ መሮር ኮይኑ ብሓሳቡ ኼስተንትን ወጺኡ ነበረ። ኣዒንቱ ኽኣ ቋሕ ኣበለ። እንሆ ኣግማል ኪመጻ ረኣኣየ።

⁶⁴ርብቃ ድማ ኣዒንታ ቛ ኣቢላ ንይስሃቅ ምስ ረኣኣየቶ፡ ቀልጢፉ ኻብ ገመል ወረደት።

⁶⁵ነቲ ግዙእ ድማ፡ እቲ ኣብ መሮር ኪቕበለና ዚመጽእ ዝለኦ እንታዋይ ሰብኣይ በለቶ። እቲ ግዙእ ከኣ፡ ንሱ ጐይታይ እዩ በለ። ሽዑ መጎልበቢኣ ወሲዳ ተጎልበበት።

⁶⁶እቲ ግዙእ ድማ ዝገበሮ ኹሉ ነግር ንይስሃቅ ኣዘንተወሉ።

⁶⁷ይስሃቅ ከኣ ናብ ድንኳን ኣዲኡ ሳራ ኣእተዋ። ንርብቃ ድማ ወሰዳ እሞ ሰበይቱ ኾነት፡ ፈተዋውን፡ ይስሃቅ ከኣ ድሕሪ ሞት ኣዲኡ ተደበሰ።