Read መ/ቅዱስ ትግርኛ, Tigrigna Bible, 1997 ኦሪት ዘፍጥረት 28 Bible Online

ኦሪት ዘፍጥረት 28 - መ/ቅዱስ ትግርኛ, Tigrigna Bible, 1997 bible

ኦሪት ዘፍጥረት 28

¹ሽዑ ይስሃቅ ንያእቆብ ጸዊዑ መረቖ፡ ከምዚ ኢሉ ድማ ኣዘዞ፡ ፡ካብ ኣዋልድ ከነኣን ሰበይቲ ኣይተእቱ፡

²ተንሲእካ ናብ ጳዳንኣራም ናብ እንዳ ኣቦሓጎኻ ቤቱኤል ኪድ እሞ፡ ካብኡ ኸኣ ካብ ኣዋልድ ኣኮኻ ላባን ሰበይቲ ኣእቱ።

³እቲ ኹሉ ዝኽእል ኣምላኽ ድማ ይባርኽካን የፍሪኻን የብዝሕካን፡ ጭፍራ ህዝብታትውን ኩን።

⁴እዛ ተሰዲድካላ ዘሎኻ፡ እግዚኣብሄር ከኣ ንኣብርሃም ዚሃቦ ምድሪ ምእንቲ ኽትወርሳ፡ ንኣኻን ምሳኻ ድማ ንዘርእኻን በረኸት ኣብርሃም ይሀብካ።

⁵ይስሃቅ ከኣ ንያእቆብ ሰደዶ። ንሱ ድማ ናብ ጳዳንኣራም፡ ናብ ላባን ወዲ ቤቱኤል እቲ ሶርያዊ ሓው ርብቃ ኣደ ያእቅብን ኤሳውን ከደ።

⁶ኤሳው ከኣ ይስሃቅ ንያቆብ ከም ዝመረቖ እሞ ካብኡ ሰበይቲ ኼእቱ ድማ ናብ ጳዳንኣራም ከም ዝሰደዶ፡ ኪምርቖ ኸሎ ኸኣ፡ ካብ ኣዋልድ ከነኣን ሰበይቲ ኣይተእቱ፡ ኢሉ ኸም ዝኣዘዞ፡

⁷ያእቆብ ድማ ነቡኡን ነዲኡን ሰሚዑ ናብ ጳዳንኣራም ከም ዝኸደ፡ ምስ ረኣየ።

⁸ኤሳው ናብ እስማዒል ከይዱ ኣብ ልዕሊ እተን ኣንስቱ ንማሓላት፡ ጓል እስማዒል ወዲ ኣብርሃም ሓብቲ ነባዩት፡ ሰበይቲ ኣእተወ።

⁹ያእቆብ ከኣ ካብ ብኤርሸባዕ ወጺኡ፡ ናብ ካራን ኣቢሉ ኸደ።

¹⁰ያእቆብ ከኣ ካብ ብኤርሸባዕ ወጺኡ፡ ናብ ካራን ኣቢሉ ኸደ።

¹¹ጸሓይ ዐሪባ ነበረት እሞ፡ ኣብ ሓንቲ ቦታ ምስ በጽሔ፡ ኣብኣ ሓደረ። ካብ ኣእማን እታ ቦታ ወሲዱ ድማ፡ ትተተር ኢሰዋ፡ ኣብታ ቦታ ደቀሰ።

¹²ሓለመ ኽኣ እሞ እንሆ መሳልል ኣብ ምድሪ ደው ኢሉ ርእሱ ድማ ሰማይ ጠንቁሩ ኣንሆ ኸኣ መላእኽቲ ኣምላኽ ይድይቡላን ይወርዱላን ነበሩ።

¹³እንሆ ድማ፡ እግዚኣብሄር ኣብ ልዕሊኡ ደው ኢሉ በሎ፡ ኣነ እግዚኣብሄር፡ ኣምላኽ ኣቦኻ ኣብርሃምን ኣምላኽ ይስሃቅን እየ። እዛ ንስኻ ኣብ ልዕሊእ ደቂስካላ ዘሎኻ ምድሪ ንኣኻን ንዘርእኻን ክህባ እየ።

¹⁴ዘርእኻ ድማ ከም ሓመድ ምድሪ ኪኸውን እዩ፡ ንምዕራብን ንምብራቕን ንሰሜንን ንደቡብን ክትሰፍሕ ኢኻ። ኩሎም ዓሌታት ምድሪ ኽኣ ብኣኻን ብዘርእኻን ኪባረኹ እዮም።

¹⁵እንሆ ኽኣ፡ ኣነ ምሳኻ እየ፡ እቲ ዝበልኩኻ ኽሳዕ ዝገብሮ ኣይሓድገካን እየ እሞ፡ ኣብ እትኸዶ ኹሉ ኽሕልወካ እየ፡ ናብዛ ምድሪ እዚኣ ድማ ክመልሰካ እየ።

¹⁶ያእቅብ ከኣ ካብ ደቃሱ ተበራበረ እሞ ኣነ ደኣ ኣይፈለጥኩን ነይረ እምበር፡ ብሓቂ እግዚኣብሄር ኣብዛ ቦታ እዚኣ ኣሎ፡ በለ።

¹⁷ፈሪሁ ድማ፡ እዛ ቦታ እዚኣ ኽንደይ ተፍርህ እያ። እዚኣ ቤት ኣምላኽ እያ እምበር፡ ካልእ ኣይኮነትን፡ እዚኣ ኽኣ ደገ ሰማይ እያ፡ በለ።

¹⁸ያእቆብ ድማ ንጽብሒቱ ኣንጊሁ ተንስኤ፡ ነቲ ኣባ ተተርኢስዎ ዝነበረ እምኒ ወሲዱ ሓወልቲ ኪኸውን ኣቑሞ፡ ኣብ ርእሱ ኽኣ ዘይቲ ኸዐወሉ።

¹⁹ስም እታ ቦታ እቲኣ ኸኣ ቤትኤል ኣውጽኣላ፡ ቀደም ግና ስም እታ ኸተማ ሉዝ ይብሀል ነበረ።

²⁰ያእቆብ ድማ ከምዚ ኢሉ መብጽዓ ተማባጺዔ፡ እግዚኣብሄር ምሳይ እንተ ሓለወኒ ዝበልዖ እንጌራን ዝኸደኖ ኽዳንን ድማ እንተ ተመላለስኩ፡ ሽዑ እግዚኣብሄር ኣምላኸይ ይኸውን።

²¹እዚ ሓወልቲ ገይረ ኣቑመዮ ዘለኹ እምኒ ኸኣ ቤት ኣምላኽ ኪኸውን እየ። ካብ እትህበኒ ዘበለ ኹሉ ድማ ዕሽር ክህበካ እየ።

²²እዚ ሓወልቲ ገይረ ኣቑመዮ ዘለኹ እምኒ ኸኣ ቤት ኣምላኽ ኪኸውን እየ። ካብ እትህበኒ ዘበለ ኹሉ ድማ ዕሽር ክህበካ እየ።