Read መ/ቅዱስ ትግርኛ, Tigrigna Bible, 1997 ኦሪት ዘፍጥረት 29 Bible Online

ኦሪት ዘፍጥረት 29 - መ/ቅዱስ ትግርኛ, Tigrigna Bible, 1997 bible

ኦሪት ዘፍጥረት 29

¹ያእቆብ ድማ ንመገሻኡ ተልዒሉ ናብ ሃገር ደቂ ምብራቕ ከደ።

²ጠመተ እሞ እንሆ ኸኣ፡ ዔላ ኣብ መሮር ነበረ፡ ኣብቲ ዔላ ድማ መጓሴታት የስትዩ ነበሩ እሞ፡ እንሆ ኣብኡ ሰለስተ መጋሰ ኣባጊዕ ደቂሰን ነበራ። ኣብ ኣፍ እቲ ዔላ ዝነብረ እምኒ ኽኣ ዓብዩ ነብረ።

³ንኹለን መጓሴታት ድማ ናኡ ይእክብወን ነብሩ። ነቲ እምኒ ኻብ ኣፍ እቲ ዔላ ገምጢሎም ከኣ፡ ነተን ኣባጊዕ የስትይወን ነበሩ፡ ነቲ እምኒ ድማ ናብ ኣፍ እቲ ዔላ ኣብ ቦትኡ ይመልስዎ ነበሩ።

⁴ያእቆብ ከኣ፡ ኣቱም ኣሕዋተይ፡ ካበይ ኢኹም፡ በሎ። ካብ ካራን ኢና፡ በልዎ።

⁵ንሱ ድማ፡ ንላባን ወዲ ናሆርዶ ትፈልጥዎ ኢኹም፡ በሎም። እወ ንፈልጦ፡ በሉ፡

⁶ደሓንዶ ኣሎ፡ ከኣኣ በሎም። ደሓን ኣሎ፡ ራሄል ጓሉ እኳ እንሃ፡ ምስተን ኣባጊዕ ትመጽእ ኣላ፡ በሉ።

⁷ንሱ ኽኣ እንሆ፡ መዓልቲ ገና ነዋሕ ኣላ፡ ከብቲ ዚእከባላጊዜ ኣይኮነትን። ነዘን ኣባጊዕ ኣስትይወን እሞ ኬድኩም ኣብልዕወን፡ በሎም።

⁸ንሳቶም ድማ፡ ንኩለን መጓሴታት ከይተኣከባ፡ ነቲ እምኒ ኽኣ ካብ ኣፍ እቲ ዔላ ኸይገለበጥዎ፡ ኣይንኽእልን፡ ሽዑ ነተን ኣባጊዕ ነስትየን፡ በሉ።

⁹ራሄል ባዕላ ትጓሲ ነብረት እሞ፡ ንሱ ገና ምሳታቶም ኪዛረብ ከሎ፡ እንሃ፡ ምስ ኣባጊዕ ኣቦኣ መጸት።

¹⁰ኮነ ኽኣ፡ ያእቆብ ንራሄል ጓል ላባን ኣኩኡን ነባጊዕ ኣኩኡ ላባንን ምስ ረኣየ፡ ቀሪቡ ነቲ እምኒ ኻብ ኣፍ እቲ ዔላ ገልበጦ ነባጊዕ ኣክኡ ላባን ድማ ኣስተየን።

¹¹ያእቆብ ከኣ ንራሄል ሰዐማ፡ ቃሉ ዓው ኣቢሉውን በኸየ።

¹²ያእቆብ ድማ ንራሄል፡ ንሱ ዘመድ ኣቡኣ፡ ወዲ ርብቃ፡ ምዃኑ ነገራ። ንሳ ኸኣ ጎይያ ነቦኣ ነገረቶ።

¹³ኮነ ኸኣ፡ ላባን ወረ ያእቆብ ወዲ ሓብቱ ምስ ሰምዔ፡ ኪቕበሎ ጎየየ ሓቑፉ ሰዐሞ፡ ናብ ቤቱ ድማ ኣእተዎ። እዚ ነግረዚ ኹሉውን ንላባን ነገሮ።

¹⁴ላባን ከኣ ብሓቂ ንስኻ ዓጽመ ስጋይ ኢኻ፡ በሎ። ወርሒ ዚኣክልውን ምስኡ ተቐመጠ።

¹⁵ላባን ድማ ንያእቆብ፡ ሃወይ ክንዲ ዝኾንካዶ ብኸምኡ ኽትግዛኣኒ፡ ዓስብኻ ደኣ እንታይ ምዃኑ ንገረኒ በሎ።

¹⁶ላባን ከኣ ኽልተ ኣዋልድ ነበርኦ፡ ስም እታ ዓባይ ልያ፡ ስም እታ ንእስቶ ኽኣ ራሄል ነበረ።

¹⁷ኣዒንቲ ልያ ጨምጫማት ነበራ፡ ራሄል ግና መልክዔኛ ትርኢታውን ውቅብቲ ነበረት።

¹⁸ያእቆብ ድማ ንራሄል ፈተዋ እሞ፡ ምእንቲ ራሄል እታ ንእሽቶ ጓልካ፡ ሾብዓተ ዓመት እግዛኣካ በለ።

¹⁹ላባን ከኣ፡ ንኻልእ ሰብኣይ ካብ ዝህባ፡ ንኣኻ ኽህባ ይሐይሽ፡ ምሳይ ተቐመጥ፡ በሎ።

²⁰ያእቆብ ከኣ ምእንቲ ራሄል ሾብዓተ ዓመት ተገዝኤ፡ ንእኣ ብምፍታው ከኣ ከም ሒደት መዓልቲ ኾይነን ተራእያኦ።

²¹ያእቆብ ከኣ ላባን መዕልታተትይ በጺሔን እየን፡ እሞ ከእትዋ ሰበይተይ ሀበኒ በሎ።

²²ሽዑ ላባን፡ ንኹሎም ሰብ እታ ቦታ ኣኪቡ ምሳሕ ገብረ።

²³ምሸት ምስ ኮነ ድማ ልያ ጓሉ ወሲዱ፡ ናብኡ ኣእተዋ፡ ንሱ ኽኣ ናብኣ ኣተወ።

²⁴ላባን ድማ ንልያ ጓሉ፡ ግዝእቲ ኽትኮና፡ ዚልጳ ግዝእቱ ሀባ።

²⁵ኮነ ድማ ንጽብሒቱ እንሃ ንሳ ልያ ነበረት። ንላባን ከኣ፡ እንታይ እዩ ዝገበርካኒ፡ ምእንቲ ራሄልዶ ኣይኮንኩን ኣተገዛእኩኻ ስለምንታይ ደኣ ጠበርካኒ በሎ።

²⁶ላባን ድማ፡ ኣብ ሃገርና ንእሽቶ ቕድሚ እታ በኹሪ ምሃብር፡ ከምኡ ኣይግበርን እቱ።

²⁷ናይ እዚኣ ሰሙን መልእ እሞ ስለ እቲ ኸም ብሓድሽ ምሳይ ካልእ ሾብዓተ ዓመት እትግዛእ መግዛእቲ፡ እቲኣ ድማ ንህበካ በለ።

²⁸ያእቆብ ከኣ ከምኡ ገብረ፡ ናይ እዚኣ ሰሙን መልኤ። ደሕር ራሄል ጓሉ ሰበይቲ ኽትኮኖ ሀቦ።

²⁹ላባን ድማ ንራሄል ጓሉ፡ ግዝእቲ ኽትኮና ቢልሃ ግዝእቱ ሀባ።

³⁰ናብ ራሄል ድማ ኣተወ፡ ንራሄል ከኣ ሓለፋ ልያ ፈተዋ። መሊሱ ድማ ካልእ ሾብዓተ ዓመት ምስኡ ተገዝኤ።

³¹እግዚኣብሄር ከኣ ልያ ኸም እተጸልኤት ርእዩ፡ ማሕጸና ኸፈተላ። ራሄል ግና መኻን ነበረት።

³²ልያ ድማ ጠነሰት ወዲውን ወለደት። እግዚኣብሄር መከራይ ርእዩ እሞ፡ ሕጅስ ሰብኣየይ ኪፈትወኒ እዩ፡ ኢላ ስሙ ሮቤል ኣውጽኣትሉ።

³³መሊሳ ኽኣ ጠነሰት ወዲ ወን ወለደት፡ እዝጋኢብሄር ከም እተጸላእኩ ሰሚዑ እዮ እሞ፡ እዚ ድማ ሀበኒ ኢላ ስሙ ስምኦን ኣውጽኣትሉ።

³⁴መሊሳ ኽኣ ጠነሰት ወዲውን ወለደት፡ ሰለስተ ወደ ወሊደሉ እየ እሞ ሕጂስ ሰብኣየይ ኣባይ ኪለግን እዩ በለት። ስለዚ ስሙ ሌዊ ተባህለ።

³⁵መሊሳ ኽኣ ጠነሰት ወዲውን ወለደት፡ ሕጂ ንእግዚኣብሄር ኤመስግኖ በለት። ስለዚ ስሙ ይሁዳ ኣውጽኣትሉ። ካብ ምላድ ከኣ ኣቛረጸት።