Read መ/ቅዱስ ትግርኛ, Tigrigna Bible, 1997 ኦሪት ዘፍጥረት 3 Bible Online

ኦሪት ዘፍጥረት 3 - መ/ቅዱስ ትግርኛ, Tigrigna Bible, 1997 bible

ኦሪት ዘፍጥረት 3

¹እግዚኣብሄር ኣምላኽ ካብ ዝፈጠሮ ኹሉ ኣራዊት መሮር ተመን ይጎርሕ ነበረ። ነታ ስበይቲ ኽኣ ኣምላኽሲ ካብ ኩሉ ኦም ገነት ኣትብልዑ ኢሉዶ ኣዚዙ ኢዩ በላ።

²እታ ስበይቲ ነቲ ተመን በለቶ ኣብ ገነት ካብ ዘሎ ፍረ ኦም ንበልዕ ኢና።

³ብዛዕባ ፍረ እታ ኣብ ማእከል ገነት ዘላ ኦም ግና ኣምላኽ ከይትሞኡስ ካብኣ ኣይትብልዑ ኣይትተንክይዋውን በለ።

⁴እቲ ተመን ድማ ነታ ሰበይቲ፡ ኣይፋልኩም፡ ኣምላኽ ደኣ ካብኣ ምስ እትበልዑ መዓልቲ እዒንትኹም ከም ዝኽፈታ ከም ኣምላኽውን ከም እትኾኑ፡ ጽቡቕን ክፉእን ከኣ ከም እትፈልጡ፡ ስለ ዝፈለጠ ኢዩ እምበር ከቶ ኣይቱሞቱን ኢኹም በላ።

⁵እቲ ተመን ድማ ነታ ሰበይቲ፡ ኣይፋልኩም፡ ኣምላኽ ደኣ ካብኣ ምስ እትበልዑ መዓልቲ እዒንትኹም ከም ዝኽፈታ ከም ኣምላኽውን ከም እትኾኑ፡ ጽቡቕን ክፉእን ከኣ ከም እትፈልጡ፡ ስለ ዝፈለጠ ኢዩ እምበር ከቶ ኣይቱሞቱን ኢኹም በላ።

⁶እታ ሰበይቲ ድማ ኣታ ኦም ምብልዓ ጥዕምቲ ነዒንቲ ኽኣ ጽብቕቲ፡ ጥበብ ብምሃባውን እተብህግ ኦም ምዃና ርእያ፡ ካብ ፍሪኣ ወሲዳ በልዔት።

⁷ሽዑ ኣዒንቲ ኽልቲኦም ተኸፍታ ጥራዮም ምዃኖም ድማ ፈለጡ። ቆጺሊ በለስ ኣላጊቦም ከኣ ተዐትቁ።

⁸ምድሪ ምስ ወልወለ ድማ ድምጺ እግዚኣብሄር ኣብላኽ ኣብ ገነት ኪማላለስ ሰምዑ። ኣዳምን ሰበይቱን ከኣ ካብ ገጽ እግዚኣብሄር ኣምላኽ ኣብ ማእከል ኣእዋም ገነት ተሓብኡ።

⁹እግዚኣብሄር ኣምላኽ ድማ ንኣዳም ጸዊዑ፡ ኣበይ ኣሎኻ በሎ።

¹⁰ንሱ ኽኣ፡ ድምጽኻ ኣብ ገነት ሰሚኤ ጥራየይ ከኣ ኢየ እሞ ተሃባእኩ በለ።

¹¹ንሱ ድማ፡ ጥራይካ ምኻንካ ደኣ መን ነገረካ፡ ካብታ፡ ካብኣ፡ ኣይትብላዕ፡ ኢለ ዝኣዘዝኩኻ ኦምዶ በሊዕካ ኢኻ፡ በሎ።

¹²ኣዳም ክኣ እዛ ምሳይ ክትከውን ዝሃብካኒ ሰበይቲ ኻብታ ኦም ሀብትኒ እሞ በላዕኩ በለ።

¹³እግዚኣብሄር ኣምላኽ ድማ ነታ ሰበይቲ ኽኣ፡ ስለምንታይ እዚ ገብርኪ በላ። እታ ሰብይቲ ኽኣ፡ ተመን ኣስሒቱኒ ባላዕኩ በለት።

¹⁴ሽዑ እግዚኣብሄር ኣምላኽ ነቲ ተመን እዚ ስለ ዝገብርካ፡ ካብ ኩሉ እንስሳን ኣራዊትን መሮርን ርጉም ኩን፡ ብኸብድኻ ክትከይድ፡ ኩሉ ዝበአን ህይወትካ ድማ መሬት ክትበልዕ ኢኻ።

¹⁵ኣብ መንጎኻን ኣብ መንጎ እዛ ሰበይትን፡ ኣብ መንጎ ዘርእኻን ኣብ መንጎ ዘርኣን ከኣ ጽልኢ እተክል ኣሎኹ። ንሱ ርእስኻ ክጭፍልቕ ኢዩ፡ ንስኻ ድማ ሸኾናኡ ኽትነክስ ኢኻ በሎ።

¹⁶ነታ ሰበይቲ ኽኣ፡ መከራኽን ጻዕሪ ጥንስኽን ኣዝዩ ኸበዝሖ ኢየ፡ ደቂ ብጻዕሪ ኽትወልዲ ኢኺ፡ ድሌትኪ ድማ ናብ ሰብኣይኪ ኪኸውን ኢዩ። ንሱውን ኪመልከኪ ኢዩ በላ።

¹⁷ንኣዳም ከኣ ቃል ሰበይትኻ ስለዝሰማዕካ እሞ ካብታ ኣይትብላዕ፡ ኢለ ዝኣዘዝኩኻ ኦም ስለዝበላዕካ፡ ምድሪ ብዛዕባኻ ርግምቲ ትኹን። ኩሉ ዘበን ህይወትካ እንጌራኻ ኻብኣ ብጻዕሪ ኽትበልዕ ኢካ።

¹⁸እሾኽን ተኾርባን ተብቁለልካ፡ ብቑሊ መሮር ድማ ክትበልዕ ኢኻ።

¹⁹ናብታ እተፈጠርካላ ምድሪ ኽሳዕ እትምለስ እንጌራ ብረሃጽ ገጽካ ኽትበልዕ ኢኻ። መሬት ኢኻ እሞ፡ ናብ መሬት ድማ ትምለስ በሎ።

²⁰እቲ ሰብኣይ ድማ ንሰበይቱ፡ ኣደ ኹሉ ህያው ኮይና ኢያ እሞ፡ ሄዋን ኢሉ ሰመያ።

²¹እግዚኣብሄር ኣምላኽ ድማ ንኣዳምን ንሰበይቱን ደበሎ ገይሩ ኸደኖም።

²²እግዚኣብሄር ኣምላኽ ድማ፡ እንሆ፡ ኣዳም ከም ሓደ ኻባና፡ ጽቡቕን ክፋእን ዚፈልጥ ኮይኑ ኣሎ። ሕጂ ኸኣ ኢዱ ኸይዝርግሕ፡ ካብ ኦም ህይወት ወሲዱ ድማ ኸይበልዕ ንዘልኣለም ከኣ ህያው ኾይኑ ኸይነብር፡ ኢሉ፡

²³ስለዚ ነታ እተፈጥረላ ምድሪ ምእንቲ ኺዐይያ ድማ እግዚኣብሄር ኣምላኽ ካብ ገነት ኤድን ኣውጽኦ።

²⁴ከምኡ ንኣዳም፡ ንምሕላው መገዲ ኦም ህይወት ከኣ ብሸነኽ ምብራቕ ገነት ኤድን ምስናይ ኣተምበልብል ሃልሃልታ ሴፍ፡ ኩሩቤል ኣቐመጠ።