Read መ/ቅዱስ ትግርኛ, Tigrigna Bible, 1997 ኦሪት ዘፍጥረት 30 Bible Online

ኦሪት ዘፍጥረት 30 - መ/ቅዱስ ትግርኛ, Tigrigna Bible, 1997 bible

ኦሪት ዘፍጥረት 30

¹ራሄል ድማ ንያእቆብ ከም ዘይወለደትሉ ምስ ረኣኣየት፡ ንሓብታ ቐንኣትላ፡ ንያቅብ ከኣ ውሉድ ሀበኒ እንተ ዘይኮነስ እመውት አሎኹ በለቶ።

²ሽዑ ኹራ ያእቆብ ኣብ ራሄል ነዲዱ፡ ኣነዶ ኣብ ክንዲ እቲ ፍረ ኸርሲ ዝኸልኣኪ ኣምላኽ እየ፡ በላ።

³ንሳ ኽኣ፡ እንሃ ቢልሃ ግዝእተይ፡ ንሳ ኣብ ብርከይ ክትወልድ፡ ብእኣ ድማ ኣነ ኽፋረ፡ ናብኣ እቶ በለት።

⁴ንቢልሃ ግዝእታ ኸኣ ሰብይቱ ኽትከውን ሀበቶ። ያእቆብ ድማ ኣተዋ።

⁵ቢልሃ ጠነሰ፡ ንያቆብ ድማ ወዲ ወለደትሉ።

⁶ሽዑ ራሄል ኣምላኽ ፍትሒ ኣውጺኡለይ፡ ቃለይ ሰሚዑውን ወዲ ሂቡኒ፡ በለት። ስለዚ ስሙ ዳን ኣውጽኣትሉ።

⁷ሂልሃ ግዝእቲ ራሄል ከኣ መሊሳ ጠነሰት፡ ንያእቆብ ካልኣይ ወዲ ወለደትሉ።

⁸ሽዑ ራሄል፡ ቅልስ ኣምላኽ ምስ ሓብተይ ተቓሊሰ ሓየልኩ፡ በለት። ስሙ ኽኣ ንፍታሌም ኣውጽኣትሉ።

⁹ልያ ኽኣ ካብ ምላድ ከም ዘቛረጸት ምስ ረኣየት፡ ዚልጳ ግዝእታ ወሲዳ፡ ንያእቆብ ሰበይቱ ኽትከውን ሀብቶ።

¹⁰ዚልጳ ግዝእቲ ልያ ድማ ንያእቆብ ወዲ ወለትድሉ።

¹¹ሽዑ ልያ ኣሰይ፡ ኢላ ስሙ ጋድ ኣውጽኣትሉ።

¹²ዚልጳ ግዝእቲ ልያ ንያእቆብ ካልኣይ ወዲ ድማ ወለደተሉ።

¹³ልያ ኸኣ፡ ርሕስቲ ኮይነ እየ እሞ ኣዋልድ ብራሕሰይ ይውድሳኒ፡ በለት። ስሙ ድማ ኣሴር ኣውጽኣትሉ።

¹⁴ሮቤል ድማ በቲ ስርናይ ዝዐጽደሉ ወርሓት ኣብ መሮር ምልዖ ረኸበ፡ ናብ ኣዲኡ ልያ ኣምጽኦ። ሽዑ ራሄል ንልያ፡ ካብዚ ምልዖ ወድኺ ኾታ ሀብኒ በለታ፡

¹⁵ንሳ ኽኣ፡ ሰብኣየይ ዝወሰድክለይ ንእሽቶ ነገር እዩ፡ ምልዖ ወደይ እንዶ ድማ ክትወስዲ በለታ። ራሄል ከኣ እሞ ኣብ ክንዲ ምልዖ ወድኺ እዛ ለይቲ እዚኣ ምሳኺ ይደቅስ በለታ።

¹⁶ምሸት ያእቆብ ካብ መሮር ክኣቱ ኸሎ ድማ ልያ ኽትቅበሎ ወጺኣ፡ ብምልዖ ወደይ ዐዲገካ እየ እሞ፡ ናባይ ኢኻ እትኣቱ በለቶ። በታ ለይቲ እቲኣ ኸኣ ጠነሰት፡ ንያእቆብ ከኣ ሓምሳይ ወዲ ወለደትሉ።

¹⁷ልያ ድማ፡ ግዝእተይ ንሰብኣየይ ክንዲ ዝሀብኩ፡ ኣምላኽ ዓስበይ ሃበኒ፡ በለት። ስሙ ኽኣ ይሳኮር ኣውጽኣትሉ።

¹⁸ልያ ድማ፡ ግዝእተይ ንሰብኣየይ ክንዲ ዝሀብኩ፡ ኣምላኽ ዓስበይ ሃበኒ፡ በለት። ስሙ ኽኣ ይሳኮር ኣውጽኣትሉ።

¹⁹ልያ ድማ መሊሳ ጠነሰት፡ ንያእቆብ ከኣኣ ሳድሳይ ወዲ ወለደትሉ።

²⁰ልያ ድማ፡ ኣምላኽ ጽቡቕ ህያብ ሂቡኒ፡ ሕጂ ሽዱሽተ ወዲ ወሊደሉ እየ እሞደጊም ሰብኣየይ ምሳይ ክነብር እዩ በለት። ስሙ ኽኣ ዛብሎን ኣውጽኣትሉ።

²¹ድሕርዚ ድማ ጓል ውለደት፡ ስማ ድማ ዲና ኣውጽኣትላ።

²²ኣምላኽ ድማ ንራሄል ዘከራ። ኣምላኽ ከኣ ሰምዓ እሞ ማሕጸና ኸፈተላ።

²³ንሳ ድማ ጠነሰት ወዲውን ወለደት፡ ኣምላኽ ሕስራነይ ኣርሓቐ፡ ከኣ በለት።

²⁴እግዚኣብሄር ካልኣ ወዲ ድማ ይወስኸኒ፡ ኢላ ስሙ ዮሴ ኣውጽኣትሉ።

²⁵ኮነ ኽኣ፡ ራሄል ንዮሴፍ ምስ ወለደት፡ ንያእቆብ ንላባን፡ ናብ ቦታይን ናብ ምድረይን ክኸይድ ኣሳናብተኒ።

²⁶እተን ብዛዕባኤን እተገዛእኩኻ ኣንስተይን ደቀይን ሀበኒ። እቲ እተገዛእኩኻ መግዛእቲ ባዕልኻ ትፈልጦ ኢኻ እሞ፡ እኺድ ሕደገኒ፡ በሎ።

²⁷ላባን ድማ፡ ኣብ ቅድሜኻ ሞጎስ እንተ ረኺበስ፡ እግዚኣኣብሄር ምእንታኻ ኢሉ ኸም ዝባረኸኒ ኣስተውዒለ አሎኹ፡ በሎ።

²⁸ዕስብኻ ቑረጸለይ ኣሞ ክህበካ፡ ድማ በለ።

²⁹ንሱ ኽኣ፡ ከመይ ከም ዘገልገልኩኻን ከብትኻውን ምሳይ ከምይ ከም ዝኾናን ባዕልኻ ትፈልጥ ኢኻ።

³⁰ኣነ ኸይመጻእኩ ሒደት ነበራኻ፡ ሕጂ ግና ኣነ ኣብ ዝኸድክዎ ኹሉ እግዚኣብሄር ባሪኹካ እዩ እሞ፡ ኣዝየን በዝሓ። ሕጂ ኽኣ ንቤተይ ደኣ ምኣዝ ክምህዝ እየ በሎ።

³¹ንሱ ድማ፡ እንታይ እሞ ኽክበካ እየ በሎ። ያእቆብ ከኣ፡ ገለኳ ኣይትሀበኒ። እዚ ነገርዚ እንተ ትገብረለይ መሊሰ ነባጊዕካ እጓስየን እከናኸነንውን።

³²ሎሚ ብኹለን መጓሴኻ ኽሓልፍ እየ፡ ካብኡ ኽኣ ኩለን ጸነጺትን ዓምቦሬታትን ኩለን ጸለምትን ኣባጊዕ፡ ካብ ኣጣል ድማ ቡረቴታትን ጸነኒትን ዘበላ ኽፈሊ እየ እሞ ዓስበይ ይኹና።

³³ድሕሪ ሎሚ ድማ ብዛዕባ ዓስበይ ምስ እትመጽእ፡ ሽዑ ቕንዕናይ ኣብ ቅድሜኻ ኽምስክረልይ እዩ። ጸነጺትን ቡረቴታትን ዘኮና ኣጣል፡ ጸለምቲ ዘይኮና ኣባጊዕ ከኣ ኣባይ እንተ ተረኽባ፡ ስሩቓት እየን በለ።

³⁴ላባን ከኣ ሕራይ ከምቲ ዘረባኻ ይኹን በለ።

³⁵በታ መዓልቲ እቲኣ እቶም ቡረቴታትን ጸነጺትን ኣጣል፡ ገለ ጻዕዳ ዘለወን ኩለን፡ ካብ ኣባጊዕ ድማ ኩለን ጸለምቲ ፈልዩ። ኣብ ኢድ ደቑ ሀቦም።

³⁶ኣብ መንጎኡን ኣብ መንጎ ያእቆብን ከኣ መገዲ ሰልሰተ መዓልቲ ኣርሓሐቐ። ያእቆብ ድማ ነተን ዝተረፋ መጓሰ ላባን ይጓሲ ነበረ።

³⁷ያእቆብ ከኣ ክርዋሕን ሉዝን ሑዳን ካብ ዝብሀል ኣእዋም ጥሉል ኣባትር ወሲዱ፡ ኣብኡ ቕላጥ ቀሊጡ ነቲ ኣባትር ዕትሮርባይ ገበሮ።

³⁸ነቲ ዕሮርባይ ዝገብሮ ኣባትር ድማ ኣብቲ እተን መጓሴታት መጺኤን ዚሰትያሉ ዛራ ማይ ዘሎ ጋብላታት፡ ኣብ ቅድሚ እተን መጓሰ ገብሮ እሞ፡ ኪስትያ ምስ መጻ ይትለዋ ነበራ።

³⁹እተን መጋሰ ኣብ ቅድሚ እቲ ኣባትር ተተልዋ እሞ እተን መጓሴታት ዑፌታትን ጸነጺትን ዓምባሬታትን ወለዳ።

⁴⁰ሽዑ ያእቆብ ነተትን ዕያውቲ ፈልቱ፡ ገጽ እተን መጓሰ ናብተን ዑፌታትን ኩለን ጸለምትን ኣብ መጓሰ ላባን ገብረ፡ ንመጓሴኡ ኸኣ ምስ መጓሰ ላባን ኣይሕወሰንን፡ ንበይነን ደኣ ገበረን።

⁴¹ኮነ ድማ፡ በቲ እተን ድዓኛታት ኣባጊዕ ዚትለዋሉ ዘበን ጊዜ ኣብ ጥቓ እቲ ኣባትር ምእንቲ ኺትለዋስ፡ ያእቆብ ነቲ ኣባትር ኣብቲ ጋብላታት ኣብ ቅድሚ እተን መጓሰ ድኹማት ከለዋ ግና ኣየንብሮን ነብረ። በዚ ኸምዚ ኽኣ እተን ድኹማት ንልባን፡ እተን ድዓኛታት ከኣ ንያእቆብ ኮና።

⁴²እቲ ሰብኣይ እቲ ድማ ኣዝዩ ሀብተመ። ብብዙሓት መጓሴታት ገላውን ኣግራድን ኣግማልን ኣእዱግን ነበሮ።

⁴³እቲ ሰብኣይ እቲ ድማ ኣዝዩ ሀብተመ። ብብዙሓት መጓሴታት ገላውን ኣግራድን ኣግማልን ኣእዱግን ነበሮ።