Read መ/ቅዱስ ትግርኛ, Tigrigna Bible, 1997 ኦሪት ዘፍጥረት 31 Bible Online

ኦሪት ዘፍጥረት 31 - መ/ቅዱስ ትግርኛ, Tigrigna Bible, 1997 bible

ኦሪት ዘፍጥረት 31

¹ደቂ ላባን ድማ፡ እቲ ናይ ኣቦና ዝነበረ ኹሉ ያእቆብ ወሰዶ፡ ኩሉ እዚ ኽብረት እዚ ኽኣ ካብቲ ናይ ኣቦና ዝነበረ ንሱ ዝረኸቦ እዩ፡ ኢሎም ኪዛረቡ ሰምዔ።

²ያእቆብ ድማ ገጽ ላባን ጠመተ፡ እንሆ፡ ከም ቀደሙ ምስኡ ኣይነበረን።

³እግዚኣብሄር ከኣ ንያእቆብ ናብ ምድሪ ኣቦታትካ ናብ ዓሌትካን ተመለስ እሞ ምሳኻ ክኸውን እየ፡ በሎ።

⁴ያእቆብ ድማ ልኢኹ ንራሄልን ልያን ናብተን መጓሴኡ ናብ መሮር ጸውዔን፡

⁵በለን ከኣ፡ ገጽ ኣቦኽን ከም ቀደሙ ምሳይ ከም ዘኮነ፡ ኣነ እርኢ አሎኹ፡ ኣምላኽ ኣቦይ ግና ምሳይ ነበረ።

⁶ነቦኽን ብምሉእ ሓይለይ ከም ዘገልገልክዎ ኽኣ ባዕልኻትክን ትፈልጣ ኢኽን።

⁷ኣቦኽን ደኣ ዓሰበይ ዓሰርተ ሳዕ እናለዋወጠ ኣታለልኒ፡ እግዚኣብሄር ግና ክፉእ ኪገብረኒ ኣይፈቕደሉን።

⁸ንሱ፡ ዓምቦሬታት ዘበላ ዓስብኻ ይኹና፡ ምስ በለኒ፡ ኩለን መጓሰ ዓብቦሬታት ወለዳ፡። ዓስብኻ ዑፌታት ይኹና፡ ምስ በለ ኽኣ፡ ለን መጓሴ ዑፌታት ወለዳ። ዓስብኻ ዑፌታት ይኹና፡ ምስ በለ ኽኣ፡ ኹለን መጓሰ ዑፌታት ወለዳ።

⁹ኣምላኽ ከምዚ ገይሩ ማል ኣቦኽን ኣግዲፉ ንኣይ ሀበኒ።

¹⁰ኮነ ኽኣ፡ በቲ እተን መጓሰ ዝትለዋሉ ግዜ ዓይነይ ቋሕ እንተ ኣበልኩ ብሕልሚ ርኤኹ፡ ኣንሆ፡ ነተን ጤለበጊዕ ዚሰርወን ተባዕትዮ ዑፌታትን ጸነጺትን ጨቦሬታትን ነበሩ።

¹¹መልኣኽ ኣምላኽ ድማ ብሕልሚ፡ ያእቆብ በለኒ። ኣነ ኽኣ፡ እኔኹ፡ በልኩ።

¹²ንሱውን፡ ዓይንኻ ቛሕ ኣብል እሞ እዞም ነዘን ጤለበጊዕ ዚሰርወን ዘለው ኹሎም ተባዕትዮ ዑፌታትን ጸነጺትን ጨቦሬታትን ርኤ። እቲ ላባን ዝገበረካ ኹሉ ርእየዮ ኣሎኹ።

¹³እቲ ኣብቲ ሓወልቲ ዝቐባእካሉን፡ ኣብኡ ድማ መብጽዓ እተማባጻዕካለይን ኣምላኽ ቤትኤል፡ ኣነ እየ። ሕጂ ተንስእ እሞ ካብዛ ምድሪ እዚኣ ውጺእካ ናብታ እተወለድካላ ሃገር ተመለስ በለኒ።

¹⁴ራሄልን ልያን ከኣ፡ ደጊሞዶ ኣብ ቤት ኣቦና ግደ ወይ ርስቲ ኣልዩና።

¹⁵ሸይጡና እዩ እሞ፡ ከም ጓኖትዶ ቖጺሩና ኣይኮነን፡ ነቲ ገንዘብና ድማ በልዖ።

¹⁶እቲ ኣምላኽ ካብ ኣቦና ዝወሰዶ ኹሉ ሃብቲ ንሱ ናትናን ናይ ደቅናን እዩ እሞ፡ ሕጂ ኽኣ ኣምላኽ ዝብለካ ኹሉ ግበር ኢለን መለሳሉ።

¹⁷ሽዑ ያእቆብ ተንሲኡ ደቁን ኣንስቱን ኣብ ኣግማል ኣወጥሔ።

¹⁸ናብ ኣቡኡ ይስሃቅ ናብ ምድሪ ኸነኣን ኪኸይድ፡ ኩለን ማሉን ኩሉ ዘጥረዮ ገንዘቡን፡ እተን ኣብ ጳዳንኣራም ዘጥረይን ማሉ ወሰደ።

¹⁹ላባን ከኣ ኣብጊዑ ኪቖጽር ከይዱ ነበረ፡ ራሄል ድማ ጣዕታት ኣቡኣ ሰረቐት።

²⁰ያእቆብ ድማ ከም ዚሃድም ንላባን፡ እቲ ሶርያዊ፡ ከይነገረ መሊቑ ኸደ።

²¹ዘለዎ ኹሉ ሒዙ ኸኣ ሀደመ፡ ተንሲኡ ድማ ርባ ተሳጊረ ገጹ ኸኣ ናብ ከረን ጊልዓድ ኣቢሉ ኣቕንዔ።

²²ኣብ ሰልሰይቲ መዓልቲ ኸኣ ያእቆብ ከም ዝሀደመ ንላባን ነገርዎ።

²³ሽዑ ኣሕዋቱ ምስኡ ወሰደ፡ ደድሕሪኡ ድማ መገዲ ሾብዓተ መዓልቲ ሰዐቦ። ኣብ ከረን ጊልዓድ ከኣኣ ኣርከቦ።

²⁴ኣምላኽ ግና ብሕልሚ ለይቲ ናብ ላባን እቲ ሶርያዊ መጺኡ፡ ንያእቆብ ጽቡቕ ኮነ ኽፋእ ከይትዛረብ ተጠንቐቕ በሎ።

²⁵ላባን ከኣ ንያእቆብ ኣርከቦ። ያእቆብ ከኣ ድንኳኑ ኣብ ከረን ተኺሉ ነበአረ፡ ላባን ምስ ኣሕዋቱ ድማ ድንኳኑ ተኺሉ ነብረላባን ምስ ኣሕዋቱ ድማ ድንኳኑ ኣብ ከረን ጊልዓድ ተኸለ።

²⁶ላባን ከኣ ንያእቆብ በሎ፡ ኣንታይ እዩ ዝገብርካዮ፡ ልበይ ጠቢርካዶ ነዋልደይ ብሴፍ ከም እተማረኻ ከብከብካየን።

²⁷ስለምንታይ ካባይ ተሰሪቕካ፡ ከይነገርካኒ ድማ ተሓቢእካ ዝሀደምካ፡ ብሓጎስን ብመዝሙርን ብኼበሮን በምሰንቆን መፋኖኹኻ ነይረ።

²⁸ነወዳተይ ነዋልደይን ክስዕሞም እኳ ኣይሓደግካንን። ሕጂ እዚ ብዕሽነት ኢኻ ዝገብርካዮ።

²⁹ክፋእ ክገብረኩም ኣብ ኢደይ ስልጣን ኣሎኒ። ኣምላኽ ኣቦኹም ግና ትማሊ ለይቲ፡ ንያእቆብ ጽቡቕ ኮነ ኽፉእ ከትዛረቦ ተጠንቀቕ፡ ኢሉ ተዛረበኒ።

³⁰ሕጂ ኽኣ ቤት ኣቦኻ ኣዚኻ ኻብ ናፈቕካ ምኻድሲ ኸድካ፡ ስለምንታይ ደኣ ኣማልኽተይ ሰረቕካ፡

³¹ያእቆብ ድማ ንላባን ኣዋልድካ ብሓይሊ ኸይተግደፈኒ ኢለ ፈራሁኩ።

³²እቲ ኣማልኽትኻ እተረኽቦ ግና ንሱ ይሙት። ምሳይ ዘሎ ናትካ ዘበለ፡ ኣብ ቅድሚ ኣሕዋትና ጎርጉርካ፡ ንኣኻ ውሰዶ፡ ኢሉ መለሰሉ። ያእቆብ፡ ራሄል ከም ዝሰረቐቶም ኣይፈለጠን ነበረ።

³³ላባን ድማ ናብ ድንኳን ያእቆብን ናብ ድንኳን ልያን ናብ ድንኳን ክልቲኤን ግዝኣትን ኣተወ፡ ግናኸ ኣይረኸቦምን። ካብ ድንኳን ልያ ወጺኡ ናብ ድንኳን ራሄል ኣተወ።

³⁴ራሄል ድማ ነቶም ጣኦታት ወሲዳ ኣብ ኮረሻ ገመል ኣንቢራ ኣብ ልዕሊኦም ኮፍ በለት። ላባን ንብድንኳኑ ጎርጎሮ፡ ኣይረኸቦምን ከኣ።

³⁵ንሳ ኻኣ ነቦኣኣ፡ ጐይታይ፡ እቲ ናብ ኣንስቲ ዝኸውን መጺእኑኒ እዩ እሞ፡ ኣብ ቅድሜኻ ሓፍ ክብል ኣይክእልን እየ፡ ኣይትኾርየለይ በለቶ። ንሱ ኽኣ ደለየ፡ ነቶም ጣኦታት ግና ኣይትረኸቦምን።

³⁶ሽዑ ያእቆብ ተናዲዱ ንላባን ተበኣሶ ያእቆብ ንላባን መሊሱ በሎ፡ እት ነዲርካ ደድሕረይ ዝገስገስካ፡ እንታይ እየ በደለይ፡ እንታይከ እዩ ሓጢኣተይ።

³⁷ሕጂ ንኹሉ ኣቕሖይ ጎርጎርካ፡ ካብ ኩሉ ኣቓሑ ቤትካ እንታይ ረኸብካ ኣብ መንጎ ክልቴና ኺፈርዱስ፡ ኣብዚ ኣብ ቅድሚ ኣሕዋተይን ኣሕዋትካን ኣምጽኣዮ።

³⁸እዘን ዕስራ ዓመት ምሳኻ ነይረ፡ ጤለበጊዕካ እየ ቖልዓን ድዓውል መጓሴኻ ድማ ኣይበላዕኩን።

³⁹ኣራዊት ዝሓዛ ኽኣ ኣብ ክንደኣ ባዕለይ ተካእኩልካ እምበር፡ ኣየምጻእኩልካን። መዓልቲ እተሰርቀትንን ለይቲ እተሰርቀተንን ድማ ካብ ኢደይ ትደልያ ነበርካ።

⁴⁰ከምዚ እየ ዝነበርኩ፡ ብመዓልቲ ሃሩር በለይቲውን ኣስሓይታ በልዓኒ፡ ድቃስ ከኣ ካብ ዓይነይ በረረ።

⁴¹እዘን ዕስራ ዓመት ኣብ ቤትካ ነበርኩ። ዓሰረትው ኣርባዕተ ዓመት ምእንቲ ኽልቲኤን ኣዋልድካ ሹድሽተ ዓመት ድማ ምእንቲ ኣባጊዕካ ተገዛእኩኻ፡ ዓስበይ ከኣኣ ዓሰረት ሳዕ ለዋወጥካ።

⁴²ኣምላኽ ኣቦይ፡ እቲ ይስሃቅ ዘፈርሆ ኣምላኽ ኣብርሃም፡ ምሳይ ኣንተ ዝይህሉስ፡ ብርግጽ ሕጂ ጥራይ ኢደይ ምሰደድካኒ ኔርካ። እግዚኣብሄር ግና እቲ መከራይን ድኻም ኢደይን ራዩ፡ ትማሊ ለይቲ ገንሓካ።

⁴³ላባን ድማ መሊሱ፡ ንያእቆብ በሎ፡ እዘን ኣዋልድ ኣዋልደይ እየን፡ ቆልዑውን ቁለውዔይ እዮም፡ እዘን መጓሰራር ከኣ መጓሴታተይ እየን፡ እዚ እትርእዮ ዘሎኻ ኹሉ ድማ ናተይ እዩ። ሎሚ ኸኣ ነዘን ኣዋልደይ ወይ ነዞም ዝወለዳኦም ደቀን እንታይ እማ ኽገብር።

⁴⁴ሕጂ ዳማ ኣብ መንጎይን ኣብ መንጎኻን ምስክር ኪኸውንሲ፡ ንዓ ኣነን ንስኻን ኪዳን ንተኣታቶ።

⁴⁵ያቆብ ከኣኣ እምኒ ወሲዱ ሓወልቲ ኸኸውን ተኸሎ።

⁴⁶ያእቆብ ስማ ነሕዋቱ፡ ኣእማን ኣክቡ፡ በሎም። ንሳቶምውን ኣእማን ኣኪቦም ጨርሒ ጨርሑ፡ ኣብኡ ኸኣ ኣብቲ ጨርሒ በልዑ።

⁴⁷ላባን ድማ ይጋርሰሃዱታ ኣውጽኣሉ፡ ያእቆብ ከኣ ጋልዔድ ኣውጽኣሉ።

⁴⁸ላባን ድማ፡ ሎሚ እዚ ጨርሒ እዚ ኣብ መንጎይን ኣብ መንጎኻን ምስክር ይኹን፡ በለ። ስለዚ ስሙ ጋልዔድ ተባህለ።

⁴⁹ንሓድሕድና ኻብ ዘይንርኤ፡ እግዚኣብሄር ኣብ መንጎይን ኣብ መንጎኻን ይፋቒ፡ ኢሉ ነበረ እሞ፡ ሚጽጳ ድማ ተባህለ።

⁵⁰ነዘ ኣዋልደይ እንተ ገፋዕካየን ወይ ኣብ ልዕሊ ኣዋልደይ ካልኦት ኣንስቲ እንተ ኣእቶኻ፡ ምሳይ ሰብ የልቦን፡ ራኤ፡ እግዚኣብሄር ኣብ መንጎይን ኣብ መንጎኻን ምስክር እዩ።

⁵¹ላባን ድማ መሊሱ ንያእቆብ በሎ፡ እንሆ እዚ ጨርሒ፡ እንሆ እቲ ኣብ መንጎይን ኣብ መንጓኻን ዝተኸልክዎ ሓወልቲ ድማ።

⁵²ኣነ ነዚ ጨርሒ እዚ ኸይሓልፈካ፡ ንስኻውን ነዚ ጨርሒ እዝን ነዚ ጨርሒ እዚ ምስክር ይኹን፡ እዚ ሓወልቲ እዚውን ምስክር ይኹን።

⁵³ኣምላኽ ኣብርሃምን ኣምላኽ ናሆርን፡ ኣምላኽ ኣብርሃምን ናሆርን፡ ኣምላኽ ኣቦኦም፡ ኣብ መንጎና ይፍረድ። ያእቆብ ድማ በቲ ፍርሃት ኣቡኡ ይስሃቅ መሐለ።

⁵⁴ያእቆብ ኣብቲ ኸረን መስዋእቲ ጸውዖም። እንጌራ በሊዖም ድማ ኣብቲ ኸረን ሓደሩ።

⁵⁵ላባን ከኣ ንጽባሒቱ ኣንጊሁ ተንስኤ፡ ነወዳቱን ኣዋልዱን ድማ ስዒሙ መረቖም። ላባን ከኣኣ ከይዱ ናብ ቦትኡ ተመልሰ።