Read መ/ቅዱስ ትግርኛ, Tigrigna Bible, 1997 ኦሪት ዘፍጥረት 34 Bible Online

ኦሪት ዘፍጥረት 34 - መ/ቅዱስ ትግርኛ, Tigrigna Bible, 1997 bible

ኦሪት ዘፍጥረት 34

¹እታ፡ ልያ ንያእቆብ ዝወልደትሉ ዲና ጋላ ኸኣ፡ ነዋልድ እታ ሃገር ክትርኢ ወጸት።

²ሴኬም ወዲ ሓሞር፡ እቲ ሓዋዊ ጐይታ እታ ሃገር ድማ ረኣያ፡ ወሲድዋ ኸኣ ምስኣ ደቀሰ፡ ኣነወራውን።

³ነፍሱ ድማ ምስ ዲና ጓል ያእቆብ ተጠበቐት፡ ነታ ጓል ፈተዋ፡ ነታ ጓልውን ብፍቕሪ ተዛረባ።

⁴ሴኬም ድማ ነቦኡ ሓሞር፡ እዛ ጓል እዚኣ ሰበይተይ ክትከውን ኣምጽኣለይ ኢሉ ተዛረቦ።

⁵ያእቆብ ድማ ንጓሉ ዲና ኸም ዘርከሳ ስምዔ፡ ደቁ ኸኣኣ ምስ ማሉ ኣብ መሮር ነበሩ እሞ፡ ያእቆብ ክሳዕ ዚኣትው ስቕ በለ።

⁶ሓሞር ኣቦ ሴኬም ከኣ ምስኡ ኽዛረብ ናብ ያእቆብ ወጸ።

⁷ደቂ ያእቆብ ድማ እዚ ምስ ሰምዑ ካብ መሮር ኣተው። እቶም ሰባት ከኣ ምስ ጓል ያእቆብ ብምድቃሱ ኺግበር ዝይግባእ ኣብ እስራኤል ነውሪ ስለ ዝገበረ፡ ጉህዮም ኣዝዮም ተናደዱ።

⁸ሓሞር ድማ፡ ነፍሲ ወደይ ሴኬም ምስ ጋልኩም ተጣቢቓ እያ እሞ፡ በጃኹም ሰበይቱ ኽትከውን ሀብዎ።

⁹ምሳና ተዋሰቡ ኣዋልድኩም ሀብና፡ ንኣኻትኩም ኣዋልድና ውሰዱ።

¹⁰ምሳና ድማ ንበሩ። እንሃ እዛ ምድሪ ኣብ ቅድሜኹም ኣላ፡ ተቐሚጥኩም ንገዱላን ተረስተይዋን ኢሉ ተዛረቦም።

¹¹ሴኬም ድማ ነቦኣኣን ነሕዋታን፡ ኣብ ቅድሜኹም ኮታ ሞጎስ እርከብ፡ ኣበልኩምኒ ኽህብ እየ።

¹²ገዝምን ሃይብን ኣዚኹም ኣብዚሕኩም ኣዝዙኒ። እታ ጓል ደኣ ሰበይተይ ክትከውን ሀቡኒ እምበር ከም ዝበልኩምኒ እህብ በሎም።

¹³ደቂ ያእቆብ ከኣ፡ ንሓብቶም ዲና ስለ ዘነወራ ንሴኬም ነቦኡ ሓሞርን መሊሶም ብተንኮል ተዛረብዎም፡

¹⁴በልዎም ድማ፡ ሓብትና ንዘይተገዝረ ሰብኣይ ክንህብ እዚ አአውረና እዩ እሞ፡ እዚ ነገርዚ ኽንገብር ኣይንኽእልን።

¹⁵ተባዕታይ ዝበለ ኹሉ ብምግዛርኩም፡ ከማና እንተኾንኩም በዚ ጥራይ ሕራይ ንብለኩም።

¹⁶ሽዑ ኣዋልድን ንህበኩም፡ ኣዋልድኩም ከኣ ንወስድ፡ ምሳኻትኩም ድማ ንነብር፡ ሓደ ህዝቢውን ንኸውን።

¹⁷ክትግዘሩ እንተ ዘይሰማዕኩምና ግና ጓልና ሒዝና ንኸይድ።

¹⁸ንሓሞርን ንሴኬም ወዲ ሓሞርን ከኣ እቲ ዘረብኦም ባህ ኣበሎም።

¹⁹እቲ ጎበዝ ድማ ንጋል ያእቆብ ፈትይዋ ነበረ እሞ፡ ኢዚ ነግርዚ ንምግባር ኣይደንጎየን። ኣብ ቤት ኣቦኡ ኻብ ዝለአው ኹሎም ከኣ ንሱ ይኸብር ነበረ።

²⁰ሓሞርን ወዲ ሴኬምን ናብ ደገ ኸተማኦም ከይዶም፡ ንሰብ ኣታ ኸተማኣኦም ከምዚ ኢሎም ተዛረብዎም።

²¹እዞም ሰባት እዚኦም ምሳና ሰብ ሰላም እዮም፡ እዛ ምድሪ ደኣ እንሃ፡ ንኣታቶም እትኣክል ገፋሕ እያ እሞ፡ ኣብዛ ምድሪ ይቀመጡን ይንገዱላን። ኣዋልዶም ንኣና ኣንስቲ ንወስድ፡ ኣዋልድና ድማ ንኣታቶም ንህቦም።

²²እዞ ሰባት እዚኣቶም ግና ምሳና ኪቕመጡ፡ ምሳና ሓደ ህዝቢ ኪኾኑ ድማ በዚ ጥራይ ሕራይ የብሉና፡ ንሳቶም ግዙራት ከም ዝኾኑ፡ ኩሉ ተባዕታይና ኽግዘር።

²³ማሎምን ገንዘቦምን ኩሉ እንስስኦምንከ ነትናዶ ኣይኮናን፡ ሃንትስ ሕራይ ደኣ ንበሎም እምበር፡ ምሳና ኺነብሩ እዮም።

²⁴እቶም ብደገ ኸተማኡ ዝወጹ ኹላቶም ንሓሞርን ንወዱ ሴኬምን ሰምዕዎም እሞ፡ ብደገ ኸተማኡ ዝወጸ ዘበለ ኹሉ ተባዕታይ ተገዝረ።

²⁵ኮነ ኽኣ፡ ኣብ ሳልሰይቲ መዓልቲ ኪቕንዘው ኸለው፡ ክልተ ሰቂ ያእቆብ፡ ስምኦንን ሌውን ኣሕዋት ዲና፡ ሰሴፎም ወሲዶም ፡ ነታ ኸተማ ኸይሕሰበት ሓደጋ ወዲቖም፡ ተባዕታይ ዘበለ ኹሉ ቐተሉ።

²⁶ንሓሞርን ንወዱ ሴኬምን ብስህለት ሴፍ ቀቲሎም፡ ንዲና ኻብ ቤት ሴኬም ሒዞምዋ ወጹ።

²⁷ደቂ ያእቆብ ንሓብቶም ስለ ዘርከስዋ ናብቶም ቅቱላት መጺኦም ነታ ኸተማ ዘመትዋ።

²⁸ኣባጊዖምን ኣሓኦምን ኣእዱጎምን ኣብ ከተማ ዝነበረን ኣብ መሮር ዝነበረን ድማ ወሰዱ።

²⁹ኩሉ ገንዘቦምን ኩሎም ሕጻውንቶምን ኣንስቶምን ማረኹ ኣብ ቤት ንተረኽበ ኹሉ ድማ ዘመቱ።

³⁰ያእቆብ ከኣ ንስምኦንን ንሌውን፡ ኣብ መንጎ እዞም ኣብዛ ሃገር ዚነብሩ፡ ኣብ መንጎ ኸነኣናውያንን ፈረዛውያንን ንኽፉእ ጨና ብምግባርኩም ኣጨኒቕኩምኒ። ኣነ ብቑጽሪ ሒደት እየ፡ ንሳቶም ከኣ ተኣኪቦም ይቐትሉኒ፡ ኣነን ቤተይን ድና ንጠፍእ በሎም።

³¹ንሳቶም ከኣ፡ ኣብ ሓብትናዶ ደኣ ኸም ኣብ ኣመንዝራ ኺግበር እዩ፡ በሉ።