Read መ/ቅዱስ ትግርኛ, Tigrigna Bible, 1997 ኦሪት ዘፍጥረት 35 Bible Online

ኦሪት ዘፍጥረት 35 - መ/ቅዱስ ትግርኛ, Tigrigna Bible, 1997 bible

ኦሪት ዘፍጥረት 35

¹ኣምላኽ ድማ ንያእቆብ፡ ተንስእ እሞ ናብ ቤትኤል ደይብ፡ ኣብኣውን ተቐመጥ። ኣብኣ ድማ ነቲ ኻብ ቅድሚ ሓውካ ኤሳው ክትሀድም ከሎኻ እተገልጸልካ ኣምላኽ መሰውኢ ግበር በሎ።

²ሽዑ ያእቆብ ንስድራኡን ምስኡ ንዝነብሩ ኹሎምን፡ ኣብ ማእከልኩም ዘለዉ ጓኖት ኣማልኽቲ ኣርሕቑ፡ ጽረዩ፡ ክዳውንትኹምውን ለውጡ።

³ንተንስእ፡ ናብ ቤትኤል ድማ ንደይብ፡ ኣብኣ ኸኣ ነቲ መዓልቲ ጸበባይ ዝሰምዓንን መሰውኢ ኽገብር እየ በሎ።

⁴ኣብ ኢዶም ዝነብሩ ኹሎም ጓኖት ኣማልኽትን ኣብ ኣእዛኖም ዝነብረ ቐለብትን ንያእቆብ ሀብዎ። ያእቆብ ድማ ኣብ ትሕቲ እቲ ኣብ ጥቓ ሴኬም ዘሎ ድዋ ሓብኦ።

⁵ተጓዕዙ ኽኣ። ኣብተን ኣብ ዙርያኦም ዝነብራ ኸተታታት ድማ ዓብዩ ፍርሃት ኣምላኽ ኮነ እሞ፡ ንደቂ ያእቆብ ኣይሰጎጎውምን።

⁶ያእቆብን እቲ ምስኡ ዝነበረ ኹሉ ህዝብን ናብታ ኣብ ምድሪ ኸንኣን ዘላ ሉዝ መጹ፡ ንሳ ኽኣ ቤትኤል እያ፡

⁷ኣብኣ ድማ መሰውኢ ነደቐ። እቲ ኻብ ቕድሚ ሓው ኺሀድም ከሎ ኣምላኽ ኣብኣ ስለ እተገልጸሉ፡ ነታ ቦታ ቤትኤል ኣውጽኣላ።

⁸ዲቦራ መጉዚት ርብቃ ሞተት፡ ኣብ ትሕቲ ቤትኤል ኣብ ትሕቲ እቲ ድማ ድማ ተቐብረት። ስሙ ኽኣ ድማ ብኽያት ተባህለ።

⁹ያእቆብ ካብ ጳዳንኣራም ምስ ወጸ ድማ ኣምላኽ ከም ብሓድሽ ተራኣዮ፡ ባረኾ ኸኣ።

¹⁰ኣምላኽ ድማ፡ ስምካ ያእቆብ እዩ። ድሕሪ ደጊምሲ ስምካ ያእቆብ ኣይብሀልን። ስምካስ እስራኤል ደኣ ኪኸውን እዩ፡ በሎ። ስሙ ኽኣ እስራኤል ኣውጽኣሉ።

¹¹ኣምላኽ ድማ፡ ኣነ እቲ ኹሉ ዝኽእል ኣምላኽ እየ። ፍረን ብዛሕን። ህዝብን ብዝሒ ህዝብታትን ካባኻ ኺወጹ እዮም፡ ነገስታት ከኣ ካብ ሕቛኻ ኺወጹ እዮም።

¹²እዛ ንኣብርሃምን ንይስሃቅን ዝሀብኩዎም ምድሪ ንኣኻ ኽህበካ እየ። ብድሕሬኻ ድማ እታ ምድሪ ንዘርእኻ ህቦ እየ በሎ።

¹³ኣምላኽ ድማ ካብታ ምስኡ እተዛረበላ ቦታ ኻብኣ ደየበ።

¹⁴ያእቆብ ከኣ ኣብታ ምስኡ እተዛረበላ ቦታ ሓወልቲ፡ ሓወልቲ እምኒ፡ ተኸለ። ኣብኣ ድማ መስዋእቲ መስተ ኸዐወ፡ ኣብ ልዕሊኡውን ዘይቲ ኸዐወ።

¹⁵ያእቆብ ከኣ ነታ ኣምላኽ ኣብኣ ምስኡ እተዛረበላ ቦታ ስማ ቤትኤል ኣውጽኣላ።

¹⁶ካብ ቤትኤል ድማ ተላዕሉ። ንኤፍራታ ኺበጽሑ ገና፡ ገለ መገዲ ተሪፍዎም ከሎ፡ ራሄል ወለደት። ክትወልድ ከላ ድማ፡ ጻዕሪ በርትዓ።

¹⁷ኮነ ኽኣ፡ ብሕርሳ ኽትጽዐር ከላ፡ እታ መሕረሲት፡ ሕጂ ድማ ወዲ ረኺብኪ ኢኺ እሞ ኣይትፍርሂ በለታ።

¹⁸ኮነ ኽኣ፡ ክትመውት ነፍሳ ኽትወጽእ ከላ ድማ ስሙ ቤንኦኒ ኣውጽኣትሉ። ኣቡኡ ግና ብንያም ኣውጽኣሉ።

¹⁹ራሄል ከኣ ሞተት፡ ኣብ መገዲ ኤፍራታ ድማ ተቐብረት። ንሳ ቤትልሄም እያ።

²⁰ያእቆብ ድማ ኣብ መቓብራ ሓወልቲ ተኸለ፡ ንሱ እቲ ኽሳዕ ሎሚ ሓወልቲ መቓብር ራሄል እዩ።

²¹እስራኤል ከኣ ካብኡ ተላዒሉ ድንኳኑ ኣብ ክንየው ግምቢ ኤደር ተኽለ።

²²ኮነ ድማ፡ እስራኤል ኣብኡ ኣብታ ምድሪ እቲኣ ተቐሚጡ ኸሎ፡ ሮቤል ከይዱ ምስ ቢልሃ፡ ሰበይቲ ወሰን ኣቡኡ ደቀሰ። እስራኤል ድማ ሰምዔ። ኣወዳት ያእቆብ ከኣ ዓሰርተው ክልተ ነበሩ።

²³ደቂ ልያ ሮቤል ከኹሪ ያእቆብን ስምኦንን ሌውን ይሁዳን ይሳኮርን ዛብሎንን።

²⁴ደቂ ራሄል ዮሴፍን ብንያምን።

²⁵ደቂ ቢልሃ ግዝእቲ ኣብ ጳዳንኣራም እተወልዱሉ ደቂ ያእቆብ እዮም።

²⁶ያእቆብ ድማ ናብ ኣቡኡ ይስሃቅ ናብ መምሬ ኣብ ቅርያትኣርባዕ መጸ። ንሳ እታ ኣብርሃምን ይስሃቅን ተሰዲዶምዋ ዝነበሮ ኬብሮን እያ።

²⁷ያእቆብ ድማ ናብ ኣቡኡ ይስሃቅ ናብ መምሬ ኣብ ቅርያትኣርባዕ መጸ። ንሳ እታ ኣብርሃምን ይስሃቅን ተሰዲዶምዋ ዝነበሮ ኬብሮን እያ።

²⁸ዕድመ ይስሃቅ ከኣ ሚእትን ሰምንያን ዓመት ኮነ። ይስሃቅ ድማ ትንፋሱ ወጸት እሞ ሞተ። ኣሪጉ ዕድመ ጸጊቡ ናብ ህዝቡ ተኣከበ። ደቂ ኤሳውን ያእቆብን ከኣ ቀበርዎ።