Read መ/ቅዱስ ትግርኛ, Tigrigna Bible, 1997 ኦሪት ዘፍጥረት 37 Bible Online

ኦሪት ዘፍጥረት 37 - መ/ቅዱስ ትግርኛ, Tigrigna Bible, 1997 bible

ኦሪት ዘፍጥረት 37

¹ያእቆብ ድማ ኣብታ ኣቦኡ ተሰዲድዋ ዝነበረ ምድሪ፡ ኣብ ምድሪ ኸነኣን ተቐመጠ።

²ወለዶ ያእቆብ እዚ እዩ። ዮሴፍ፡ ወዲ ዓሰርተው ሾብዓተ ዓመት ምስ ኮነ፡ ምስ ኣሕዋቱ ጤለበጊዕ ይጓሲ ነበረ። ንሱ ብንእስነቱ ኾሎ ኽኣ ምስ ደቂ ቢልሃን ምስ ደቂ ጺልጳን ኣንስቲ ኣቦኡ ነበረ። ዮሴፍ ድማ እቲ ኽፉእ ወሬኦም ነቦኦም የምጽኣሉ ነበረ።

³እስራኤል ንዮሴፍ፡ ወዲ እርግናኡ ነበረ እሞ፡ ሓለፋ ኹሎም ደቁ ይፈትዎ ነበረ። ወለል ዚብል ቀምሽ ከኣ ገበረሉ።

⁴እቶም ኣሕዋቱ ኣቦኦም ሓለፉ ኹላቶም ኣሕዋቱ ኸም ዝፈተዎ ርእዮም። ጸልእዎ፡ ብሰላም ኪዛረብዎ ድማ ኣይከእሉን።

⁵ዮሴፍ ከኣ ሕልሚ ሐለመ ነሕዋቱ ድማ ነገሮም። መሊሶም ከኣ ኣዝዮም ጸልእዎ።

⁶ንሱ ድማ ዝሐለምክዎ ሕልሚ እማ ስምዑ።

⁷እንሆ ንሕና ኣብ ማእከል ግራት እንዳእቲ ንኣሰር ነበርና። እንሆ ኸኣ፡ እንዳእትኹም ናኣንዳእተይ ከቢበን ሰገዳላ፡ በሎም።

⁸ሽዑ ኣሕዋቱ እሞ ብሓቂዶ ኣብ ልዕሌና ኽትነግስ፡ ብሓቂዶኸ ኽትገዝኣና ኢኻ፡ በልዎ። መሊሶም ከኣ ብዛዕባ ሕልምታቱን ዘረባኡን ኣዝዮም ጸልእዎ።

⁹ካልእ ሕልሚ ድማ ሓለመ፡ ነሕዋቱ ከኣ ነገሮም፡ እንሆ ካልእ ሓልሚ ሓለምኩ፡ እንሆ ድማ ጸሓይን ወርሕን ዓሰርተው ሓደ ከዋኽብትን ሰገዱለይ በለ።

¹⁰ነቦኡን ነሕዋቱን ድማ ነገጎም። ኣቦኡ ኸኣ ገንሖ፡ እዚ ዝሓለምካዮ እንታይ ሕልሙ እዩ፡ ብሓቂዶ ኣነን ኣዴኻን ኣሕዋትካን መጺእና ኣብ ምድሪ ኽንሰገልካ ኢና በሎ።

¹¹ኣሕዋቱ ኽኣ ቀንኡሉ። ኣቡኡ ግና ነዚ ነገርዚ ኣብ ልቡ ዑቒርዎ ነበረ።

¹²ኣሕዋቱ ድማ ጤለበጊዕ ኣቦኣኦም ኪጓስቱ ናብ ስኬም ከዱ።

¹³እስራኤል ከኣኣ ንዮሴፍ ኣሕዋትካ ደኣ ኣብ ሴኬምዶ ይጓስዩ አየለውን፡ ናዓ ናባታቶም ክሰደካ በሎ። ንሱ ኽኣ ኣኔኹ በሎ።

¹⁴ኪድ እሞ፡ እቶም ኣሕዋትካ ደሓን እንተለው፡ እተን ጤለበጊዕውን ደሓን እንተለዋ ርኤ፡ ቃል ድማ ምለሰለይ በሎ፡ ከምዚ ገይሩ ኻብ ለሰ ኬብሮን ለኣኾ። ንሱ ኽኣ ናብ ሴኬም መጸ።

¹⁵ኣብቲ መሮር ሃለው ክብል ከሎ እንሆ ሓደ ሰብኣይ ረኸቦ። እቲ ሰባኣይ ከኣ እንታይ ትደሊ ኣሎኻ፡ ኢሉ ሓተቶ።

¹⁶ንሱ ድማ፡ ኣሕዋተይ እደሊ ኣለኹ፡ ኣበይ ከም ዝጓስዩ ኾታ ንገረኒ በለ።

¹⁷እቲ ሰብኣይ ከኣ ናብ ዶታን ንኽዽ ኪብሉ ሰሚዔዮም ነብርኩ እሞ ካብዝስ ለቒቖም እዮም በለ። ዮሴፍ ከኣ ደድሕሪ ኣሕዋቱ ኸይዱ ደድሕሪ ኣሕዋቱ ኸይዱ፡ ኣብ ዶታን ረኸቦም።

¹⁸ካብ ርሑቕ ድማ ረኣኣይዎ፡ ገና ኣባታቶም ከይቀረበ ኸኣኣ፡ ኪቐትልዎ ተታናኾሉ።

¹⁹ንሓድሕዶም ድማ ተባሃህሉ፡ እቲ ሓላሚ እንሆ፡ ይመጽእ ኣሎ።

²⁰ሕጂ ኻኣ ንዑ ንቕተሎ ኣብ ሓንቲ ኻብዘን ጎዳጉድ ንደርብዮ እሞ ሕሱም ኣራዊት በሊዕዎ ንበል። እቲ ሕልምታቱ እንታይ ከም ዝኸውን ድማ ንርኢ።

²¹ሮቤል ከኣ እዚ ሰሚዑ ኻብ ኢዶም ኣድሓኖ፡ ነፊ ኣይንቕተል፡ ድማ በለ።

²²ሮቤል ከኣ ካብ ኢዶም ኣድሒኑ ናብ ኣቦኡ ምእንቲ ኺመልሶ ኢሉ፡ ብኢድ እኳ ኣይትተንክይዎ፡ ኣብዚ በረኻ ኣብ ዘሎ ጓድጓድ ደርብይዎ እምበር ደምሲ ኣይትኽዐው በሎም።

²³ኮነ ኽኣ፡ ዮሴፍ ናብ ኣሕዋቱ መጸ፡ ነቲ ተኸዲንዎ ዝነበረ ቐምሹ እቲ ወለል ዝብል ቀምሽ ቐንጢጦም።

²⁴ወሲዶም ድማ ናብ ጓድጓድ ደርበይዎ። እቲ ጓድጓድ ከኣ ማይ ዜብሉ ጥራዩ ነበረ።

²⁵እንጌራ ኺበልዑ ድማ ተቐመጡ። ኣዒንቶም ቋሕ ኣቢሎም ጠመቱ ኣንሆ ኸኣኣ እስማዔላውያን ቃፍላይ ኣግማሎም ሽቱን ቀመምን ከርበን ተጽዒነን ናብ ግብጺ ኼውርድዎ ኪኸዱ፡ ካብ ጊልዓድ ኪመጹ ረኣዩ።

²⁶ይሁዳ ድማ ነሕዋቱ፡ ሓውና ቐቲልና ደሙ እንተ ሓባእናስ እንታይ ክንጥቀም ኢና።

²⁷ንዑ ግዳ ኣብዞም እስማዒላውያን ንሽጦ፡ ሓውናን ስጋናን እዩ እሞ ኢድና ኣብ ልዕሊኡ ኣይትኹን በሎም። ኣሕዋቱ ድማ ሰምዕዎ።

²⁸እቶም ነጋዶ ሰብ ሚድያን ኪሓልፉ ኸለው፡ ንዮሴፍ ኣልዒሎም ካብ ጓድጓድ ኣውጽእዎ እሞ፡ ንዮሴፍ ንዕድራ ሲቃል ብሩር ኣብ እስማዔላውያን ሸጥዎ። ንሳቶም ከኣ ንዮሴፍ ናብ ግብጺ ወሰድዎ።

²⁹ሮቤል ድማ ናብቲ ጓድጓድ ተመልሰ፡ እንሆ ኸኣ፡ ዮሴፍ ኣብቲ ጓድጓድ ኣይነብረን። ሽዑ ኽዳኑ ቐደደ።

³⁰ናብ ኣሕዋቱ ተመሊሱ ድማ እቲ ቖልዓ የሎን ኣነ ደኣ ናበይ ክኸይድ እየ በለ።

³¹ቀምሽ ዮሴፍ ወሲዶም ከኣ ወጠጦ ሓሪዶም ነቲ ቀምሽ ኣብ ደም ጠለቕዎ።

³²ነቲ ወለል ዚብል ቀምሽ ሰዲዶም ናብ ኣቦኣኣኦም ኣእተውዎ እዚ ረኺብና እሞ ቀምሽ ወድኻ እንተ ኾይኑ ወይ እንተ ዘይኮነ እስከ ኣለልዮ ድማ በሉ።

³³ኣለልይዎ ኸኣኣ፡ እዚ ቐምሽ ወደይ እዩ ሕሱም ኣራዊት በሊዕዎ፡ ዮሴፍ ብርግጽ ተበሊዑ በለ።

³⁴ያእቆብ ድማ ክዳኑ ቐዲዱ ኣብ ሕቑኡ ማቕ ተዐጥቀ፡ ዛዕባ ወዱ ብዙሕ መዓልቲ ሓዘነ።

³⁵ኩሎም ኣወዳቱን ኩለን ኣዋልዱን ድማ ኬጸናንዕዎ ተንስኡ። ንሱ ግና ምጽንናዕ ኣበየ፡ ብሕዘን ናብ ወደይ ናብ ሽኦል ክወርድ ኣየ፡ ድማ በለ። ኣቦኡ ኸኣ በኸየሉ።

³⁶እቶም ሚድንያውያን ድማ ናብ ግብጺ ናብ ጲጦፋር፡ በዓል መዋእል ፈርኦን ሓለቓ ዘብልዔኛታት፡ ሸጥዎ።