Read መ/ቅዱስ ትግርኛ, Tigrigna Bible, 1997 ኦሪት ዘፍጥረት 38 Bible Online

ኦሪት ዘፍጥረት 38 - መ/ቅዱስ ትግርኛ, Tigrigna Bible, 1997 bible

ኦሪት ዘፍጥረት 38

¹በቲ ወርሓት እቲ ኽኣ ኾነ፡ ይሁዳ ኻብ ኣሕዋቱ ወሪዱ፡ ናብ ሒራ ዝስሙ ኣዱላማዊ ሰባኣይ ኣተወ።

²ይሁዳ ኣቡኣ ጓል ሹዓ ዝስሙ ከነኣናዊ ሰብኣይ ረኣኣየ፡ ወሲዱ ኸኣ ኣተዋ።

³ንሳ ጠነሰት ወዲውን ወለደት፡ ስሙ ድማ ዔር ኣውጽኣትሉ።

⁴ደጊማ ኸኣ ጠነሰት ወዲውን ወለደት፡ ስሙ ድም ኦናን ኣውጽኣትሉ።

⁵ከም ብሓድሽ ከኣ ደጊማ ወይ ወለደት ስሙ ውን ሼላ ኣውጽኣትሉ። ንኣኡ ኽትወልድ ከላ ይሁዳ ኣብ ከዚብ ነበረ።

⁶ይሁዳ ድማ ንዔር በኹሪ ወዲ ታማር ዝስማ ሰበይቲ ኣምጽኣሉ።

⁷ዔር በኹሪ ይሁዳ ግና ኣብ ቅድሚ እግዚኣብሄር ክፋእ ነበረ፡ እግዚኣብሄር ከኣ ቀተሎ።

⁸ሽዑ ይሁዳ ንኣናን፡ ናብ ሰበይቲ ሓውካ እቶ እሞ ውረሳ፡ ንሓውካ ድማ ዘርኢ ኣቖም በሎ።

⁹ኦናን ግና እቲ ዘርኢ ንእኡ ኸም ዘይከውን ፈለጠ። ኮነ ኽኣ፡ ናብ ሰበይቲ ሓው ምስ ዚኣቱ፡ ንሓው ዚርኢ ምእንቲ ኸይህብ ኢሉ ናብ ምድሪ ኽዐዎ።

¹⁰እቲ ዝገበሮ ኣብ ቅድሚ እግዚኣብሄር ክፋእ ኮነ እሞ፡ ንእኡ ድማ ቀተሎ።

¹¹ሽዑ ይሁዳ ንሱ ድማ ከም ኣሕዋቱ ኸይመውት ኢሉ፡ ንታማር ሰበይቲ ወዱ ወደይ ሼላ ኽሳዕ ዚዐቢ ኺዲ፡ ኣብ እንዳ ኣቦኺ መበለት ኳንኪ ተቐመጢ በላ። ታማር ድማ ኸይዳ ኣብ እንዳ ኣቦኣ ተቐመጠት።

¹²ድሕሪ ብዙሕ መዓልቲ ድማ ጓል ሹዓ ሰበይቲ ይሁዳ ሞተት። ይሁዳ ምስ ተጸናንዔ ንሱ ምስ ሒራ ኣዱላማዊ ፈታዊኡ ናብቶም ኣብጊዑ ዚቖርጹ ናብ ቲምናት ደየበ።

¹³ንታማር ድማ እንሆ ሓሙኺ ኣባጊዑ ኺቐርጽ ናብ ቲምናት ይድይብ ኣሎ፡ ኢሎም ነገርዋ።

¹⁴ንሳ ኽኣ ሼላ ዓብዩ ኽንሱ ሰበይቱ ኽትከውን ከም ዘይተዋህባ ረኣየት እሞ፡ ክዳን ምብልውናኣ ኣንቢራ፡ ብመጎልበቢ ተጎልቢባ ኣብ ጥቓ መገዲ ትምናት ኣብ ዘላ ደገ ዔናይም ተቐመጠት።

¹⁵ይሁዳ ምስ ረኣያ፡ ገጻ ሸፊና ነበረት እሞ ኣመንዝራ መሰለቶ።

¹⁶ንሱ ኽኣ ሰበይቲ ወዲ ምዃና ኣይፈለጠን እሞ፡ ኣብቲ ጥቓ መገዲ ናብኣ ኣግሊሱ፡ በጃኺ ናባኺ ኽኣቱ ሕደግኒ በላ። ንሳ ድማ ናባይ ክትኣቱስ ኣንታይ እሞ ትህበኒ በለቶ።

¹⁷ኣነ ኻብ መጓሰይ ጥቦት ማሕስእ እሰደልኪ፡ በላ። ንሳ ኽኣ፡ ክሳዕ እትሰደለይከ ታሕቲዶ ትህበኒ ኢኻ በለቶ።

¹⁸ንሱ ኽኣ እንታይ ታሕዙ እሞ ኽህበኪ፡ በለ፡ ቀለቤትካን ማዕተብካን እዛ እሞ ኢድካ ዘላ በትርኻን፡ በለት። ሀባ እሞ ኣተዋ ኽኣ፡ ንሳውን ካብኡ ጠነሰት።

¹⁹ተንሲኣ ኸኣ ከደት፡ መጎለበቢኣ ኣንቢራ ድማ ክዳን ምብልውናኣ ተኸድነት።

²⁰ይሁዳ እቲ ታሕዚ ኻብ ኢድ እታ ሰበይቲ ኽወስድ ቢድ እቲ ኣዱላማዊ ፈታዊኡ ጥቦት ማሕስእ ሰደአላ። ንሱ ግና ኣይረኸባን።

²¹ነቶም ሰብ እታ ቦታ እቲኣ፡ እታ ኣብ ኤናይም ኣብ መገዲ ተቐሚጣ። ኣብዚ ኣመንዝራ ኣይነብረትን በሎ።

²²ናብ ይሁዳ ተመሊሱ ድማ ኣይረኸብክዋን፡ እቶም ሰብ እታ ቦታ እቲኣ ኽኣ፡ ኣብዝስ ኣመንዝራ ኣይነበረትን፡ ኢሎም በሎ።

²³ይሁዳ ድማ እንሆ፡ እዚ ጥቦትዚ ሰዲደ። ንስኻ ኽኣ ኣይረኸብካያን እሞ መላገጺ ኸይንኸውንሲ ትውሰዶ በለ።

²⁴ኮነ ድማ፡ ድሕሪ ሰለስተ ወርሒ ኣቢሉ ንይሁዳ፡ ታማር፡ ሰበይቲ ወድኻ ዘምያ፡ እንሆ ኸብ ብዝሙት ጠኒሳ ኣላ፡ ኢሎም ነገርዎ። ይሁዳ ድማ ኣውጽእዋ እሞ ትንደድ በለ።

²⁵ምስ ኣውጽእዋ ድማ ናብ ሓሙኣ ኣነ ኻብ በዓል እዚ እየ ጠኒሰ ዘሎኹ ኢላ ሰደት። እዚ ቐለቤት እዚ፡ እዚ መዓትብ እዚ እዛ በትሪ እዚኣንሲ ናይ መን ከም ዝኾና እስኪ ኣለሉ በጃኺ ድማ በለት።

²⁶ይሁዳ ኽኣ ኣለልይዎ፡ ንወደይ ሼላ ኻብ ዝይሀብክዋስ ካባይ ንሳ ትቐንዕ በለ። ድሕርቲ ግና ኣይፈለጣን።

²⁷ኮነ ኽኣ፡ ብግዜ ሕርሳ እንሆ፡ ኣብ ማሕጸና ማንታ ነበረ።

²⁸ኮነ ድማ ክትወልድ ከላ፡ ኣቲ ሓደ ኢዱ ኣውጼኤ እታ መሕረሲት ከኣ እዚ ቕድም ወጸ ኢላ ቀይሕ ፈትሎ ወሲዳ ኣብ ኢዱ ኣሰረትሉ።

²⁹ኮነ ድማ ንሱ ኢዱ ምስ መለስ እንሆ፡ ሓው ወጸ። ንሳ ኽኣ፡ ከምይ ሰንጢቕካ ባዕልኻ ወጻእካ በለት። ስሙ ድማ ፋሬስ ተባህለ።

³⁰ብድሕሪኡ ኸኣ እቲ ኣብ ኢዱ ቐይሕ ፈትሊ ዝነብሮ ሓው ወጸ። ስሙ ድማ ዘራሕ ተባህለ።