Read መ/ቅዱስ ትግርኛ, Tigrigna Bible, 1997 ኦሪት ዘፍጥረት 40 Bible Online

ኦሪት ዘፍጥረት 40 - መ/ቅዱስ ትግርኛ, Tigrigna Bible, 1997 bible

ኦሪት ዘፍጥረት 40

¹ድሕርዚ ነገርዚ ኸኣኣ ኮነ፡ ናይ ንጉስ ግብጺ ኣሰላፍ ሜሱን ሰንካት እንጌራኡን ንጐይታኦም ንጉስ በደሉ።

²ፈርኦን ድማ ብኽልቲኦም መኳንንቱ ሓለቓ ኣሰላፍቲ ሜስን ሃለቓ ሰንከትቲ እንጌራን፡ ተቖጥዔ፡

³ናብ ቤት ሓለቓ ዘብዔኛታት ኪሕለው ናብታ ዮሴፍ ተአሲሩላ ዝነበረ ቦታ፡ ናብ ቤት ማእሰርቲ ኣእተውዎ።

⁴እቲ ሓለቓ ዘብዔኛታት ከኣ ንዮሴፍ ምስኦም ኪኸውን አዘዘ፡ ንሱ ድማ ኣገልግሎም። ኣብኡ ኸኣ ሓያሎ መዓልቲ ተሓለው።

⁵ኢቶም ኣብ ቤት ማእሰርቲ ተኣሲሮም ዝነበሩ ኣሰላፍ ሜሱን ሰንካት እንጌራኡን ንንጉስ ግብጺ ክልቲኦም ብሓንቲ ለይቲ በበይኑ ዝምፍታሑ ሔሕልሞም ሓለሙ።

⁶ዮሴፍ ንግሆ ናብታቶም ኣትዩ፡ እነውለ ጉህዮም ረአዮም።

⁷ሽዑ ነቶም ኣብ ቤት ጎይትኡ ምስኡ ዚሕለው ዝነበሩ መኳንንቲ ፈርኦን፡ እንታይ ኳንኩም ኢሉኹም ሎሚ ገጽኩም ጸሊምኩም ዘለኹም፡ ኢሉ ሓተቶም።

⁸ሕልሚ ሓሊምና እሞ ዚፈትሖ ድማ የልቦን፡ በልዎ። ዮሴፍ ድማ እቲ ምፍታሕ ናይ እግዚኣብሄር ኣይኮነን፡ እስኪ ሕልሙኸ ንገሩኒ በሎም።

⁹እቲ ሓለቓ ኣስለላፍ ሜስ ከኣ ሕልሙ ንዮሴፍ፡ እንሆ፡ ብሕልመይ ኣብ ቅድመይ ኦም ወይኔ ርኤኹ።

¹⁰ኣብታ ኦም ወይኒ ድማ ሰለስተ ጨናፍር ነበረ፡ ኪጥዕም ከሎ ኽኣ ዐምበበ፡ እቲ ዘለላኡ ድማ ብሱል ዘቢብ ሀበ።

¹¹ጽዋእ ፈርኦን ድማ ኣብ ኢደይ ነበረት፡ ነዚ ዘቢብ ወሲደ ኸኣ ናብ ጽዋእ ፈርኦን ጸሙቕክዎ፡ እታ ጽዋእ ድማ ንፈርኦን ኣብ ኢዱ ሀብክዎ።

¹²ዮሴፍ ከኣ በሎ፡ ምፍታሑ እዚ እዩ፡ እቲ ሰለስተ ጨንፈር ሰለስተ መዓልቲ እዩ።

¹³ድሕሪ ሰለስተ መዓልቲ ፈራኦን ንርእስኻ ኸብ ኬብል፡ ናብ ሽመት ቀደምካውን ኪመልሰካ እዩ። ከምቲ ናይ ቀደም ኣሰላፊኡ ኸሎኻ ዝነበረ ስርዓት ከኣ፡ ጽዋእ ፈርኦን ኣብ ኢዱ ኽትህቦ ኢኻ።

¹⁴ምስ ዝቐንዓካ ድማ ዘክረኒ፡ በጃኻ ምሕረት ግበረለይ ንፈርኦን ከኣ ንገርለይ እሞ ካብዛ ቤት እዚኣ ኣውጸኣኒ።

¹⁵ኣነ ኻብ ምድሪ እብራውያን ብስርቂ እተጨዌኹ እየ እሞ፡ ኣብዚ ቤት ማእሰርቲ ዚእቱ ድማ ገለኳ ኣይገብርኩን።

¹⁶እቲ ሐለቓ ሰነከትቲ እንጌራ ኸኣ ጽቡቕ ከም ዝፈትሔ ምስ ረአየ፡ ንዮሴፍ፡ ኣነ ድማ ብሕልመይ እንሆ፡ ስለስተ መሶብ ጻዕዳ እንጌራ ኣብ ርእሰይ ነበረ።

¹⁷ኣብቲ ላዕላይ መሶብ ከኣ ካብ ኩሉ ዓየንት ብልዒ ፈርኦን ግቡር እንጌራ ነበረ። ካብቲ ኣብ ርእሰይ ዘሎ መሶብ ድማ ኣዕዋፍ ካብኡ ይበልዓ ነበራ፡ በሎ።

¹⁸ዮሴፍ ከኣ ምፍታሑ እዚ እዩ፡ እቲ ስለሰተ መሶብ ስለስተ መዓልቲ እዩ።

¹⁹ድሕሪ ስለስተ መዓልቲ ፈርኦን ርእስኻ ካባኻ ኪወስድ፡ ኣብ ዕጨይቲ ድማ ኪሰቕላ እዩ። ስጋኻ ኸኣ ካባኻ ኣዕዋፍ ኪበልዖኦ እየን፡ ኢሉ መለሰ።

²⁰ኮነ ድማ ኣብ ሳልሰይቲ መዓልቲ ፈርኦን መዓልቲ ልደቱ ነበረ እሞ፡ ንኹሎም ገላውኡ ምሳሕ ገብረሎም። ሽዑ ንርእሲ ሓለቓ ኣሰአፍቲ ሜስን ርእሲ ሓለቓ ስንከትቲ እንጌራን ኣብ ማእከል ገለውኡ ኽብ ኣበለ።

²¹ነቲ ሓለቓ ኣሰለፍቲ ሜስ ናብ ኣሰላፍነቱ መለሶ ንሱ ድማ እቲ ጽዋእ ኣብ ኢድ ፈርኦን ሀበ።

²²ነቲ ሓለቓ ሰንከትቲ እንጌራ ግና ከምቲ ዮሴፍ ዝፈትሓሎም፡ ሰቐሎ።

²³እቲ ሓለቓ ኣሰለፍቲ ሜስ ግና ንዮሴፍ ረስዖ እምበር ኣይዘከሮን።