Read መ/ቅዱስ ትግርኛ, Tigrigna Bible, 1997 ኦሪት ዘፍጥረት 44 Bible Online

ኦሪት ዘፍጥረት 44 - መ/ቅዱስ ትግርኛ, Tigrigna Bible, 1997 bible

ኦሪት ዘፍጥረት 44

¹ንኣዛዝ ቤቱ ድማ ንዓይብቲ እዞም ሰባት ኪወስድዎ ኸም ዚኽእሉ ጌርካ እኽሊ ምልኣሎም። ገንዘብ ነፍስ ወከፍ ድማ ኣብ ኣፍ ዐዕይበቱ ኣንብር።

²ነታ ጽዋኤይ ድማ፡ እታ ጽዋእ ብሩር፡ ምስቲ ገንዘብ እኽሉ ጌርካ ናብ ኣፍ ዓይበት እቲ ንእሽቶ ግበራ ኢሉ ኣዘዞ። ከምቲ ዮሴፍ ዝበሎ ቓል ከኣ ገበረ።

³ንግሆ ምስ በርሄ ነቶም ሰባት ምስ ኣእዱጎም ይኺዱ ሓድግዎም።

⁴ንሳቶም ካብ ከተማ ወጺኦም ገና ኸይረሓቑ ዮሴፍ ንኣዛዝ ቤቱ በሎ ተንስእ ደድሕሪ እዞብ ሰባት ስዐብ እሞ፡ ምስ ኣርከብካዮም ከምይ ኣብ ክንዲ ጽቡቕ ክፉእ ፈዴኹም፡

⁵እታ ጐይታይ ዚሰትየላ ብእኣ ድማ ምስጢር ዚፈልጠላን ጽዋእ እዚኣዶ ኣይኮነትን፡ እዚ ምግባርኩም ክፉእ ጌርኩም በሎም።

⁶ንሱ ኽኣ ኣርከቦም እዚ ነገርዚ ድማ ተዛረቦም።

⁷ንሳቶም ከኣ፡ ጐይታይ ስለምንታይ ከምዚ ኢልካ ትዛረብ፡ ከምዚ ዝበለ ነገር ምግባርሲ ኻብ ገላውኻ የርሕቆ፡

⁸እቲ ኣብ ኣብ ዓያብትና ዝረኸብናዮ ገንዘብ እኳ እንሆ ካብ ምድሪ ኸነኣን መሊስናልካ። ካብ ቤት ጐይታኻ ግዳ ኸመይ ጌርና ብሩር ወይ ወርቂ ኽንሰርቕ።

⁹ካብ ገላውኻ እቲ እተረኽበቶ ይሙት፡ ንሕና ኸኣ ባሮት ጐይታ ንኹን በልዎ።

¹⁰ንሱ ኸኣ ሕጂ ኸም ዝበልክምዎ ይኹን። እቲ እተረኽበቶ፡ ንሱ ባርያይ ይኹን፡ ንስኻትኩም ግና ንጽሃት ኢኹም በለ።

¹¹ቀልጢፎም ከኣ ነፍ ወከፍ ዐዓበቶም ናብ ምድሪ ኣውረዱ፡ ነፍስ ወከፍ ድማ ዐይበቱ ኸፈተ።

¹²ንሱ ኸኣኣ በቲ ዓብዩ ጀሚሩ በቲ ንእሽቶ ኽሳዕ ዚውድእ ጎርጎሮም፡ እታ ጽዋእ ድማ ኣብ ዓይበት ብንያም ተረኸበት።

¹³ሽዑ ኽዳውንቶም ቀደዱ፡ ነፍስ ወከፍ ኣድጉ ጽዒኑ ድማ ናብ ከተማ ተመልሱ።

¹⁴ይሁዳን ኣሕዋቱን ከኣ ናብ ቤት ዮሴፍ ኣተው። ንሱ ገና ኣብኣ ነበረ። ኣብ ቅድሚኡ ድማ ናብ ምድሪ ተደፍኡ።

¹⁵ዮሴፍ ከኣ እዚ ዝገበርኩምዎ እንታይ ግበሩ እዩ፡ ከማይ ዝበለ ሰብ ፈላጢ ኸም ዝኾነስ ኣይትፈልጡንዶ፡ በሎም።

¹⁶ይሁዳ ድማ ፡ ንጐይታይ እሞ እንታይ ክንብል ኢና፡ እንታይስ ክንዛረብ፡ ከመይ ጌርናኸ ርእስና ኸነጽድቕ፡ ኣምላኽ በደል ባሮትካ ረኸበ፡ እኔና ንሕናን እቲ ኣብ ኢድ ጽዋእ እተረኽበቶን ባሮት ጎያትይ ኢና፡ በለ።

¹⁷ንሱ ግና ከምዚ ዝበለ ምግባርሲ ኻያ የርሕቕ፡ እቲ ኣብ ኢዱ ጽዋእ እተረኽበቶ ሰብኣይ ንሱ ባርያይ ይኹን፡ ንስኻትኩም ግና ናብ ኣቦኹም ብሰላም ደይቡ በለ።

¹⁸ሽዑ ይሁዳ ናብኡ ቐሪቡ በለ፡ በል ጎያትይ ጊልያኻ ሓንቲ ቓል ኣብ እዝኒ ጐይታይ ክዛረብ እልምነካ ኣሎኹ፡ ንስኻ ኸም ፈርኦን ኢኻ እሞ፡ ኩራኻ ኣብ ጊልያኻ ኣይንደድ።

¹⁹ጐይታይ ንገላውኡ፡ ኣቦ ወይ ሓውከ ኣሎኩምዶ፡ ኢሉ ሓተቶም።

²⁰ንሕና ኽኣ ጐይታይ፡ ኣረጊት ኣቦ ኣሎና፡ ኣብ እርግናኡ ዝወለዶ ንእሽቶ ቖልዓ ድማ ሓው ኸኣ ሞይቱ፡ እዚ ድማ ካብ ደቂ ኣዲኡ በይኑ ተሪፉ፡ ኣቦኡ ኸኣኣ ይፈትዎ እዩ በልናካ።

²¹ሽዑኡ ንስኻ ንገላውኻ ዓይነይ ክርእቱ ናባይ ኣውርድዎ በልካና።

²²ንሕና ድማ ንጎያትይ እቲ ወዲ ነቦኡ ኺሕድጎ ኣይክእልን፡ ነቦኡ እንተ ሓደጎስ፡ ኣቦኡ ኺመውት እዩ፡ በልናዮ።

²³ንገላውኻ ድማ እቲ ንእሽቶ ሓውኩም ምሳኻትኩም እንተ ዘይወረደ ደጊም ገጸይ ኣይክትርእዩንን ኢኹም፡ በልካና።

²⁴ኮነ ኸኣ ንሕና ጊልያኻ ኣቦይ ምስ ደየበና፡ ዘረባ ጎያትይ ነገርናዮ።

²⁵ኣቦና ድማ ተመሊስኩም ሒደት እኽሊ ሸምቱልና በለ።

²⁶ንሕና ኸኣ ክንወርድ ኣይንኽእልን። እዚ ንእሽቶ ሓውና ምሳና እንተሎ ግና ንወርድ በልና።

²⁷ኣቦይ ጊልያኻ ድማ ሰበይተይ ክልተ ወዲ ኸም ዝወለደትለይ ንስኻትኩም ትፈልጡ ኢኹም።

²⁸እቲ ሓደ ኻባይ ወጸ፡ ኣነ ኸኣኣ ብሓቂ ተበሊዑ እዩ በልኩ ክሳዕ ሕጂ ድማ ኣይርኤኽውን።

²⁹ነዚ ኸኣ ካብ ቅድመይ እንተ ወሰድኩምዎ እሞ ድንገት እንተ ረኸቦ፡ ንሽበተይ ንጓሂ ናብ ሽኦል ከተውርድዎ ኢኹም በለና።

³⁰ሕጂ ኸኣ ኣነ ናብ ኣቦይ ጊልያኻ እንተ መጻእኩ እሞ እዚ ወዲ ምሳይ እንተ ዘየሎ፡ ነፍሱ ምስ ነፍሲ ወዱ ስለ እተጠበቐት።

³¹ኪኸውን ድማ እቱ እዚ ወዲ ኸም ዘየሎ እንተ ረኣየ ኺመውት እዩ። ገላውኻ ኸኣ ንሸበት ኣቦና ጊልያኻ ብጓሂ ናብ ሽኦል የውርዱ።

³²ጊልያኻ ነዛ ወዲ ኣብ ቅድሚ ኣቦይ ፡ ናባኻ እንተ ዘየምጻእክዎ ብኹሉ ዘበነ ነቦይ ሓጢኣት ከም ዝገብርኩ እኽወን። ኢሉ ተዋሒስዎ እዩ።

³³ሕጂ ድማ ጊልያኻ ኣብ ክንዲ እዚ ወዲ ንጎያትይ ባርያ ኾይኑ ኪቕመጥ ይደይብ።

³⁴እዚ ወዲ ምሳይ ካብ ዝይህሉስ ከምይ ኢለ ደኣ ናብ ኣቦይ ክድይብ እየ፡ እቲ ነቦይ ዚረኸቦ ኽፋእሲ ኣየርእየኒ።