Read መ/ቅዱስ ትግርኛ, Tigrigna Bible, 1997 ኦሪት ዘፍጥረት 46 Bible Online

ኦሪት ዘፍጥረት 46 - መ/ቅዱስ ትግርኛ, Tigrigna Bible, 1997 bible

ኦሪት ዘፍጥረት 46

¹እስራኤል ድማ ምስ ኩሉ ዘለዎ ነቐለ። ናብ ብኤርሸባዕ ምስ በጽሔ፡ ኣቡኡ ንኣምላኽ ኣቡኡ ይስሃቅ መስዋእቲ ሕሩድ ሰውኤ።

²ኣምላኽ ድማ ንእስራኤል ብራእይ ለይቲ ያእቆብ ያእቆብ ኢሉ ተዛረቦ። ንሱ ኸኣ እኔኹ በለ።

³ኣነ ኣምላኽ፡ ኣምላኽ ኣቦኻ እየ። ኣብኡ ዓብዩ ህዝቢ ኽገብረካ እየ እሞ፡ ናብ ግብጺ ምውራድ ኣይትፍራህ።

⁴ኣነ ምሳኻ ናብ ግብጺ ኽወርድ እየ እሞ ናብ ግብጺ ምውራድ እየ ብርግጽ ድማ ኣነ ኽደይበካ እየ። ዮሴፍ ከኣ ኢዱ ኣብ ልዕሊ ኣዒንትኻ ኼንብር እዩ ድማ በለ።

⁵ያእቆብ ድማ ካብ ብኤርሸባዕ ተንስኤ። ደቂ እስራኤል ከኣ ነቦኦም ያእቆብ ሕጻናቶምን ኣንስቶምን ኣብቲ ኽመጸሉ ኢሉ ፈርኦን ዝሰደደሉ ሰረገላታት ኣደይቡ።

⁶ያእቆብ ኩሉ ዘርኡ ድማ ምስኡ፡ ማሎምን ኣብ ምድሪ ኸነኣን ዘጥረይዎ ገንዘቦምን ወሲዶም፡ ናብ ግብጺ መጹ።

⁷ንደቁን ደቂ ደቁን ነዋልዱን ደቁን ንኹሉ ዘርኡ ድማ ምስኡ ናብ ግብጺ ኣምጽኤ።

⁸እቶም ናብ ግብጺ ዝኣተው ደቂ እስራኤል ያእቆብ ደቁን ስሞም እዚ እዩ፡ በኹሪ ያእቆብ ሮቤል።

⁹ደቂ ሮቤል ድማ ሄኖክን ፋሉን ሄስሮንን ካርሚን።

¹⁰ደቂ ስምኦን ከኣ የሙኤልን ያሚንን ኦሃድን ያኪንን ጾሓርንሻኡል ወዲ እታ ኸነኣናዊትን።

¹¹ደቂ ሌዌ ኸኣ ገርሶንን ቀሓትን መራሪን።

¹²ደቂ ይሁዳ ድማ ዔርን ኦናንን ሼላን ፈሬስን ዜራሕን። ዔርን ኦናንን ሴላን ፋሬስን ዜራሕን። ዔርን ኦራንን ግና ኣብ ምድሪ ኸነኣን ሞቱ። ደቂ ፋሬስ ድማ ሔጽሮንን ሓሙልን እዮም።

¹³ደቂ ይሳኮር ከኣ፡ ቶላዕን ፋዋህን ዮብን ሽምሮንን።

¹⁴ደቂ ዛብሎን ድማ ሰሬድን ኤሎንን ያሕኤልን።

¹⁵እዚኣቶም ንያእቆብ ኣብ ጳዳንኣራም ዝወለደትሉ ደቂ ልያ እዮም። ዲና ድማ ጓሉ። ኣወዳቱን ኣዋልዱን ኩሎም ሰላሳን ሰለስተን ነፍሲ።

¹⁶ደቂ ጋድ፡ ጺፍዮንን ሓጊን ሹኒን ኤጾቦንን ዔሪን ኦሮዲን ኣርኤሊን።

¹⁷ደቂ ኣሴር ከኣ፡ ዮምናን ዮሽዋን በሪዓን ሴራሕ ሓብቶምን። ደቂ በሪዓ ኸኣ፡ ሔበርን ማልኪኤልን።

¹⁸እዚኣቶም ደቂ ዚልጳ እታ ላባን ንጓሉ ልያ ዝሀባ እዮም። እዞም ዓሰርተው ሹድሽተ ነፍሲ ንያእቆብ ወለደትሉ።

¹⁹ደቂ ራሄል ሰበይቲ ያእቆብ ድማ ዮሴፍን ብንያምን።

²⁰ንዮሴፍ ከኣ ኣብ ሀግር ግብጺ እተውለደትሉ ኣሰናት ጋል ጳጥፌራ ካህን ኦን ዝወለደትሉ፡ ምናሴን ኤፍሬምን እዮም። ደቂ ብንያም ድማ ቤላዕን ቤከርን ኣሼቤልን ጌራን ናዓማንን ኤሒንሮሽን ሙጲምን ሑጲምን ኣርድን።

²¹እዚኣቶም ንያእቆብ እተወልዱሉ ደቂ ራሄል፡ ኩሎም ዓሰርተው ኣርባዕተ ነፍሲ እዮም።

²²እዚኣቶም ንያእቆብ እተወልዱሉ ደቂ ራሄል፡ ኩሎም ዓሰርተው ኣርባዕተ ነፍሲ እዮም።

²³ደቂ ዳን ድማ ሑሼም።

²⁴ደቂ ንፍታሌም ከኣ የሕጽኤልን ጉኒን የጸርን ሲሌምን።

²⁵እዚኣቶም ደቂ ቢልሃ፡ እታ ላባን ንራሄል ጋሉ ዝሀባ እዮም። እዚኣቶም ኩሎም ሾብዓተ ነፍሲ ንያእቆብ ወለደትሉ።

²⁶እቶም ምስ ያእቆብ ናብ ግብጺ ዝኣተው ነፍሳት፡ ካብ ሕቑኡ ዝወጹ ብጀካ እንስቲ ደቂ ያእቆብ፡ ኩሎም ስሳን ሹድሹተን ነፍሲ ነበሩ።

²⁷ኣብ ግብጺ እተወልዱሉ ደቂ ዮሴፍ ከኣ ክልተ ንነፍሲ ነበሩ። ናብ ግብጺ ዝኣተው ኹሎም ነፍሳት ቤት ያእቆብ ሰብዓ ነበሩ።

²⁸ንሱ ቀቅድሚኦም ና ጎሴን ምእንቲ ኺመርሕ ድማ፡ ንይሁዳ ቀቅድሚኡ ናብ ዮሴፍ ሰደዶ። ናብ ምድሪ ጎሴን ከኣ ኣተው።

²⁹ዮሴፍ ድማ ሰረገላኡ ኣጽዒኑ ነቦኡ እስራኤል ኪረክብ ናብ ጌሸን ደየበ። ምስ ተራእዮ ኸኣ ኣብ ክሳዱ ወዲቑ ኣብ ክሳዱ ነዊሕ ግዜ በኸየ።

³⁰እስራኤል ድማ ንዮሴፍ ገና ብህይወት ከም ዘሎኻ ገጽካ ኻብ ርኤኹ ሕጅስ እሙት በሎ።

³¹ዮሴፍ ከኣ ነሕዋቱን ንቤት ኣቡኡን በሎም፡ ናብፈርኡን ደይበ ኽነግሮ እየ፡ ኣብ ምድሪ ኸነኣን ዝነብሩ ኣሕዋተይን ቤት ኣቦይን ናብይ መጺኦም ኣለው።

³²እዞም ሰባት እዚኣቶም ሰብ ማል እዮም ኣሞ ጓሶት ኣባጊዕ እዮም። ኣባጊዖምን ኣሓኦምን ኩሉ ዘለዎም ድማ ኣምጺኦም ኣለው።

³³ኪኸውን ድማ እዩ ፈራኦን ጸዊዑ ተግባርኩም እንታይ እዩ፡ ምስ ዚብለኩም።

³⁴ጓሳ ዘበለ ግብጻውያን ጽዩፍ እዩ እሞ ኣብ ምድሪ ጌሼን ምእንቲ ኽትቅመጡስ ገላውኻ ንሕናን ኣቦታትናን ድማ ካብ ንእስነትናን ኽሳዕ ሕጂ ሰብ ማል ኢና፡ በሉ።