Read መ/ቅዱስ ትግርኛ, Tigrigna Bible, 1997 ኦሪት ዘፍጥረት 5 Bible Online

ኦሪት ዘፍጥረት 5 - መ/ቅዱስ ትግርኛ, Tigrigna Bible, 1997 bible

ኦሪት ዘፍጥረት 5

¹መጽሓፍ ወለዶ ኣዳም እዚ ኢዩ፡ ኣምላኽ በታ ንሰብ ዝፈጠረላ መዓልቲ ብምስሊ ኣምላኽ ገበሮ።

²ተባዕታይን ኣንስታይን ገይሩ ፈጠሮም ባረኾም ድማ። በታ እተፈጥሩላ መዓልቲ ክኣ ስሞም ኣዳም ኢሉ ኣውጽኣሎም።

³ኣዳም ድማ ሚእትን ሰላሳን ዓመት ገብረ፡ ከም መልክዑ ኽኣ ንእኡ ዝመስል ወዲ ወለደ፡ ስሙውን ሴት ኣውጽኣሉ።

⁴ዕድመ ኣዳም ድሕርቲ ንሴት ምስ ወለደ፡ ሾሞንተ ሚእቲ ዓመት ኮነ። ኣወዳትን ኣዋልድን ከኣ ወለደ።

⁵ኣዳም ዝነበሮ ኹሉ ዕድሜኡ ትሽዓተ ሚእትን ሰላሳን ዓመት ኮነ። ሞተ ኽኣ።

⁶ሴት ድማ ሚእትን ሓሙሽተን ዓመት ገበረ፡ ንሄኖክ ከኣ ወለደ።

⁷ሴት ንሄኖስ ምስ ወለደ ድማ፡ ድሕሪኡ ሾሞንተ ሚእትን ሾብዓተን ዓመት ገብረ፡ ኣወዳትን ኣዋልድን ድማ ወለደ።

⁸ኩሉ ዕድመ ሴት፡ ትሸዓተ ሚእትን ዓሰርተው ክልተን ዓመት ኮነ። ሞተ ኽኣ።

⁹ሄኖስ ድማ ተስዓ ዓመት ገብረ፡ ንቃይናን ክኣ ወለደ።

¹⁰ሄኖስ ድማ ድሕርቲ ንቃይናን ምስ ወለደ፡ ሾሞንተ ሚእትን ዓሰርተው ሓሙሽተን ዓመት ገብረ፡ ኣወዳትን ኣዋልድን ከኣ ወለደ።

¹¹ኩሉ ዕድመ ሄኖስ ትሸዓተ ሚእትን ሓሙሽተን ዓመት ኮነ። ሞተ ድማ ።

¹²ቃይናን ከኣ ሰብዓ ዓመት ገብረ፡ ነመሃላልኤል ድማ ወለደ።

¹³ቃይናን ነመሃላልኤል ምስ ወለደ ኽኣ፡ ድሕርኡ ሾሞንተ ሚእትን ኣርብዓን ዓመት ገብረ፡ ኣወዳትን ኣዋልድን ድማ ወለደ።

¹⁴ኩሉ ዕድመ ቃይናን ከኣ ትሽዓተ ሚእትን ዓሰርተን ዓመት ኮነ። ሞተ ድማ።

¹⁵መሃላልኤል ከኣ ስሳን ሓሙሽተን ዓመት ገብረ፡ ንያሬድ ድማ ወለደ።

¹⁶መሃላልኤል ንያሬድ ምስ ወለደ ኽኣ፡ ድሕሪኡ ሾሞንተ ሚእትን ሰላሳን ዓመት ገብረ፡ ኣወዳትን ኣዋልድን ድማ ወለደ።

¹⁷ኩሉ ዕድመ መሃላልኤል ከኣ ሾሞንተ ሚእትን ተስዓን ሓሙሽተን ዓመት ኮነ። ሞተ ድማ።

¹⁸ያሬድ ክኣ ሚእትን ስሳን ክልተን ዓመት ገብረ፡ ንሄኖክ ድማ ወለደ።

¹⁹ያሬድ ንሄኖክ ምስ ወለደ ኽኣ፡ ድሕሪኡ ሾሞንተ ሚእቲ ዓመት ገብረ፡ ኣወዳትን ኣዋልድን ድማ ወለደ።

²⁰ኩሉ ዕድመ ያሬድ ከኣ ትሽዓተ ሚእትን ስሳን ክልተን ዓመት ኮነ። ሞተ ኽኣ።

²¹ሄኖክ ድማ ስሳን ሓሙሽተን ዓመት ገብረ ንማቱሳላ ኽኣ ወለደ።

²²ሄኖክ ማቱሳላ ምስ ወለደ ኽኣ፡ ድሕሪኡ ሰለስተ ሚእቲ ዓመት ምስ ኣምላኽ ተማላለሰ፡ ኣወዳትን ኣዋልድን ከኣ ወለደ።

²³ኩሉ ዕድመ ሄኖክ ድማ ሰለስተ ሚእትን ስሳን ሓሙሽተን ዓመት ኮነ።

²⁴ሄኖክ ከኣ ምስ ኣምላኽ ተማላለሰ፡ ኣምላኽ ወሲድዎ ኢዩ እሞ ኣይተራእየን።

²⁵ማቱሳላ ስማ ሚእትን ሰማንያን ሾብዓተን ዓመት ገብረ፡ ንላሜክ ከኣ ወለደ።

²⁶ማቱስላ ንላሜክ ምስ ወለደ ኽኣ፡ ድሕሪኡ ሾብዓተ ሚእትን ሰማንያን ክልተን ዓመት ገብረ፡ ኣወዳትን ኣዋልደን ከኣ ወለደ።

²⁷ኩሉ ዕድመ ማቱስላ ኽኣ ትሽዓተ ሚእትን ስሳን ትሽዓተን ዓመት ኮነ። ሞተ ድማ።

²⁸ላሜክ ከኣ ሚእትን ሰማንያን ክልተን ዓመት ገብረ፡ ወዲ ድማ ወለደ።

²⁹ኣብዚ እግዚኣብሄር ዝረገማ ምድሪ ኻብ ዘሎ ዕዮናን ካብ ጻዕሪ ኢድናን እዚ ኼጸናንዓና ኢዩ፡ ኢሉ ስሙ ኖህ ኣውጽኣሉ።

³⁰ላሜክ ንኖህ ምስ ወለደ ኽኣ ድሕሪኡ ሓሙሽተ ሚእትን ተስዓን ሓሙሽተን ኦኣመት ገብረ፡ ኣወዳትን ኣዋልድን ድማ ወለደ።

³¹ኩሉ ዕድመ ላሜክ ከኣ ሾብዓተ ሚእትን ሰብዓን ሾብዓተን ዓመት ኮነ። ሞተ ድማ።

³²ኖህ ክኣ ወዲ ሓሙሽተ ሚእቲ ዓመት ኮነ፡ ኖህ ድማ ንሴምን ንካምን ንያፌትን ወለደ።