Read መ/ቅዱስ ትግርኛ, Tigrigna Bible, 1997 ኦሪት ዘፍጥረት 7 Bible Online

ኦሪት ዘፍጥረት 7 - መ/ቅዱስ ትግርኛ, Tigrigna Bible, 1997 bible

ኦሪት ዘፍጥረት 7

¹እግዚኣብሄር ድማ ንኖህ በሎ፡ ኣብዛ ወለዶ እዚኣ ኣብ ቅድመይ ጽዲቕካ ረኺበካ ኢየ እሞ ምስ ብዘላ ቤትካ ናብ መርከብ እቶ።

²ድሕሪ ሾብዓተ መዓልቲ ኣነ ኣብ ምድሪ ኣርብዓ መዓልትን ኣርብዓ ለይትን ከዝንም እየ፡ ነቲ ዝገበርክዎ ኹሉ ህያው ድማ ካብ ዝባን ምድሪኢ ኽድምስሶ እየ እሞ፡ ካብ ኩሉ ንጹህ እንስሳ ሸሾብዓተ ተባዕታይን ኣንስታይትን፡ ካብ ኩሉ ዘይንጹሕ እንስሳ ኽኣ ከክልተ፡ ተባዕታይን ኣንስታይትን፡ ካብ ኣዕዋፍ ሰማይ ድማ ምእንቲ ኣብ ልዕሊ ኹላ ምድሪ ዘርኢ ኪኾና ብህይወት ኪተርፉ፡ ሸሾብዓተ፡ ተባዕታይን ኣንስተይትን ምሳኻ ውሰድ።

³ድሕሪ ሾብዓተ መዓልቲ ኣነ ኣብ ምድሪ ኣርብዓ መዓልትን ኣርብዓ ለይትን ከዝንም እየ፡ ነቲ ዝገበርክዎ ኹሉ ህያው ድማ ካብ ዝባን ምድሪኢ ኽድምስሶ እየ እሞ፡ ካብ ኩሉ ንጹህ እንስሳ ሸሾብዓተ ተባዕታይን ኣንስታይትን፡ ካብ ኩሉ ዘይንጹሕ እንስሳ ኽኣ ከክልተ፡ ተባዕታይን ኣንስታይትን፡ ካብ ኣዕዋፍ ሰማይ ድማ ምእንቲ ኣብ ልዕሊ ኹላ ምድሪ ዘርኢ ኪኾና ብህይወት ኪተርፉ፡ ሸሾብዓተ፡ ተባዕታይን ኣንስተይትን ምሳኻ ውሰድ።

⁴ድሕሪ ሾብዓተ መዓልቲ ኣነ ኣብ ምድሪ ኣርብዓ መዓልትን ኣርብዓ ለይትን ከዝንም እየ፡ ነቲ ዝገበርክዎ ኹሉ ህያው ድማ ካብ ዝባን ምድሪኢ ኽድምስሶ እየ እሞ፡ ካብ ኩሉ ንጹህ እንስሳ ሸሾብዓተ ተባዕታይን ኣንስታይትን፡ ካብ ኩሉ ዘይንጹሕ እንስሳ ኽኣ ከክልተ፡ ተባዕታይን ኣንስታይትን፡ ካብ ኣዕዋፍ ሰማይ ድማ ምእንቲ ኣብ ልዕሊ ኹላ ምድሪ ዘርኢ ኪኾና ብህይወት ኪተርፉ፡ ሸሾብዓተ፡ ተባዕታይን ኣንስተይትን ምሳኻ ውሰድ።

⁵ኖህ ድማ ከምቲ እግዚኣብሄር ዝኣዘዞ ኹሉ ገበረ።

⁶ኖህ ድማ፡ እቲ ማይ ኣይሂ ኣብ ምድሪ ኪኸውን ከሎ፡ ወዲ ሽዱሽተ ሚእቲ ዓመት ኮይኑ ነበረ።

⁷ኖህን ደቁን ሰበይቱን ኣንስቲ ደቁን ክኣ ምስኡ ብዛዕባ ማይ ኣይሂ ናብ መርከብ ኣተው።

⁸ካብ ንጹህ እንስሳን ካብ ዘይንጽህ እንስሳን ካብ ኣዕዋፍን ኣብ ምድሪ ለመም ካብ ዚብል ኩሉን፡

⁹ከምቲ ኣምላኽ ንኖህ ዝኣዘዞ፡ ከክልተ፡ ተባዕታይን ኣንስተይትን ናብ ኖህ ናብ መርከብ ኣተው።

¹⁰ኮነ ኽኣ ድሕሪ እተን ሾብዓተ መዓልቲ ማይ ኣይሂ ኣብ ምድሪ ኾነ።

¹¹ኣብ መበል ሽዱሽተ ሚእቲ ዓመቱ ንዕድመ ኖህ፡ ኣብታ ኻልኣይቲ ወርሒ፡ ካብታ ወርሒ ድማ ኣብ መበል ዓሰርተው ሾብዓተ መዓልቲ፡ በታ መዓልቲ እቲኣ ናይቲ ዓበይቲ መዓሙቑ ዓይኒ ማይያት ተቐደ፡ መሳኹቲ ሰማይ ድማ ተኸፍተ።

¹²ኣርብዓ መዓልትን ኣርብዓ ለይትን ከኣ ኣብ ምድሪ ዘነመ።

¹³በታ መዓልቲ እቲኣ ድማ ኖህን ደቂ ኖህ ከኣ፡ ሴምን ካምን ያፌትን፡ ስበይቲ ኖህን ሰለስቲኤን ኣንስቲ ደቁ ድማ ምስኦም ናብ መርከብ ኣተው።

¹⁴ንሳቶምን ኩሉ ኣራዊት በብዓይነቱን ኩሉ እንስሳ በብዓይነቱን ኩለን ኣዕዋፍ በብዓይነተን ኩሉ ጨራሩን፡ ክንፊ ዘለዎ ኹሉ ድማ ናብ መርከብ ኣተው።

¹⁵ህያው ትንፋስ ካብ ዘለዎ ኹሉ ስጋ ከክልተ ናብ ኖህ ናብ መርከብ ኣተው።

¹⁶እቶም ዝኣተው ድማ ኸምቲ ኣምላኽ ዝኣዛዞ፡ ካብ ኩሉ ስጋ ተባዕታይን ኣንስታይን ኣተው። እግዚኣብሄር ከኣ ብድሕሪኡ ዐጸዎ።

¹⁷ማይ ኣይሂ ድማ ኣርብዓ መዓልቲ ኣብ ምድሪ ዘነመ። እቲ ማይ ከኣ በዝሔ፡ ነታ መርከብ ድማ ኣልዐላ ካብ ምድሪ ኽኣ ንላዕሊ ኽብ በለት።

¹⁸እቲ ማይ ድማ በርትዔ፡ ኣብ ምድሪ ኽኣ ኣዝዩ በዝሔ። ኣት መርከብ ድማ ኣብ ልዕሊ ማይ ተጽባህልል ነበረት።

¹⁹እቲ ማይ ኣብ ልዕሊ ምድሪ ኣዝዩ እናበርዔ ኸደ፡ ኣብ ትሕቲ ብዘሎ ሰማይ ዝነበረ ኹሉ ነዋሕቲ ኣኽራን ከኣ ተጎልበበ።

²⁰እቲ ማይ ዓሰርተው ሓሙሽተ እመት ንላሊ ደየበ፡ እቲ ኣኽራን ከኣ ተጎልበበ።

²¹ሽዑ ኣብ ምድሪ ዘወሳወስ ስጋ ዘበለ ኹሉ ኣዕዋፍን እንስሳን ኣራዊትን ኣብ ምድሪ ለመም ዝብል ኩሉ ለመምታን ኩሉ ሰብን ሞተ።

²²ኣብ ንቑጽ ምድሪ ዝነበረ ኹሉ፡ ኣብ ኣፍንጫኡ ትንፋስ ህያው መንፈስ ዝነበሮ ሞተ።

²³ኣብ ልዕሊ ምድሪ ዝነበረ ኹሉ ህያው ጠፍኤ ካብ ሰብ ክሳዕ እንስስን ለመምታን ኣዕዋፍ ሰማይን ካብ ምድሪ ጠፍኡ፡ ኖህ ጥራይ ምስቶም ምስኡ ኣብ መርከብ ዝነበሩ ተረፈ።

²⁴እቲ ማይ ክሳዕ ሚእትን ሓምሳን መዓልቲ ኣብ ምድሪ በርትዔ።