Read መ/ቅዱስ ትግርኛ, Tigrigna Bible, 1997 ኦሪት ዘፍጥረት 9 Bible Online

ኦሪት ዘፍጥረት 9 - መ/ቅዱስ ትግርኛ, Tigrigna Bible, 1997 bible

ኦሪት ዘፍጥረት 9

¹ኣምላኽ ክኣ ንኖህን ንደቁን ባረኾም፡ በሎም ድማ ፍረዮን ተባዝሑን ንምድሪ ኽኣ ምልእዋ።

²ኩሉ ኣራዊት ምድርን ኣዕዋፍ ሰማይን ብኣኻትኩም ይፍራህን ይሰምብድን ፡ ምስቲ ኣብ ምድሪ ለመም ዚብል ኩሉን ዓሳታት ባሕሪ ኹሉን ኣብ ኢድኩም ተወህበ።

³ዝዋሳወስ ዘበለ ኹሉ ሃያው መብልዕኩም ይኹን፡ እዚ ኹሉ ኸምቲ ልሙዕ ብቑሊ ሂበኩም ኣለኹ።

⁴ስጋ ምስ ነፍሱ፡ እቲ ደሙ፡ ኣይትብልዕዎ።

⁵እቲ ነፍስኹም ዘልዎ ደምኩምሲ ኣነ ኽደልዮ እየ። ካብ ኢድ ኩሉ ኣራዊት ክደልዮ እየ። ነፍሲ ሰብ ድማ ካብ ኢድ ሰብ፡ ካብ ኢድ ሓው፡ ክደልያ እየ።

⁶ኣምላኽ ንሰብ ብመልክዑ ገይርዎ ኢዩ እሞ እቲ ደም ዜፍስስ፡ ደሙ ብሰብ ኪፈስስ እዩ።

⁷ንሳትኩም ከ ፍረዩን ተባዝሑን፡ ኣብ ምድሪ ሰስኑ፡ ኣብኣ ድማ ተባዝሑ።

⁸ኣምላኽ ከኣ ንኖህ፡ ንደቁ ድማ ምስኡ ኸምዚ ኢሉ ተዛረቦም።

⁹እንሆ ኣነ ኽኣ ምሳኻትኩም ብድሕሬኹም ድማ ምድ ዘርእኹምን፡ ምስቲ ምሳኻትኩም ዘሎ ኹሉ ህያው ፍጡር፡ ኣዕዋፍ፡ እንስሳ ምሳኻትኩም ዘሎ ኹሉ ኣራዊት ምድሪ ድማ፡ ምስቲ ኻብ መርከብ ዝወጸ ኹሉን ምስ ኹሉ ኣራዊት ምድርን ኪዳነይ ኣቕውም ኣሎኹ።

¹⁰እንሆ ኣነ ኽኣ ምሳኻትኩም ብድሕሬኹም ድማ ምድ ዘርእኹምን፡ ምስቲ ምሳኻትኩም ዘሎ ኹሉ ህያው ፍጡር፡ ኣዕዋፍ፡ እንስሳ ምሳኻትኩም ዘሎ ኹሉ ኣራዊት ምድሪ ድማ፡ ምስቲ ኻብ መርከብ ዝወጸ ኹሉን ምስ ኹሉ ኣራዊት ምድርን ኪዳነይ ኣቕውም ኣሎኹ።

¹¹ኪዳነይ ከኣ ምሳኻትኩም ኣቐውም ኣሎኹ፡ ድሕሪ ደጊም ስጋ ዘበለ ኹሉ ብማይ ኣይሂ ኣይጠፍእን፡ ንምድሪ ዝጥፍእ ማይ ኣይሂ ድማ መሊሱ ኣይኸውንን።

¹²ኣምላኽ ከኣ በለ፡ ነቲ ኣብ መንጎይን ኣብ መንጎኹምን ኣብ መንጎ እቲ ምሳኻትኩም ዘሎ ኹሉ ህያው ነፍስን ንዘለኣለም ዝገብሮ ኺዳን፡ ምልክቱ እዚ ኢዩ።

¹³ቀስተይ ኣብ ደበና ኤንብር ኣሎኹ፡ ንሱ ድማ ነቲ ኣብ መንጎይን ኣብ መንጎ ምድርን ዘሎ ኺዳን ምልክት ኪኸውን እዩ።

¹⁴ይኸውን ከኣ፡ ደበና ኣብል ልዕሊ ምድሪ ምስ ዘደባኑ ፡ ኣብቲ ደበና ድማ ቀስቲ ኺርኤ ኢዩ፡

¹⁵ነቲ ኣብ መንጎይን ኣብ መንጎኹምን ኣብ መንጎ እቲ ኣብ ኩሉ ስጋ ዘሎ ኹሉ ህያው ነፍስን ዘሎ ኺዳነይ እዝክር። ደጊምሲ እቲ ንኹሉ ስጋ ዘጥፍእ ማይ ኣይሂ ኣይኪኸውንን እዩ።

¹⁶እቲ ቐስቲ ድማ ኣብ ደበና ኪኸውን ኢዩ። ኣነ ኽኣ ነቲ ኣብ መንጎ ኣምላኽን ኣብ መንጎ እቲ ኣብ ምድሪ ዘሎ ኣብ ኩሉ ስጋ ዘሎ ኹሉ ህያው ነፍስን ዘሎ ኺዳን ዘለኣለም ምእንቲ ክዝክር ክርእዮ እየ።

¹⁷ኣምላኽ ድማ ንኖህ፡ ነቲ ኣብ መንጎይን ኣብ መንጎ እቲ ኣብ ልዕሊ ምድሪ ኹሉ ስጋ ዘቖምክዎ ኺድን ምልክቱ እዚ እዩ፡ በሎ።

¹⁸እቶም ካብ መርከብ ዝወጹ ድቂ ኖህ ሴምን ካምን ያፌትን እዮም። ካም ከኣ ኣቦ ኸንኣን እዩ።

¹⁹እዚኣቶም ስለስቲኦም ደቂ ኖህ እዮም። ካብዚኣቶም ከኣኣ ሰብ ኣብ ኩላ ምድሪ ተዘርዉ።

²⁰ኖህ ድማ ሓረስታይ ምድሪ ኪኸውን ጀመረ፡ ወይኒ ኸኣ ተኸለ።

²¹ካብ ወይኒ ሰትዩ ድማ ሰኸረ፡ ኣብ ማእከል ድንኳኑ ኽኣ ጥራዩ ኾነ።

²²ካብ ኣቦ ኸንኣን ከኣ ሕፍረት ኣቡኡ ርእዩ፡ ናብ ግዳም ወጺኡ ንኽልቲኣኦም ኣሕዋቱ ነገሮም።

²³ሴምን ያፌትን ድማ ክዳን ወሲዶም ኣብ መንኩቦም ገይሮም እናኣድሓርሓሩ፡ ሕፍረት ኣቦኦም ከደኑ። ገጾም ንድሕሪት ገይሮም፡ ንሕፍረት ኣቦኦም ኣይረኣዩን።

²⁴ኖህ ከኣ ካብ ስኽራኑ ናብ ልቡ ተመልሰ፡ እቲ ንእሽቶ ወዱ ዝገብሮ ድማ ፈለጠ።

²⁵በለ ኽኣ ከንኣን ርጉም፡ ነሕዋቱ ባርያ ባሮት ይኹን።

²⁶በለ ድማ እግዚኣብሄር፡ ኣምላኽ ሴም ይባረኽ። ከነኣን ድማ ባርያኡ ይኹን።

²⁷ኣምላክ ያፌት የስፍሕ። ኣብ ድንኳውንቲ ሴም ከኣ ይንበር። ከንኣን ድማ ባርይኡ ይኹን።

²⁸ኖህ ከኣ ድሕሪ ማይ ኣይሂ ስለስተ ሚእትን ሓምሳን ዓመት ነበረ።

²⁹ኩሉ ዕድመ ኖህ ትሽዓተ ሚእትን ሓምሳን ዓመት ኮነ። ሞተ ድማ።