Read መ/ቅዱስ ትግርኛ, Tigrigna Bible, 1997 2ይ መጽሓፍ ሳሙኤል 17 Bible Online

2ይ መጽሓፍ ሳሙኤል 17 - መ/ቅዱስ ትግርኛ, Tigrigna Bible, 1997 bible

2ይ መጽሓፍ ሳሙኤል 17

¹ኣሒቶፌል ድማ ንኣቤሰሎም በሎ፡ በጃኻ፡ ዓሰርተው ክልተ ሽሕ ሰብኣይ ሐርየስ ተንሲኤ ሎሚ ለይቲ ደድሕሪ ዳዊት ክግስግስ።

²ሽዑ ደኺሙን ኣእዳዉ ዘርጋሕጋሕ ኢለን ከለዋን፡ ሓደጋ ወዲቐ ኸሰምብዶ። እቲ ምስኡ ዘሎ ህዝቢውን ይሀድም፡ ንንጉስ በይኑ ኸኣ እቐትሎ፡

³ንዂሉ ህዝቢ ድማ ናባኻ እመልሶ፡ እቲ ንስኻ እትደልዮ ዘሎኻ ሰብኣይሲ ዂሎም ከም እተመልሱ እዩ፡ ሽዑ ንዂሉ ህዝቢ ሰላም ይኸውን።

⁴እዚ ዘረባ እዚ ንኣቤሰሎምን ንዂሎም ዓበይቲ እስራኤልን ባህ ኣበሎም።

⁵ኣቤሰሎም ግና፡ እስኪ ንሑሻይ ብዓል ኣርኪ ኸኣ ጸውዕዎ፡ ንሱ ዚብሎ ድማ ክንሰምዕ፡ በለ።

⁶ሑሻይ ናብ ኣቤሰሎም ምስ መጸ ኸኣ፡ ኣቤሰሎም፡ ኣሒቶፌል ከምዚ ዝበለ ነገር ተዛሪቡ ኣሎ፡ ነቲ ዘረባኡስ ንግበሮዶ፡ እንተ ዘይኰነስ ንስኻ ተዛረብ፡ በሎ።

⁷ሑሻይ ከኣ ንኣቤሰሎም፡ ኣሒቶፌል በዚ ጊዜ እዚ ዝመኸሮ ምኽሪ ጽቡቕ ኣይኰነን፡ በሎ።

⁸ሑሻይ ድማ መሊሱ በሎ፡ ኣቦኻ እቶም ሰቡን ከኣ ጀጋኑን ኣብ መሮር ኰራኲራ ኸም ዘግደፍዋ ዝብኢ መረርቲ ነፍስን ከም ዚዀኑ፡ ንስኻ ትፈልጥ ኢኻ። ኣቦኻ ድማ ተዋጋኢ ሰብኣይ እዩ፡ ምስ ህዝቢ ከኣ ኣይሐድርን።

⁹እንሆ፡ ሕጂ እኳ ኣብ ሓደ ጒድጓድ ወይ ኣብ ሓደ ቦታ ተሐቢኡ ኣሎ። ኪኸውን ድማ እዩ፡ ብመጀመርታ ኻባታቶም ገለ እንተ ወደቑ፡ እቲ ዝሰምዔ ዘበለ፡ እቲ ደድሕሪ ኣቤሰሎም ዝሰዐበ ህዝቢ ተሳዒሩ እዩ፡ ኺብል እዩ።

¹⁰ኣቦኻ ጅግና ከም ዚዀነ፡ እቶም ምስኡ ዘለዉ ኸኣ ሓያላት ምዃኖም ብዘሎ እስራኤል ይፈልጥ እዩ እሞ፡ ሽዑ እቲ ኸም ልቢ ኣንበሳ ዝልቡ ጅግና እኳ ፈጺሙ ኺመክኽ እዩ።

¹¹ስለዚ ኸም ሑጻ ባሕሪ ምእንቲ ኺበዝሕ፡ ብዘሎ እስራኤል ካብ ዳን ክሳዕ ብኤርሸባዕ ናባኻ ኪኸትት፡ ባዕልኻውን ናብቲ ውግእ ክትከይድ፡ እመክር አሎኹ።

¹²ሽዑ ኣውሊ ኣብ ልዕሊ ምድሪ ኸም ዚወድቕ፡ ኣብ ሓንቲ ዚርከበላ ቦታ ንውደቆ። ካብኡን ካብቶም ምስኡ ዘለዉ ሰባትን ከኣ ሓደ እኳ ኣኣይነትርፍን።

¹³ናብ ሓንቲ ኸተማ እንተ አተወ ድማ፡ ሽዑ ብዘሎ እስራኤል ነታ ኸተማ እቲኣ በጋድ ይኸባ፡ ንእሽቶ እምኒ እኳ ኽሳዕ ዘይርከባ ድማ፡ ናብ ርባ ኽንስሕባ ኢና።

¹⁴ሽዑ ኣቤሰሎም ብዘለዉ ሰብ እስራኤልን፡ ካብ ምኽሪ ኣሒቶፌልሲ ምኽሪ ሑሻይ ብዓል ኣርኪ ይበልጽ፡ በሉ። እግዚኣብሄር ንኣቤሰሎም ክፉእ ምእንቲ ኼምጽኣሉስ፡ እግዚኣብሄር ነቲ ጽብሪቕ ምኽሪ ኣሒቶፌል ኪዝርዝር ኣዚዙ ነበረ።

¹⁵ሽዑ ሑሻይ ነቶም ካህናት፡ ንጻዶቅን ንኣብያታርን፡ ኣሒቶፌል ንኣቤሰሎምን ነቶም ዓበይቲ እስራኤልን ከምዝን ከምን ኢሉ መኸሮም፡ ኣነ ኸኣ ከምዝን ከምዝን ኢለ መኸርኩ።

¹⁶እምበኣር ሕጂ፡ ንጉስን እቲ ምስኡ ዘሎ ዂሉ ህዝብን ምእንቲ ኸይወሐጡስ፡ ብዝዀነ ተሳገር እምበር፡ በዛ ለይቲ እዚኣ ኣብቲ መሳገሪታት በረኻ ኣይትሕደር፡ ኢሎም ንዳዊት ኪነግርዎ፡ ቀልጢፍኩም ልአኹሉ፡ በሎም።

¹⁷ዮናታንን ኣሒማዓጽን ድማ ኣብ ዔንሮጌል ደው ኢሎም ነበሩ፡ ናብ ከተማ አትዮም ኪረአዩ ኣይከአሉን እሞ፡ ሓንቲ ገረድ ከይዳ ነገረቶም፡ ንሳቶም ድማ ናብ ንጉስ ዳዊት ከይዶም ነገርዎ።

¹⁸ግናኸ ሓደ መንእሰይ ረአዮም እሞ፡ ንኣቤሰሎም ነገሮ። ሽዑ ኽልቲኦም ቀልጢፎም ከዱ፡ ኣብ ባሑሪም ኣብ ቤት ሓደ ሰብኣይ አተዉ፡ ኣብ ደምቤኡ ድማ ዔላ ነበረቶ፡ ናብኣ ከኣ ወረዱ።

¹⁹እታ ሰበይቱ ድማ፡ ሰብ ምእንቲ ከይርእዮምሲ፡ ማእሲ ወሲዳ ኣብ እታ ኦኢአላ ዘርግሔት፡ ኣብ ልዕሊኡ ኸኣ ጒዱእ ስገም ሰጥሔት እሞ፡ ገለ ነገር ኣይተፈልጠን።

²⁰ገላዉ ኣቤሰሎም ናብታ ቤት ናብታ ሰበይቲ መጺኦም ከኣ፡ ኣሒማዕጽዮንን ዮናታንን ኣበይ አለዉ∶: በልዋ። እታ ሰበይቲ ድማ፡ ርባ ማይ ተሳጊሮም፡ በለቶም። ንሳቶም ከኣ ደለይዎም፡ ምስ ሰአንዎም ድማ ናብ የሩሳሌም ተመልሱ።

²¹ኰነ ኸኣ፡ ንሳቶም ምስ ከዱ፡ እቲኣቶም ድማ ካብቲ ዔላ ወጺኦም ንንጉስ ዳዊት ነገርዎ። ንዳዊት ድማ፡ ኣሒቶፌል ከምዝን ከምዝን ኢሉ መኺሩልኩም እዩ እሞ፡ ተንሲእኩም ቀልጢፍኩም ነቲ ማይ ተሳገሩ፡ በልዎ።

²²ሽዑ ዳዊትን እቲ ምስኡ ዝነበረ ዂሉ ህዝብን ተንሲኦም ዮርዳኖስ ተሳገሩ። ክሳዕ ብርሃን ወጋሕታ ድማ፡ ዮርዳኖስ ዘይተሳገረ ሓደ እኳ ኣይተረፈን።

²³ኣሒቶፌል ከኣ እቲ ምኽሩ ኸም ዘይተገብረ ምስ ረአየ፡ ኣድጉ ጽዒኑ፡ ተንሲኡ ንኸተማኡ ናብ ቤቱ ከደ። ቤቱ ኣስተናቢሩ ድማ ተሐኒቑ ሞተ። ኣብ መቓብር ኣቦኡ ኸኣ ተቐብረ።

²⁴ዳዊት ድማ ናብ ማሓናይም መጸ። ኣቤሰሎም ከኣ፡ ንሱን ኲሎም ሰብ እስራኤልን ምስኡ ዮርዳኖስ ተሳገሩ።

²⁵ኣቤሰሎም ከኣ ኣብ ክንዲ ዮኣብ ወዲ ዪትራ ዝስሙ እስራኤላዊ ሰብኣይ ነበረ። ንሱ ኸኣ ንኣቢጋል ጓል ናሓሽ፡ ሓብቲ ጹርያ ኣደ ዮኣብ፡ አትይዋ ነበረ።

²⁶እስራኤልን ኣቤሰሎምን ድማ ኣብ ምድሪ ጊልዓድ ሰፈሩ።

²⁷ኰነ ኸኣ፡ ዳዊት ናብ ማሓናይም ምስ አተወ፡ ሾቢ ወዲ ናሓሽ ካብ ራባ ናይ ደቂ ዓሞን፡ ማኪር ወዲ ዓሚኤል ድማ ካብ ሎድባር፡ ባርዚላይ ጊልዓዳዊ ኸኣ ካብ ሮግሊም፡

²⁸ንሳቶም፡ እቲ ህዝቢ ኣብ በረኻ ጠምዩን ደኺሙን ጸሚኡን እዩ ዘሎ፡ ኢሎም ነበሩ ኣሞ፡ ዓራውትን ፅሔሎታትን ኣቕሓ መሬትን ስርናይን ስገምን ሓርጭን ጥቡስ ሰዊትን ባልደንጋን ብርስንን ቈሎ ዓተርን መዓርን ርግኦን ኣባጊዕን ኣጅቦ ኣሓን ንዳዊትን ነቲ ምስኡ ዝነበረ ህዝብን ዚብላዕ ኣምጽኡሎም።

²⁹ንሳቶም፡ እቲ ህዝቢ ኣብ በረኻ ጠምዩን ደኺሙን ጸሚኡን እዩ ዘሎ፡ ኢሎም ነበሩ ኣሞ፡ ዓራውትን ፅሔሎታትን ኣቕሓ መሬትን ስርናይን ስገምን ሓርጭን ጥቡስ ሰዊትን ባልደንጋን ብርስንን ቈሎ ዓተርን መዓርን ርግኦን ኣባጊዕን ኣጅቦ ኣሓን ንዳዊትን ነቲ ምስኡ ዝነበረ ህዝብን ዚብላዕ ኣምጽኡሎም።