Read መ/ቅዱስ ትግርኛ, Tigrigna Bible, 1997 2ይ መጽሓፍ ሳሙኤል 9 Bible Online

2ይ መጽሓፍ ሳሙኤል 9 - መ/ቅዱስ ትግርኛ, Tigrigna Bible, 1997 bible

2ይ መጽሓፍ ሳሙኤል 9

¹ዳዊት ድማ፡ ካብ ቤት ሳኦልሲ ምእንቲ ዮናታን ኢለ ምሕረት ዝገብረሉ ገለ ሓድጊ ደዀን ይህሉ∶: በለ።

²ጺባ ዝስሙ ሰብኣይ ከኣ ኣገልጋሊ ቤት ሳኦል ነበረ፡ ንእኡ ናብ ዳዊት ጸውዕዎ። ንጉስ ድማ፡ ንስኻ ዲኻ ጺባ∶: በሎ። ንሱ ኸኣ፡ ጊልያኻ ንሱ እዩ፡ በለ።

³ንጉስ ድማ፡ ምሕረት ኣምላኽ ክገብረሉስ፡ ካብ ቤት ሳኦልዶ ገለ የልቦን∶: በለ። ጺባ ኸኣ ንንጉስ፡ ኣእጋሩ እተጐድኤ እባ ሓደ ወዲ ዮናታን ኣሎ∶: በሎ።

⁴ንጉስ ድማ፡ ኣበይ ኣሎ ንሱ∶: በሎ። ጺባ ኸኣ ንንጉስ፡ እኝሆ፡ ንሱ ኣብ ቤት ማኪር ወዲ ዓሚኤል፡ ኣብ ሎድባር ኣሎ፡ በሎ።

⁵ሽዑ ንጉስ ዳዊት ልኢኹ ኻብ ቤት ማኪር ወዲ ዓሚኤል፡ ካብ ሎድባር ኣምጽኦ።

⁶መፊቦሸት ወዲ ዮናታን፡ ወዲ ሳኦል፡ ናብ ዳዊት መጺኡ፡ ብገጹ ተደፊኡ ግፍም በለ። ዳዊት ድማ፡ መፊቦሸት፡ በሎ። ንሱ ኸኣ፡ እኔኹ ጊልያኻ፡ በለ።

⁷ዳዊት ድማ፡ ምእንቲ ኣቦኻ ዮናታን ኢለ ርግጽ ምሕረት ክገብረልካ እየ እሞ፡ ኣይትፍራህ፡ ግራሁ ኣቦኻ ሳኦልውን ክመልሰልካ እየ፡ ንስኻ ኸኣ ንሓዋሩ ኣብ መኣደይ እንጌታ ኽትበልዕ ኢኻ፡ በሎ።

⁸ንሱ ድማ ፍግም ኢሉ፡ ናብ ከማይ ዝበለ ምዉት ከልቢ ገጽካ ኽትመልስሲ፡ ጊልያኻ እንታይ እዩ∶: በለ።

⁹ሽዑ ንጉስ ንጺባ ጊልያ ሳኦል ጸዊዑ፡ ናይ ሳኦልን ናይ ብዘላ ቤቱን ዝዀነ ዂሉ ንወዲ ጐይታኻ ሂበዮ ኣሎኹ።

¹⁰ንስኻን ደቅኻን ግዙኣትካን ድማ፡ ንወዲ ጐይታኻ ምእንቲ ዚብላዕ እንጌራ ክዀኖስ፡ እቲ መሬት ሐሪስኩም፡ ንእኡ ኣእተወሉ። መፊቦሸት ወዲ ጐይታኻ ግና ንወርትግ ኣብ መኣደይ እኝጌራ ኺበልዕ እዩ፡ በሎ። ንጺባ ኸኣ ዕሰርተው ሓሙሽተ ኣወዳትን ዕስራ ግዙኣትን ነበርዎ።

¹¹ጺባ ድማ ንንጉስ፡ ከምቲ ጐይታይ ንጉስ ንጊልያኡ ዝአዘዞ ዂሉ ጊልያኻ ኸምኡ ኺገብር እዩ፡ በለ።

¹²መፊቦሸት ከኣ፡ ሚካ ዝስሙ ንእሽቶ ወዲ ነበሮ። ኣብ ቤት ጺባ ዝነበሩ ዂሎም ድማ ገላዉ መፊቦሸት ኰኑ።

¹³መፊቦሸት ከኣ፡ ወርትግ ኣብ መኣዲ ንጉስ ይበልዕ ነበረ እሞ፡ ኣብ የሩሳሌም ይቕመጥ ነበረ፡ ንስሪ ኸኣ ክልቲኡ እግሩ ሓንካስ ነበረ።