Read መ/ቅዱስ ትግርኛ, Tigrigna Bible, 1997 መጽሓፍ ኣስቴር 5 Bible Online

መጽሓፍ ኣስቴር 5 - መ/ቅዱስ ትግርኛ, Tigrigna Bible, 1997 bible

መጽሓፍ ኣስቴር 5

¹ኮነ ድማ፡ ብሳልሰይቲ መዓልቲ ኣስቴር ልብሰ መንግስቲ ተኸድነት፡ ናብቲ ኣብ መንጽር ቤት ንጉስ ዘሎ ውሽጣዊ መካበብያ ቤት ንጉስ ደው በለት። እቲ ንጉስ ከአ ኣብ መንጽር ደገ ቤቱ፡ ኣብ ዝፋን መንግስቱ ኣብ ቤተ መንግስቲ ኾፍ ኢሉ ነበረ።

²ኮነ ኸአ፡ እቲ ንጉስ ንግስቲ ኣስቴር ኣብቲ መካበብያ ደው ኢላ ምስ ረአያ፡ ኣብ ቅድሚ ዓይኑ ሞጎስ ረኸበት፡ እቲ ኣብ ኢዱ ዝነበረ ዛንጊ ወርቂ ድማ ዘርግሓላ። ኣስቴር ከአ ቅርብ ኢላ፡ ርእሲ ዘንጉ ተነከየት።

³ሽዑ ንጉስ፡ ንግስቲ ኣስቴር ፡ እንታይ ዃንኪ ኢኺ፡ እንታይሲ ትደልዩ፡ ክሳዕ ፍርቂ መንግስተይ እኳ እንተ ኾይኑ ኺወሀበኪ እዩ፡ በላ።

⁴ኣስቴር ከአ፡ ንጉስ እንተ ደአ ፈትዩስ፡ ናብቲ ኣዳልየዮ ዘለኹ ምሳሕ ፡ ንጉስ ምስ ሃማን ኾይኑ ሎሚ ይምጻእ በለት።

⁵እቲ ንጉስ ድማ፡ ኣስቴር ዝበለቶ ምእንቲ ኺግበርሲ፡ ንሃማን ቀልጢፍኩም ጸውዕዎ፡ በለ። ንጉስን ሃማንን ድማ ናብቲ ኣስቴር ዘዳለወቶኦ ምሳሕ መጹ።

⁶ነቲ ወይኒ ኺሰትዮ ኸለው፡ ንጉስ ንኣስቴር ልማኖኺ እንታይ እዩ፡ ኪወሀበኪ እዩ፡ እንታይ እዩ ድላይኪ፡ ክሳዕ ፍርቂ መንግስቲ እንተ ኾነ እኳ፡ ይኹነልኪ እዩ፡ በላ።

⁷ኣስቴር ከአ፡ ኣብ ኣዒንቲ ንጉስ ሞጎስ እንተ ደአ ረኺበ፡ ንጉስ ከአ ልማኖይ ኪህበንን ድላየይ ኪገብርን ኣንተ ደአ ፈትዩስ፡ ናብቲ ዝገበረሎም ምሳሕ፡ ንጉስ ምስ ሃምን ይምጻእ፡ ጽባሕ ድማ ከምቲ ንጉስ ዝበሎ ኽገብር እየ፡ ልማኖይን ድላየይን እዚ እዩ፡ ኢላ መለሰት።

⁸ኣስቴር ከአ፡ ኣብ ኣዒንቲ ንጉስ ሞጎስ እንተ ደአ ረኺበ፡ ንጉስ ከአ ልማኖይ ኪህበንን ድላየይ ኪገብርን ኣንተ ደአ ፈትዩስ፡ ናብቲ ዝገበረሎም ምሳሕ፡ ንጉስ ምስ ሃምን ይምጻእ፡ ጽባሕ ድማ ከምቲ ንጉስ ዝበሎ ኽገብር እየ፡ ልማኖይን ድላየይን እዚ እዩ፡ ኢላ መለሰት።

⁹በታ መዓልቲ እቲኣ ድማ ሃማን ባህ ኢልዎ፡ ልቡ ኸአ ተሓጉሱ ወጸ። ግናኸ ሃማን ንማርዶካይ ኣብ ደገ ንጉስ ሓፍ ከየበለ ኻብኡውን ከይተነቓነቐ ኾፍ ኢሉ ምስ ረአዮ፡ ባ ልዕሊ ማርዶካይ ቁጥዓ መልኦ።

¹⁰ሃማን ግና ንርእሱ ዝግ ኣበለ። ናብ ቤቱ ምስ አተወ ኸአ፡ ልኢኹ ንገተውቱን ንዘረሽ ሰበይቱን ኣምጽኦም።

¹¹ሃማን ከአ ዕቤት ሃብቱን ብዝሒ ደቁን፡ ንጉስ ብኹሉ ኸመይ ገይሩ ኸም ዘዕበዮን ኣብ ልዕሊ ሓላቑን ገላው ንጉስን ክብ ከም ዘበሎን ነገሮም።

¹²ሃማን ድማ ወሲኹ በለ፡ ንግስቲ ኣስቴር ከአ ናብቲ ዝገበረቶ ምሳሕ ምስ ንጉስ ብጀካይ ኣይጸውዔትን። ንጽባሕ ድማ ምስ ንጉስ ተጸውዔ አሎኹ።

¹³እዚ ኹሉ ግና፡ ማርዶካይ እቲ ኣይሁዳዊ ኣብ ደገ ንጉስ ኮፍ ኢሉ ኽሳዕ ዝርእዮስ ባህ ኣይበለንን እዩ፡ በለ።

¹⁴ሽዑ ዘረሽ ሰበይቱን እቶም ፈተውቱ ኹላቶምን ኮይኖም፡ ሓምሳ እመት ዝምንዋሑ ጉንዲ ኣዳሉ፡ ማርዶካይ ኣብኡ ኺስቀልሲ ፡ ጽባሕ ንግሆ ንንጉስ ንገሮ። ድሕርቲ ምስ ንጉስ ናብቲ ምሳሕ ደስ ኢሉካ ትኸይድ፡ በለቶ። እዚ ነገር ንሃማን ባህ ኣበሎ እሞ፡ ጉንዲ ኸም ዜዳልው ገበረ።