Read መ/ቅዱስ ትግርኛ, Tigrigna Bible, 1997 ኦሪት ዘጸአት 13 Bible Online

ኦሪት ዘጸአት 13 - መ/ቅዱስ ትግርኛ, Tigrigna Bible, 1997 bible

ኦሪት ዘጸአት 13

¹እግዚኣብሄር ድማ ንሙሴ፡ ኣብ ደቂ እስራኤል ማሕጸን ዚኸፍት ኩሉ ሰቡን እንስሳኡን፡ ንሱ ናተይ እዩ እሞ ኩሉ በኹሪ ናኣይ ቀድሶ ኢሉ ተዛረቦ።

²እግዚኣብሄር ድማ ንሙሴ፡ ኣብ ደቂ እስራኤል ማሕጸን ዚኸፍት ኩሉ ሰቡን እንስሳኡን፡ ንሱ ናተይ እዩ እሞ ኩሉ በኹሪ ናኣይ ቀድሶ ኢሉ ተዛረቦ።

³ሙሴ ድማ ንህዝቢ በለ፡ እዝጋኢባሄር ብሃያል ኢድ ካብኣ ኣውጺእኩም እዩ እሞ፡ ነዛ ኻብ ግብጺ ኻብ ባርነት ዘውጻእኩምላ መዓልቲ እዚኣ ዘክርዋ፡ ብኹዕ ከኣ ኣይበላዕ።

⁴ንስኻትኩም ብወርሒ ኣቢብ ሎሚ ትወጺ ኢኹም።

⁵ኪኸውን ድማ እዩ፡ እግዚኣብሄር ናብ ምድሪ ኸነኣናውያንን ሔታውያንን ኣሞራውያንን ሃዋውያንን ይቡሳውያንን፡ ናብታ ጸባን መዓርን እተውሕዝ፡ ንኣኻ ኺህበካ ኢሉ ነቦታትካ ዝመሓለሎም ምድሪ ምስ ኣኣተወካ፡ ሽዑ ነዚ ኣገልግሎት እዚ ኣብዛ ወርሒ እዚኣ ሓልዎ።

⁶ሾብዓተ መዓልቲ ቅጫ ኽትበልዕ ኢኻ፡ በታ ሳብዐይቲ መዓልቲ ድማ በዓል እግዚኣብሄር ኪኸውን እዩ።

⁷በተን ሾብዓተ መዓልቲ ቅጫ ይበላዕ ኣባኻ ብኹዕ ኣይርኤ።

⁸በታ መዓልቲ እቲኣ ንወድኻ ኸምዚ ኢልካ ትነግሮ፡ ዚ ብዛዕባቲ ካብ ግብጺ ምስ ወጻእኩ እግዚኣቤር ዝገበረለይ እዩ።

⁹እግዚኣብሄር ብሓያል ኢድ ካብ ግብጺ ኣውጺኡካ እዩ እሞ፡ ሕጊ እግዚኣብሄር ምእንቲ ኣብ ኣፍካ ኪኸውን ኣብ ኢድካ ንምልክት ኣብ መንጎ ኣዒንትኻ ድማ ንመዘከሪ ይኹንካ።

¹⁰ነዚ ሕጊ እዚ በቲ ምዱብ ጊዚኡ ዓመት ንዓመት ሓልዎ።

¹¹ይኹን ድማ፡ እግዚኣብሄር ናብታ ነኣኻን ነቦታትካን ዝመሓለልካ ምስሪ ኸነኣናውያን ምስ ኣእትወካ፡ ንኣኻ ምስ ሀበካ፡

¹²ማሕጸን ዝኸፈተ ኹሉ ንእግዚኣብሄር ክትፈሊ ኢኻ። ካብ ዘሎካ ማልካ ቅድም እተወልደ ኹሉ ተባዕታይ ንእግዚኣብሄር እዩ።

¹³ኩሉ በኹሪ ኣድጊ ድማ ብበጊዕ ተበጀዎ፡ እንተ ዘይተበጆኻዮ ኸኣ፡ ክሳዱ ሰበሮ። ካብ ደቅኻ ድማ በኹሪ ንዘበለ ኹሉ ሰብ ተበጀዎ።

¹⁴ኪኸውን ድማ እዩ ንዳሕራይ ወድኻ እዚ እንታይ እዩ፡ ኢሉ ምስ ሓተትካ፡ ንስኻ፡ ንእግዚኣብሄር ካብ ግብጺ፡ ካብ ቤት ባርነት ብሓያል ኢድ ኣውጽኣና።

¹⁵ኮነ ኸኣ፡ ፈርኦን ከይሓድገና ምስ ተረረ፡ እግዚኣብሄር ኣብ ሃገር ግብጺ ኹሉ በኹሪ፡ ካብ በኹሪ ሰብ ክሳዕ በኹሪ እንስሳ፡ ቀቲሉ እዩ እሞ፡ ስለዚ ማሕጸን ዝኸፈተ ኹሉ ተባዕታይ ንእግዚኣብሄር እስውኦ፡ ካብ ደቀይ ድማ በኹሪ ንዝኾነ ኹሉ እብጅዎ፡ ትብሎ።

¹⁶እግዚኣብሄር ካብ ግብጺ ብሓያል ኢድ ኣውጽኡና እዩ እሞ፡ እዚ ድማ ኣብ ኢድካ ኸም መፈለጥታ፡ ኣብ መንጎ ኣዒንትኻ ኸኣ ከም ክታብ ይኹንካ።

¹⁷ኮነ ድማ፡ ፈርኦን ነቶም ህዝቢ ምስ ሕደጎም፡ ኣምላኽ፡ እቶም ህዝቢ ውግእ ምስ ዚርእዩ፡ ተጣዒሶም ናብ ግብጺ ኸይምለሱ ኢሉ ነበረ እሞ፡ እታ መገዲ ምድሪ ፍልስጥኤማውያን፡ ንሳ ቐረባ ኽነሳ፡ ኣምላኽ ብእኣ ኣይመርሖምን።

¹⁸ኣምላኽ ግና ነቲ ህዝቢ ብመገዲ በረኻ ኣቢሉ ንባሕሪ ኤርትራ ኣዞሮ። ደቂ እስራኤል ድማ ካብ ምድሪ ኤርትራ ኣዞሮ። ደቂ እስራኤል ድማ ካብ ምድሪ ግብጺ ተሰሊፎም ወጹ።

¹⁹ዮሴፍ ንደቂ እስራኤል፡ ኣምላኽ ብርግጽ ኺበጽሓኩም እዩ፡ ሽዑ ነዕጽምተይ ካብዚ ምሳኻትኩም ኣደይብዎ፡ ኢሉ ማሕላ ኣምሒልዎም ነበረ እሞ፡ ሙሴ ድማ ንዓጽሚ ዮሴፍ ምስኡ ወሰዶ።

²⁰ካብ ሱኮ ነቖሎም ኣብ ኤታም ኣብ ወሰን በረኻ ሰፈሩ።

²¹ለይትን መዓልትን ምእንቲ ኺጎዐዙ፡ እግዚኣብሄር ድማ ብመዓልቲ መገዲ ኺመርሖም ብዓንዲ ደበና፡ ብለይቲ ኸኣኣ ኼብርሃሎም ብዓንዲ ሓዊ ቐቕድሚኦም ይኸይድ ነበረ።

²²እቲ ዓንዲ ደበና ብመዓልቲ እቲ ዓንዲ ሓዊ ኸኣ ብለይቲ ኻብ ቅድሚ እቶም ህዝቢ ኣይተፈልየን።