Read መ/ቅዱስ ትግርኛ, Tigrigna Bible, 1997 ኦሪት ዘጸአት 14 Bible Online

ኦሪት ዘጸአት 14 - መ/ቅዱስ ትግርኛ, Tigrigna Bible, 1997 bible

ኦሪት ዘጸአት 14

¹እግዚኣብሄር ድማ ንሙሴ ኸምዚ ኢሉ ተዛረበ።

²ንደቂ እስራኤል፡ ተመሊሶም ኣብ መንጎ ሚግዶልን ባሕርን ኣብ መንጽር ጲሃሒሮት ኪሰፍሩ፡ ንገሮም። ኣብ መንጽር በዓልጸፎን፡ ኣብ ጥቓ ባሕሪ ሰፈሩ።

³ፈርኦን ድማ ብዛዕባ ደቂ እስራኤል፡ በረኻ ውጢጥዎም ኣብ ምድሪ ቀባሕባሕ ይብሉ ኣለው፡ ኪብል እዩ።

⁴ኣነ ድማ ንሊቢ ፈርኦን ከትርሮ ኣየ፡ ንሱ ኸኣኣ ደድሕሪኦም ስዒቡ ኺሰጎም እዩ። ፈርኦን በብኹሉ ሰራዊቱ ከኽብር እየ፡ ግብጻውያን ድማ ኣነ እግዚኣብሄር ከም ዝኾንኩ ኽፈልጡ እዮም። ከምኡ ኸኣ ገበሩ።

⁵ድማ ንንጉስ ግብጺ እቲ ህዝቢ ኸም ዝሀደመ ነገርዎ። ልቢ ፈርኦንን ገላውኡን ከኣ ብዛዕባ እቲ ህዝቢ ተለወጡ፡ ከይግዝኡናስ ንእስራኤል ብምሕዳግና እንታይ እዩ ዝገበርናዮ፡ ድማ በሉ።

⁶እሞ ሰረገላኡ ኣዳላወ፡ ህዝቡውን ምስኡ ወሰደ፡

⁷ሹድሹተ ሚእቲ ሕሩያት ሰረገላታትን ኩለን ሰረገላታትን ግብጽን ኣብ ኩለን ከኣ ተዋጋእቲ ወሰደ።

⁸እግዚኣብሄር ንልቢ ፈርኦን ንጉስ ግብጺ ኣትረሮ እሞ፡ ንሱ ደድሕሪ እቶም ብልዕልቲ ኢድ ዚወጹ ዝነበሩ ደቂ እስራኣኤል ገስገሰ።

⁹ግብጻውያን ድማ፡ ኩሎም ኣፋስ ፈርኦንን ሰረገላኣትቱን ፈረሰኛታቱን ኩሎም ሰራዊቱን ደድሕሪኦም ገስጊሶም ኣብ ጥቓ ባሕሪ ኣብ ጲሃሒሮት ኣብ መንጽር በዓል ጸፎን ሰፊሮም ከለው ኣርከብዎም።

¹⁰ፈርኦን ምስ ደቂ እስራኤል ኣዒንቶም ኣልዐሉ፡ እንሆ ኸኣ ግብጻውያን ደድሕሪኦም ገስጊሶም፡ ደቂ እስራኤል ድማ ኣዝዮም ፈርሁ፡ ናብ እግዚኣብሄር ከኣ ተማህለሉ።

¹¹ንሙሴ ድማ፡ ናብዚ በረኻ ኽንመውት ዝወሰድካናስ፡ ኣብ ግብጺዶ መቓብር ኣይነበረን፡ ካብ ግብጺ ዘውጻእካናስ፡ ንምንታይ እዚ ገብርካና።

¹²እቲ ኣብ ግብጺ ዝበልናካኸ እዚ ነግርዚዶ ኣይኮነን፡ ኣብ በረኻ ኻብ እንመውት ንግብጻውያን ከነገልግል ይሔሸና እሞ፡ ንግብጻውያን ንገዝኣዮም ሕደገናዶ ኣይበልናን፡ በልዎ።

¹³ሽዑ ሙሴ ነቶም ህዝቢ፡ ኣይትፍርሁ ሎሚ ዝገብረልኩም ርአዩ። እዞም ሎሚ እትርእይዎም ግብጻውያን ደጊም መሊስኩም ንዘለኣለም ኣይትርእይዎምን።

¹⁴እዝጋኢብሄር ኪዋግኣልኩም እዩ እሞ፡ ህድኡ በለኦም።

¹⁵እግዚኣብሄር ድማ ንሙሴ በሎ፡ ስለምንታይ ናባይ ኣትምህለል፡ ንደቂ እስራኤል ኪጉዐዙ ንገሮም።

¹⁶ንስኻ ድማ በትርኻ ኣልዒልካ፡ ኢድካ ናብ ልዕሊ ባሕሪ ዘርግሕ እሞ ምቐሎ፡ ደቂ እስራኤል ከኣ ናብ ማእከል ባሕሪ ናብቲ ንቑጽ ይእተው።

¹⁷ኣነ ድማ እንሆ፡ ልቢ ግብጻውያን ከትርር እየ። ንሳቶም ከኣ ደድሕሪኦም ኪኣትው እዮም እየ፡ ብፈራኦንን ብኹሎም ሰራዊቱን ብሰረገላታቱን ብፈረሰኛታቱን ከኽብር እየ።

¹⁸ብፈራኦንን ብሰረገላታቱን ብፈረሰኛታቱን ምስ ከበርኩ ድማ፡ ግብጻውያን ኣነ እግዚኣብሄር ከም ዝኾንኩ ኺፈልጡ እዮም።

¹⁹እቲ ብቕድሚት ሰፈር እስራኤል ዚኸይድ ዝነበረ መልኣኽ ኣምላኽ ድማ ተላዒሉ ንድሕሪኦም ከደ። እቲ ዓንዲ ደበና ኸኣ ካብ ቅድሚኦም ተላዒሉ ኣብ ድሕሪኦም ደው በለ።

²⁰ናብ መንጎ ሰፈር ግብጽን ሰፈር እስራኤልን ኣተወ። ኣብኡ ኸኣ ደበናን ጸልማትን ነበረ፡ ነታ ለይቲ ኸኣ ኣብርሃ። ለይቲ ብምልእታ እቲ ሓደ ናብቲ ሓደ ኣይቀረበን።

²¹ሙሴ ድማ ኢዱ ናብ ልዕሊ ባሕሪ ዘርግሔ። እግዚኣብሄር ከኣ ነቲ ባሕሪ ለይቲ ብምልእታ ብብርቱዕ ንፋስ ምብራቕ ኣልጊሱ፡ ነቲ ባሕሪ ኣንቀጾ። እቲ ማያት ከኣ ተመቕለ።

²²ደቂ እስራኣኤል ድማ በቲ ንቑጽ ናብ ማኽከል ባሕሪ ኣተወ። እቲ ማይ ከኣ ብየማነ ጸጋሞም ከም መንደቕ ደው በለ።

²³ግብጻውያን ድማ ኹሎም ኣፍራሽ ፈራኦንን ሰረገላታቱን ፈረሰኛታቱን ደድሕሪኦም ገስጊሶም፡ ናብ ማእከል ባሕሪ ምስ ኮነ፡ እግዚኣብሄር ካብቲ ዓንዲ ሓውን ካብ ደበናን ናብ ሰራዊት ግብጻውያን ጠመተ፡ ንሰራዊት ግብጻውያን ኣሸበሮም።

²⁴ነቲ ሰረገላታቶም ከኣ መንኩራኹሩ ኣምለቑ፡ ብጭንቂ ተጓዕዙ። ግብጻውያን ከኣ፡ እግዚኣብሄር ኣብ ክንዳኦም ምስ ግብጻውያን ይዋጋእ ኣሎ እሞ፡ ካብ ቅድሚ እስራኤል ንህደም በሉ።

²⁵ነቲ ሰረገላታቶም ከኣ መንኩራኹሩ ኣምለቑ፡ ብጭንቂ ተጓዕዙ። ግብጻውያን ከኣ፡ እግዚኣብሄር ኣብ ክንዳኦም ምስ ግብጻውያን ይዋጋእ ኣሎ እሞ፡ ካብ ቅድሚ እስራኤል ንህደም በሉ።

²⁶እግዚኣብሄር ድማ ንሙሴ፡ ኢድካ ናብ ልዕሊ ባሕሪ ዘርግሕ እሞ፡ እቲ ማያት ናብ ልዕሊ ግብጻውያን፡ ናብ ልዕሊ ሰረገላታቶምን ፈረሰኛታቶምን ይምለስ በሎ።

²⁷ሙሴ ኸኣኣ ኢዱ ናብ ልዕሊ ባሕሪ ዘርግሔ፡ እቲ ባሕሪ ድማ ብጊዜ ጽባሕ በርቲዑ ናብ ምውሓዙ ተመልሰ፡ ግብጻውያን ከኣ ኪሀድሙ ኸለው ተጓነፍዎ። እግዚኣብሄር ድማ ንግብጻውያን ናብቲ ማእከል ባሕሪ ደርበዮም።

²⁸እቲ ማያት ከኣ ተመልሰ፡ ነቶም ደድሕሪኦም ናብ ባሕሪ ዝኣተው፡ ንሰረገላታትን ንፈረሰኛታትን ንኹሉ ሰራዊት ፈርኦንን ድማ ደፈኖም። ካባታቶም ሓደ እኳ ኣይተረፈን።

²⁹ደቂ እስራኤል ግና ኣብ ማእከል ባሕሪ ብንቑጽ ከዱ፡ እቲ ማያት ከኣ ብየማነ ጸጋሞም ከም መንደቕ ኮነሎም።

³⁰ከምኡ እግዚኣብሄር በታ መዓልቲ እቲኣ ንእስራኤል ካብ ኢድ ግብጻውያን ኣብ ገምገም ባሕሪ ረአየ።

³¹እስራኤል እታ እግዚኣብሄር ኣብ ግብጻውያን ዝገብራ ዓባይ ኢድ ረአየ እሞ፡ እቶም ህዝቢ ንእግዚኣብሄር ፈርሁ። ብእግዚኣብሄር ብባርይኡ ሙሴን ድማ ኣመኑ።