Read መ/ቅዱስ ትግርኛ, Tigrigna Bible, 1997 ኦሪት ዘጸአት 19 Bible Online

ኦሪት ዘጸአት 19 - መ/ቅዱስ ትግርኛ, Tigrigna Bible, 1997 bible

ኦሪት ዘጸአት 19

¹ደቂ እስራኤል ካብ ምድሪ ግብጺ ኻብ ዚወጹ ኣብ ሳልሰይቲ ወርሒ፡ በታ መዓልቲ እቲኣ ናብ በረኻ ሲና መጹ።

²ካብ ረፊዲም ተላዒሎም ናብ በረኻ ሲና መጹ፡ ኣብቲ በረኻ ድማ ሰፈሩ። እስራኤል ከኣ ኣብኡ ኣብ መንጽር እቲ ኸረን ሰፈሩ።

³ሙሴ ድማ ናብ ኣምላኽ ደየበ። እግዚኣብሄር ከኣ ካብቲ ኸረን ጸዊዑ በሎ፡ ንቤት ያእቆብ ከምዚ በሎም፡ ንደቂ እስራኤል ከኣ ነገሮም፡

⁴ኣቲ ኣብ ግብጻውያን ዝገበርክዎን፡ በኽናፍ ንስሪ ጾይረ ናባይ ከም ዘምጻእኩኹም ድማ ባዕላትኩም ርኢኹም ኢኹም።

⁵ሕጂ ድማ ቃለይ ኣጸቢቕኩም እንተ ሰማዕኩም፡ ኪዳነይውን እንተ ሓሎኹም፡ ኩላ ምድሪ ናተይ እያ ኣሞ፡ ሓላፉ ኹሎም ህዝብታት ገንዘብይ ክትኮነኒ ኢኹም።

⁶ንስኻትኩም ድማ መንግስቲ ኻህናትን ቅዱስ ህዝብን ክትኮነኒ ኢኹም። እቲ ንደቂ እስራኤል እትዛረቦም ነገር እዚ እዩ።

⁷ሙሴ ድማ መጺኡ ንዓበይቲ ህዝቢ ጸዊዔ፡ እቲ እግዚኣብሄር ዝኣዘዞ ኹሉ ቓላት ነገሮም።

⁸ኩሎም ህዝቢ ኸኣ ብሓደ ኾይኖም እግዚኣብሄር ዝበሎ ኹሉ ንገብር፡ ኢሎም መለሱ። ሙሴ ድማ ቃል እቲ ህዝቢ ናብ እግዚኣብሄር መለሰ።

⁹እግዚኣብሄር ከኣ ንሙሴ፡ ክዛረበካ ኸሎኹ፡ እቶም ህዝቢ ምእንቲ ኺሰምዑ፡ ንሓዋሩ ድማ ኪኣኣምኑኻስ፡ እንሆ ኣነ ብጸሊም ደበና ኽመጸካ እየ በሎ። ሙሴ ኸኣ ዘረባ እቶም ህዝቢ ንእግዚኣብሄር ነገሮ።

¹⁰እግዚኣብሄር ድማ ንሙሴ በሎ፡ እግዚኣብሄር በታ ሳልሰይቲ መዓልቲ ኣብ ቅድሚ ኹሉ ህዝቢ ናብ ከረን ሲና ኽወርድ እዩ እሞ፡ ናብቶም ህዝቢ ኺድ፡ ሎምን ጽባሕን ቀድሶም፡ ክዳውብቶም ከኣ ይሕጸቡ። ነታ ሳልሰይቲ መዓልቲ ይዳለው።

¹¹እግዚኣብሄር ድማ ንሙሴ በሎ፡ እግዚኣብሄር በታ ሳልሰይቲ መዓልቲ ኣብ ቅድሚ ኹሉ ህዝቢ ናብ ከረን ሲና ኽወርድ እዩ እሞ፡ ናብቶም ህዝቢ ኺድ፡ ሎምን ጽባሕን ቀድሶም፡ ክዳውብቶም ከኣ ይሕጸቡ። ነታ ሳልሰይቲ መዓልቲ ይዳለው።

¹²ነቶም ህዝቢ ድማ ብዙርያኡ ዶብ ግበረሎም። በሎም ከኣ፡ ናብ ከረን ከይትድይቡ፡ ወይ ነቲ ዶብ ከይትትንክዩ ተጠንቀቑ። ነቲ ኸረን ዝተንከዮ ዘበለ ሞት ይሙት።

¹³ገለ ኢድ ኣይተንክዮ፡ እንስሳ እንተ ኾነ ወይ ሰብ፡ ብዳርባ እምኒ ሓደው ብመንትግ ደኣ ይሙት እምበር፡ ብህይወት ኣይንበር። መለኸት ኣንዊሑ ምስ ዚንፋሕ፡ ሽዑ ናብ ከረን ይደይቡ።

¹⁴ሙሴ ድማ ካብቲ ኸረን ናብቲ ህዝቢ ወረደ፡ ነቲ ህዝቢ ኸኣ ቀደሶ፡ ንሳቶምውን ክዳውንቶም ሓጸቡ።

¹⁵ነቶም ህዝቢ ድማ፡ ነታ ሰልሰይቲ መዓልቲ ተዳለው፡ ናብ ሰበይቲ ኸኣ ኣይትቕረቡ በሎም።

¹⁶ኮነ ኸኣ፡ በታ ሳልሰይቲ መዓልቲ ኺወግሕ ከሎ ነጉድን በርቅን ከቢድ ደበናን ናብ ልዕሊ እቲ ኸረን ኮነ፡ ኣዝዩ ብርቱዕ ደሃይ መለኸትውን ተሰምዔ። እቲ ኣብ ሰፍር ዝነበረ ኹሉ ህዝቢ ድማ ተምበድበደ።

¹⁷ሙሴ ኸኣ ነቲ ህዝቢ ምስ ኣምላኽ ኪራኸብ ካብ ሰፈር ኣውጽኦ። ኣብ እግሪ ኸረን ድማ ደው በሉ።

¹⁸እግዚኣብሄር ብሓዊ ናብኡ ስለ ዝወረደ፡ ኩሉ ኸረን ሲና ይተክኽ ነበረ። ትኪ ኸኣ ከም ትኪ እቶን ካብኡ ዐረገ። ኩሉ እቲ ኸረን ከም ትኪ እቶም ካብኡ ዐረገ። ኩሉ እቲ ኸረን ኣዝዩ ኣንቀጥቀጠ።

¹⁹እቲ ደሃይ መለኸት ከኣ ኣዝዩ እናበርትዔ ኸደ። ሙሴ ተዛረበ፡ እግዚኣብሄር ድማ ብቓሉ መለሰሉ።

²⁰እግዚኣብሄር ከኣ ናብ ልዕሊ ኸረን ሲና ናብ ርእሲ እቲ ኸረን ወረደ። እግዚኣብሄር ንሙሴ ናብ ርእሲ እቲ ኸረን ጸውዖ። ሙሴ ኸኣ ደየበ።

²¹እግዚኣብሄር ድማ ንሙሴ፡ ውረድ ኣሞ እቶም ህዝቢ ንእግዚኣብሄር ኪርእዩ ኸይቀረቡ፡ ብዙሓት ከኣ ኸይጠፍኡስ፡ ኣጠንቅቆም።

²²እቶም ናብ እግዚኣብሄር ዚቐርቡ ኻህናት ድማ እግዚኣብሄር ከየጥፋኦም ርእሶም ይቀድሱ በሎ።

²³ሙሴ ኸኣኣ ንእግዚኣብሄር በሎ ንስኻ፡ ናብ ዙርያ ኣቲ ኸረን ዶብ ግበር፡ ቀድሶ ድማ፡ ኢልካ ኣጠንቂቕካና ኢኻ እሞ፡ ኣቶም ህዝቢ ናብ ከረን ሲና ኺድይቡ ኣይኽእሉን።

²⁴እግዚኣብሄር ከኣ፡ ኪድ ውረድ እሞ፡ ንስኻ ኣሮን ድማ ምእንቲ ኸየጥፍኦም፡ ናብ እግዚኣብሄር ኪድይቡ ኢሎም ኣይጥሐሱ፡ በሎ።

²⁵ሙሴ ድማ ናብቶም ህዝቢ ወሪዱ ነገሮም።