Read መ/ቅዱስ ትግርኛ, Tigrigna Bible, 1997 ኦሪት ዘጸአት 21 Bible Online

ኦሪት ዘጸአት 21 - መ/ቅዱስ ትግርኛ, Tigrigna Bible, 1997 bible

ኦሪት ዘጸአት 21

¹እቲ ኣብ ቅድሚኦም እተንብሮ ፍርድታት እዚ እዩ።

²እብራዊ ባርያ እንተ ተሻየጥካ፡ ሹድሹተ ዓመት ይገዛእካ፡ ኣብታ ሳብዐይቲ ግና ብኸምኡ ሓራ ይውጻእ።

³በይኑ እንተ ኾይኑ ዝመጾ፡ በይኑ ይውጻእ። በዓል ሰበይቲ እንተ ኾይንይ እታ ሰበይቱ ኸኣ ምስኡ ትውጻእ።

⁴ጐይታኡ ሰበይቲ እንተ ሀቦ እሞ ኣወዳትን ኣዋልድን እንተ ወለደትሉ፡ እታ ሰበይትን ደቃን ንጐይታኣ ይኹኑ፡ ንሱ በይኑ ይውጻእ።

⁵እቲ ብርያ ግና፡ ጐይታይን ሰበይተይን ደቀይን እፈቱ ኣሎኹ፡ ሓራ ኣይውጽእን፡ እንተ በለ፡

⁶ሽዑ እቲ ጐይታኡ ናብ ቅድሚ ኣምላኽ የቕርቦ እሞ፡ ኣብ ማዕዶ ወይ ኣብ ልዳት ኣቕሪቡ፡ እቲ ጎይትኡ እዝኑ ብመስፈ የንኩሎ፡ ንሓዋሩ ኸኣ ይግዝኣዮ።

⁷ሰብ፡ ጓሉ ንባርነት እንተ ሸጠ፡ ንሳ ኸምቶም ሓራ ዚወጹ ባሮት ኣይትውጻእ።

⁸ነቲ ዘእተዋ ጐይታኣ ባህ እንተ ዘይበለቶ፡ ሓራ የውጽኣያ። እንድሕሪ ጠለማ ኸኣ፡ ናብ ጓና ህዝቢ ኺሸጣ ኣይግብኦን።

⁹ንወዱ እንተ ኣመርዓዋ ድማ እቲ ነዋልድ ዚግባእ ይግበረላ።

¹⁰ካልእ ሰበይቲ እንተ ኣምጽኣሉ ድማ፡ ቀለበት ክዳናን ከም ሰበይቱ ዚግባእ ኣይጉድለላ።

¹¹እዚ ሰለስተ ነገርዚ እንተ ዘይገበረላ ግና፡ ብኸምኡ ብዘይ ገንዘብ ሓራ ትውጻእ።

¹²እቲ ንሰብ ወቒዑ ዝቐተለ ሞት ይሙት።

¹³ኣምላኽ ደኣ ኣብ ኢዱ ዘውደቖ እምበር፡ ዘይተጻናተዎ እንተ ኾይኑ፡ ንሱ ዚሐድመሉ ቦታ ኽገብረልካ እየ።

¹⁴ሰብ ተተናኹሉ ንብጻዩ ብጉርሒ እንተ ቐተሎ ኸኣ፡ ኪመውት ካብ መሰውእየይ ኣውጽኣዮ።

¹⁵ነቦኡ ወይ ነዲኡ ዝወቕዔ ሞት ይሙት።

¹⁶ንሰብ ሰሪቑ ዝሸጦ፡ ወይ ኣብ ኢዱ እንተ ተረኸበ፡ ሞት ይሙት።

¹⁷ነቦኡ ወይ ነዲኡ ዝገረመ ሞት ይሙት።

¹⁸ሰባት እንተ ተባኣሱ እሞ እቲ ሓደ ንብጻዩ ብእምኒ ወይ ዐሚኹ ኣንተ ወቕዖ፡ ግናኸ ከይሞተ ኣብ ዓራት ኣንተ ደቀሰ፡

¹⁹በትሩ ተመርኩሱ ኸኣ ንግዳም ኪወጽእ እንተ ኸአለ፡ እቲ ዝወቕዖ ሓራ ውጹእ እዩ። ናይቲ ዘብኮሮ ጊዜ ጥራይ ይኽሓሶ፡ ፈጺሙ ኽሳዕ ዚሐዊ ኸኣ የፈውሶ።

²⁰ሰብ ነቲ ባርያኡ ወይ ነታ ብርያኡ ብበትሪ ወቒዕዎስ ኣብ ኢዱ እንተ ሞቶ፡ ቅጽዓት ይቀጻዕ።

²¹ሓንቲ ውይ ክልተ መዓልቲ እንተ ተንስኤ ግና፡ ገንዘቡ እዩ እሞ ኣይቀጻዕ።

²²ሰባት እንተ ተባኣሱ እሞ ጥንስቲ ሰበይቲ እንተ ደፍኡ፡ ጥንሳ ድማ እንተ ኸደ፡ ካልእ ጉድኣት ኣንተ ዘይኮነ፡ ሰብኣይ እታ ሰበይቲ ዝጸዐኖ ኻሕሳ ይኽሕስ፡ ፈራዲ ኸም ዝመደቡሉ ኸኣ ይዕደ።

²³ጉድኣት እንተ ኾነ ግና ነፍሲ ኣብ ክንዲ ነፍሲ ክትህብ ኢኻ።

²⁴ኣብ ክንዲ ዓይኒ፡ ዓይኒ። ኣብ ክንዲ እግሪ፡ ኣብ ክንዲ እግሪ፡ እግሪ።

²⁵ኣብ ክንዲ ምንዳድ፡ ምንዳድ። ኣብ ክንዲ ቑስሊ ቁስሊ። ኣብ ክንዲ ሕበጥ፡ ሕበጥ።

²⁶ሰብ ዓይኒ እቲ ባርይኡ ወይ ዓይኒ እታ ባርይኡ ወቒዑ እንተ ኣጥፍኤ፡ ካሕሳ እታ ዓይኑ ሓራ የውጽኣዮ።

²⁷ስኒ እቲ ባርይኡ ወይስኒ እታ ባርያኡ እንተ ሰበረ፡ ካሕሳ እታ ስኑ ሓራ የውጽኣዩ።

²⁸ብዕራይ ንሰብኣይ ወይ ንሰበይቲ ወጊኡ ኣንተ ቐተለ፡ ነቲ ብዕራይ ብዳርባ እምኒ ይቕተልዎ፡ ስጋኡ ድማ ኣይበላዕ። እቲ በዓል ብዕራይ ግና ናጻ እዩ።

²⁹እቲ ብዕራይ ካብ ቀደሙ ተዋጋኢ እንተ ኾነ፡ እሞ ነቲ ዋናኡ ኣስሚዖምሉ ኸለው እንተ ዘይሐለዎ፡ ንሰብኣይ ወይ ንሰበይቲ እንተ ቐተለ፡ ነቲ ብዕራይ ብዳርባ እምኒ ይቐተልዎ፡ እቲ ዋናኡ ኸኣ ይሙት።

³⁰ጋር ነፍሱ ይሀብ።

³¹ወዲ እንተ ወግኤ፡ ወይ ንጓል እንተ ወግኤ ኸኣ፡ ኸምዚ ፍርዲ ባርያ ወይ ነንስተይቲ ባርያ እንተ ወግኤ፡ እቲ ዋና እቲ ብዕራይ ንጐይታ እቲ ውጉእ ሰላሳ ሲቃል ብሩር ይሀቦ፡ ነቲ ብዕራይ ድማ ብዳርባ እምኒ ይቕተልዎ።

³²ሰብ ጉድጓድ እንተ ኸፈተ ወይ ከኣ ሰብ ጉድጓድ ኣንተ ኾዐተ እሞ ኣንተ ዘይከደኖ፡ ናብኡ ድማ ብዕራይ ወይ ኣድጊ እንተ ወደቐ፡

³³ሰብ ጉድጓድ እንተ ኸፈተ ወይ ከኣ ሰብ ጉድጓድ ኣንተ ኾዐተ እሞ ኣንተ ዘይከደኖ፡ ናብኡ ድማ ብዕራይ ወይ ኣድጊ እንተ ወደቐ፡

³⁴እቲ በዓል ጉድጓድ ነቲ ዋናኡ ገንዘብ ክሒሱ የዕርፎ። እቲ ዝሞተ ኸኣ ንእኡ ይኹን።

³⁵ብዕራይ ሓደ ሰብ ንብዕራይ ካልእ ሰብ እንተ ቐተለ፡ ነቲ ብህይወት ዘሎ ብዕራይ ሸይጦም ሽያጡ ይማቐሉ። ነቲ ምውት ከኣ ይማቐልዎ።

³⁶እቲ ብዕራይ ካብ ቀደሙ ፍሉጥ ተዋጋኢ እንተ ኾነ፡ እሞ ዋናኡ እንተ ዘይሐለዎ፡ ኣብ ክንዲ ብዕራይ ይኽሐስ። እቲ ዝሞተ ኸኣ ንእኡ ይኹን።