Read መ/ቅዱስ ትግርኛ, Tigrigna Bible, 1997 ኦሪት ዘጸአት 25 Bible Online

ኦሪት ዘጸአት 25 - መ/ቅዱስ ትግርኛ, Tigrigna Bible, 1997 bible

ኦሪት ዘጸአት 25

¹እግዚኣብሄር ድማ ንሙሴ ኸምዚ ኢሉ ተዛረቦ፡

²ደቂ እስራኤል መባእ ኪህቡኒ ተዛረቦም፡ እቲ መባኤይ ከኣ ካብ ነፍሲ ወከፍ ሰብ ብልዑ ኽህብ ዝፈተወ ውሰዱ።

³እቲ ኻባታቶም እትወስድዎ መባእ ድማ እዚ እዩ ወርቅን ብሩርን ኣስራዝን፡

⁴ሰማያውን ሕብሪ ደምን ጽሩይ ቀይሕን ጻዕዳ ፈትልን፡ ጸጉሪ ጤል ድማ፡

⁵እተቐረጸ ቑራብቲ ደዓውልን ቑራብቲ ተሃስን፡ ዕጨይቲ ሽጢምን፡

⁶ዘይቲ ንቐንዴል፡ ቀመማት ዕጣን ድማ፡

⁷ኣእማን ዕንቁን ንኣፎድን ንሳንቃ ኣፍ ልብን ዚዛነቕ ኣእማንን።

⁸ኣብ ማእከሎም ምእንቲ ኽነብር ድማ መቕደስ ይገብረለይ።

⁹ከምቲ ኹሉ ኣነ ዘርእየካ ምስሊ እቲ ማሕደርን ምስሊ ኹሉ ኣቓሑኡን ከምኡ ግበርዎ።

¹⁰ታቦት ድማ ካብ ዕጨይቲ ሽጢም ይግበሩ፡ ምንዋሑ ኽልተ እመትን ፈረቓን፡ ምግፋሑ ኸኣ እመትን ፈረቓን፡ ምብራኽውን እመትን ፈረቓን ይኹን።

¹¹ብጹሩይ ወርቂ ኸኣ ለብጦ፡ ውሽጡን ግዳሙን ለብጦ። ላዕላዩ ኸኣ ብዙርያኡ ኣኽሊል ወርቂ ግበርሉ።

¹²ኣርባዕተ ቐለቤት ወርቂ ኣፍሲስካ ድማ ኣብ ኣርባዕቲኡ እግሩ ገብር፡ ክልተ ቐለቤት ብሓደ ሸነኹ፡ ክልተ ቐለቤት ከኣ ብኻልኣይ ሸነኹ።

¹³ካብ ዕጨይቲ ሽጢም መሰላታት ገብር እሞ ብወርቂ ለብጦ።

¹⁴እቲ ታቦት ብእኡ ማንቲ ኺጽወርሲ፡ ነቲ መሰላታት ናብቲ ኣብ ጎባታት ታቦት ዘሎ ቐላብቲ ኣእተዎ።

¹⁵እቲ መስላታት ኣብቲ ቐላብቲ ታብት ይቀመጥ እምበር፡ ካብኡ ኣይውጻእ።

¹⁶ነቲ ኣነ ዝህበካ ምስክር ኣብቲ ታቦት ከተንብሮ ኢኻ።

¹⁷መኽደን መተዓረቒ ድማ ካብ ጽሩይ ወርቂ ግበር፡ ምንዋሑ ኽልተ እመትን ፈረቓን ምግፋሑ ኸኣ ኣመትን ፈረቓን ይኹን።

¹⁸ክልተ ኩሩቤል ድማ ኣብ ወርቂ ኽትገብር ኢኻ። ቀጥቂጥካ ትሰርሖም እሞ ኣብ መኽደን መተዓረቒ ኣብ ክልተ ወሰኑ ትገብሮም።

¹⁹ሓደ ኩሩቤል ኣብ ሓደ ወሰን፡ ካልኣይ ኩሩቤል ከኣ ኣብቲ ኻልኣይ ወሰን ግበሮም። ነቶም ኩሩቤል፡ ምስቲ መኽደን መተዓረቒ ሓደ ኾይኑ፡ ብኽልተ ወሰን ግበርዎም።

²⁰እቶም ኩሩቤል ከኣ ንሓድሕዶም ገጽ ንገጽ መሊሶም ኣኽናፎም ልዕሊ ኣቢሎም ይዘርግሑ፡ ነቲ መኽደን መተዓረቒ ድማ በኽናፎም ይኽውልዎ። ገጽ እቶም ኩሩቤል ካብቲ መኽደን መተዓረቒ የብል።

²¹ነቲ መኽደን መተዓረቒ ኸኣ ኣብ ልዕሊ ታቦት ግበሮ። እቲ ኣነ ዝሀበካ ምስክር ከኣ ኣብቲ ታቦት ኣንብሮ።

²²ኣብኡ ድማ ንኣኽ ኽግለጸልካ እየ፡ ካብቲ መኽደን መተዓረቒ ኻብ መንጎ እቶም ኣብ ልዕሊ ታቦት ምስክር ዘለዉ ኽልተ ኩሩቤል እቲ ንደቂ እስራኤል ኢለ ዝእዝዘካ ኹሉ ኽነግረካ እየ።

²³ሰደቓ ድማ ካብ ዕጨይቲ ሸጢም ግበር፡ ምንዋሑ ኽልተ እመት ምግፋሑ ኸኣ ሓደ እመት ምብራኹውን እመትን ፈረቓን ይኹን።

²⁴ብጹሩይ ወርቂ ለብጦ፡ ብዙርያኡ ኸኣ ኣኽሊል ወርቂ ገብረሉ፡ ነቲ ኽቡስ ከኣ ኣብ ዙርያኡ ኣኽሊል ወርቂ ግበረሉ።

²⁵ኣርባዕተ ቐለቤት ወርቂ ድማ ግበረሉ፡ ነቲ ቐላብቲ ኸኣ ኣብቲ ኣርባዕተ እግሪ ዘለዎ ኣርባዕተ ምኣዝኑ ግበሮ።

²⁶ኣርባዕተ ቐለቤት ወርቂ ድማ ግበረሉ፡ ነቲ ቐላብቲ ኸኣ ኣብቲ ኣርባዕተ እግሪ ዘለዎ ኣርባዕተ ምኣዝኑ ግበሮ።

²⁷እቲ ቐላብቲ ድማ፡ ንምጽዋር እቲ ሰደቓ መሰላታት ኪኣትዎ፡ ኣብ ጥቓ እቲ ኽቡስ ይኹን።

²⁸እቲ ሰደቓ ብእኡ ግበር እሞ ብወርቂ ለብጦ።

²⁹ድማ ዚኽዕወሉ ጻሕልታቱን ጭሔሎታቱን ኩስኩስታቱን ጽዋኣቱን ግበር፡ ካብ ጽሩይ ወርቂ ገብሮ።

³⁰ኣብቲ ሰደቓ ድማ ወርትግ እንጌራ ምርኣይ ኣብ ቅድመይ ተንብር።

³¹ቀዋሚ ቐንዴል ድማ ካብ ጽሩይ ወርቂ ግበር። እቲ ቓዋሚ ቐንዴል ምስ እግሩን ዘንጉን ብምቕጥቃጥ ይገብር። ጽውኣቱን ከበብቱን ዕምባባቱን ምስኡ ብሓደ ይኹን።

³²ካብ ጎቦታቱ ሹድሹተ ጨንፈር ይውጻእ፡ ካብቲ ቐዋሚ ቐንዴል ብሓደ ጎቦኡ ስለስተ ጨንፈር፡ ካብቲ ቐዋሚ ቐንዴል ጎቦኡ ድማ ሰለስተ ጨንፈር ይውጻእ።

³³ኣብ ሓደ ጨንፈር ዕምባባ ለውዚ ዚመስል ሰለስተ ጽዋእ መምስ ክበብን ዕምባባን። ነቲ ኻብቲ ቐዋሚ ቐንዴል ዚወጽእ ሹዱሽተ ጨንፈር ከምኡ ይገበሮ።

³⁴ኣብ ትሕቲ እቲ ኻብኡ ዚወጽእ ክልተ ጨንፈር ክበብ ድማ፡ ኣብ ትሕቲ እቲ ኻብኡ ዚወጽእ ክልተ ጨንፈር ክበብ፡ እሞ ነቲ ኻብ ቀዋሚ ቐንዴል ዚወጽእ ሹዱሽተ ጨንፈር ከምኡ ይኹን።

³⁵ኣብ ትሕቲ እቲ ኻብኡ ዚወጽእ ክልተ ጨንፈር ክበብ ድማ፡ ኣብ ትሕቲ እቲ ኻብኡ ዚወጽእ ክልተ ጨንፈር ክበብ፡ እሞ ነቲ ኻብ ቀዋሚ ቐንዴል ዚወጽእ ሹዱሽተ ጨንፈር ከምኡ ይኹን።

³⁶ክበብቱን ጨንፈሩን ምስኡ ብሓደ ይኹን፡ ኩሉ ኻብ ጽሩይ ወርቂ ብምቕጥቃጥ ብሓደ እተሰርሔ ይኹን።

³⁷ንእኡ ድማ ሾብዓተ ቕልዒ ቐንዴል ስርሓሉ። ኣቲ ቅልዔ ቐንዴል ከኣ ንቕድሚት ኣቢሉ ኸም ዜብርህ ኣብ ልዕሊኡ ይነበር።

³⁸መሳቕይኡን መዋህለል ርስሓቱን ከኣ ኣብ ጽሩይ ወርቂ ይኹን።

³⁹ንሱ ምስ እዚ ኹሉ ኣቓሑ እዚ፡ ብሓደ ታለንተ ጽሩይ ወርቂ ይገበር።

⁴⁰ከምቲ ኣብቲ ኸረን እተራእየካ ምስልታቱ ኽትገብሪ ኸኣ ጠምቶ።