Read መ/ቅዱስ ትግርኛ, Tigrigna Bible, 1997 ኦሪት ዘጸአት 26 Bible Online

ኦሪት ዘጸአት 26 - መ/ቅዱስ ትግርኛ, Tigrigna Bible, 1997 bible

ኦሪት ዘጸአት 26

¹ብዓሰረተ ዓለባታት ማሕደር ግበር። ምስ ናይ ብብልሓት ፈላጥ እተገብረ ኩሩቤል ጌርካ፡ ካብ እተፋሕሰ ልሕጺ እንጣጢዕ ሰማያውን ሕብሪ ደምን ጽሩይ ቀይሕን ግበሮ።

²ምንዋሕ እቲ ሓደ ዓለባ ዕስራን ሶሞንተን እመት፡ ወርዲ እቲ ዓለባ ኸኣ ኣርባዕተ እመት ይኹን። ስፍሪ ኹሉ እቲ ዓለባታት ማዕረ ይኹን።

³እቲ ሓሙሽተ ዓለባታት ብሓደ ይጋጠም፡ ከምኡ ኸኣ እቲ ሓሙሽተ ዓለባታት ብሓደ ይጋጠም።

⁴ኣብቲ ብሓደ ኣተጋጠመ ኸኣ፡ ኣብ ጥርዚ እቲ ወሰናይ ዓለባ ኸኣኣ ከምኡ ግበር።

⁵ኣብቲ ሓደ ዓለባ ሓምሳ መኽንትቦ ግበር። ኣብቲ ኻልኣይ እተጋጠመ ኸኣ፡ ኣብ ጥርዚ እቲ ወሰናይ ዓለባ ሓምሳ መኸንትቦ ግበር። እቲ መኽንትቦታት ንሓድሕዱ መጣምቲ ይኹን።

⁶ሓምሳ መቑለፊ ወርቂ ድማ ግበር። እቲ ማሕደር ሓደ ኪኸውንሲ፡ ነቲ ዓለባታት በቲ ኣቑላፍ ንሓድሕዱ ኣጋጥሞ።

⁷ኣብ ልዕሊ እቲ ማሕደር ዚድረብ ድማ ካብ ጸጉሪ ጤል ዓለባታት ገብር። እቲ ዓለባታት ከኣ ዕሰረተው ሓደ ግበሮ።

⁸ምንዋሕ ሓደ ዓለባ ሰላሳ እመት፡ ወርዱ ኸኣ ኣርባዕተ እመት ይኹን። እቲ ዓሰርተው ሓደ ዓለባ ስፍሩ ማዕረ ይኹን።

⁹ሓሙሽተ ኻብቲ ዓለባ ብሓደ ጌርካ ኣጋጥሞ። ከምኡ ኸኣ እቲ ሽዱሽተ ዓለባ ብሸነኽ ቅድሚት ኣቲ ድንኳን ደርቦ።

¹⁰ኣብቲ ሓደ እተጋጠመ፡ ኣብ ጥርዚ እቲ ወሰናይ ዓለባ ሓምሳ መቑለፊ ግበር።

¹¹ካብ ኣስራዚ ኸኣ ሓምሳ መቑለፊ ግበር፡ ነቲ ኣቑላፍ ናብቲ መኸንትቦታት ኣእትዎ፡ እቲ መደረብታ ሓደ ኪኸውን ኣጋጥሞ።

¹²ካብቲ ናይ መደረብታ ዓለባታት ድንኳን ዝሐለፈ፡ ምእንቲ ኪኸድኖ፡ ብኽልተ ሸነኹ፡ እመት በዚ እመት በቲ፡ ነቲ ማሕደር በዝን በትን ይጀርበብ።

¹³ነቲ መደረብታ ኸኣ ካብ ኣተቆርጸ ቑራብቲ ደዓውል መኽደን ግበረሉ። ኣብ ልዕሊኡ ድማ ካብ ቁርበት ታሃስ መኽደን ግበር።

¹⁴ነቲ መደረብታ ኸኣ ካብ ኣተቆርጸ ቑራብቲ ደዓውል መኽደን ግበረሉ። ኣብ ልዕሊኡ ድማ ካብ ቁርበት ታሃስ መኽደን ግበር።

¹⁵ነቲ ማሕደር ድማ ደው ዚብል ኣልዋሕ ካብ ዕጨይቲ ሽጢም ገብረሉ።

¹⁶ምንዋሕ ሓደ ሉሕ ዓሰርተ ኣመት፡ ምግፋሕ ሓደ ሉሕ ከኣ እመትን ፈረቓን ይኹን።

¹⁷ነንሓደ ሉሕ ከኣ ክልተ ንሓድሕዱ ኣተጋጠመ ሸኻል ይገበሮ። ንኹሉ ኣልዋሕ እቲ ማሕደር ከምኡ ገብሮ።

¹⁸ነቲ ማሕደር ከኣ ኣልዋሕ ገብረሉ። ዕስራሉሕ ብሸነኽ ደቡብ ገብር።

¹⁹ኣብ ትሕቲ እቲ ዕስራ ሉሕ ድማ ካብ ብሩር ኣርብዓ እግሪ ግበር። ኣብ ትሕቲ ሓደ ሉሕ ነቲ ኽልተ ሽኻል ክልተ ሽኻል ክልተ ኣግሪ ገብረሉ።

²⁰በቲ ኻልኣይ ወገን ነቲ ማሕደር ብሸነኽ ሰሜን ድማ ዕድራ ሉሕ።

²¹ኣቲ ኣርብዓ ናይ ብሩር እግሩ ኸኣ፡ ኣብ ትሕቲ ሓደ ሉሕ ክልተ እግሪ፡ ኣብ ትሕቲ እቲ ኻልእ ሉሕ ድማ ክልተ እግሪ ገብር።

²²ብድሕሪ እቲ ማሕደር ብሸነኽ ምዕራቡ ሹድሽተ ሉሕ ገብር።

²³ነቲ ማሕደር ብሸነኽ ድሕሪኡ ድማ ንመኣዝኑ ኽልተ ሉሕ ገብረሉ።

²⁴እዚ ኻብ ታሕቲ ጀሚሩ ድርብ ይኹን፡ ክሳዕ ላዕሊ ኽሳዕ ኣቲ ቐዳማይ ቀለቤት ብምሉኡ ኸምኡ ይኹን። ክልቲኡ ኸምኡ ይኹን። ኣብክልቲኡ መኣዝን ይኹን።

²⁵እቲ ኣልዋሕ ሹድሽተ እቲ ናይ ብሩር ኣእጋሩ ኸኣ ዓሰርተው ሹድሽተ እግሪ፡ ኣብ ትሕቲ ሓደ ሉሕ ክልተ እግሪ፡ ኣብ ትሕቲ እቲ ኻልእ ሉሕ ድማ ክልተ እግሪ ይኹን።

²⁶ጋድማት ከኣ ካ ዕጨይቲ ሽጢም ግበር፡ ብሓደ ሸነኽ ኣቲ ማሕደር ንዘሎ ኣልዋሕ ሓሙሽተ፡

²⁷ብኻልኣይ ሸነኽ እቲ ማሕደር ንዘሎ ኣልዋሕ ድማ ሓሙሽተ ጋድም፡ ብድሕሪ እቲ ማሕደር ብሸነኽ ምዕራብ ንዘሎ ኣልዋሕ ከኣ ሓሙሽተ ጋድም ገብር።

²⁸ኣቲ ኣብ ማእከል እቲ ኣልዋሕ ዘሎ ማእከላይ ጋድም ካብቲ ሓደ ወሰን ክሳዕ እቲ ኻልኣይ ወሰን ይሕለፍ።

²⁹ነቲ ኣልዋሕ ድማ ብወርቂ ለብጦ፡ እቲ ጋድማት ዚኣትዎ ቐለብቲ ኸኣ ካብ ወርቂ ገብሮ፡ ነቲ ጋድማርውን ብወርቂ ለብጦ።

³⁰ነቲ ማሕደር ከምቲ ኣብቲ ኸረን ዝረኤኻዮ ኣሰራርሓኡ ጌርካ ክትተኽሎ ኢኻ።

³¹ድማ ሰማያውን ሕሪ ደምን ጽሩይ ቀይሕን እተፋሕሰ ልሕጺ እንጣጢዕን ጌርካ፡ መጋረኣ ገብር፡ ምስ ብብልሓት እተገብረ ኩሩቤል ይገብር።

³²ብወርቂ ኣብ እተለበጠ መሰቓቐሊ ወርቂ ዘለዎ፡ በርባዕተ እግሪ ብሩር ድማ ዝበለ፡ ኣርባዕተ ዓንዲ ሸጢም ጌርካ ስቐሎ።

³³ነቲ መጋረጃ ኸኣ ኣብ ትሕቲ እቲ ኣቑላፍ ስቐሎ፡ ነቲ ታቦት ምስክር ድማ ናብ ውሽጢ እቲ መጋረጃ ኣእትዎ። እቲ መጋረጃ ከኣ ኣብ መንጎ ቅድስትን ቅድስተ ቅዱሳንን ይፍለየልኩም።

³⁴ነቲ መኽደን መተዓረቒ ድማ ኣብቲ ቅድስተ ቅዱሳን ኣብ ልዕሊ ታቦት ምስክር ገብሮ።

³⁵ነቲ ሰደቓ ኸኣ ኣብ ወጻኢ መጋረኣ ኣንብሮ፡ ነቲ ቐዋሚ ቐንዴል ድማ ኣብ መንጽር ሰደቓ ነቲ ማሕደር ብሸነኽ ደቡብ፡ ነቲ ሰደቓ ኸኣ ብሸነኽ ሰሜኑ ገብሮ።

³⁶ነቲ ኣፍ ድንኳን ድማ ብሰማያውን ሕብሪ ደምን ጽሩይ ቀይሕን እተፋሕሰ ልሕጺ እንጣጢዕን ብምጥላፍ እተዐየ መጋረጃ ግበር።

³⁷ነቲ መጋረጃ ኸኣ ሓሙሽተ ዓንዲ ሸጢም ግበረሉ ብወርቂ ድማ ለብጦ፡ መስቓቐሊኡ ኸኣ ኣብ ወርቂ ይኹን። ካብ ኣስራዚ ድማ ሓሙሽተ እግሪ ብፍሲ ግበረሉ።