Read መ/ቅዱስ ትግርኛ, Tigrigna Bible, 1997 ኦሪት ዘጸአት 29 Bible Online

ኦሪት ዘጸአት 29 - መ/ቅዱስ ትግርኛ, Tigrigna Bible, 1997 bible

ኦሪት ዘጸአት 29

¹ካህናተይ ኪኾኑኒ ክትቅድሶም ከሎኻ ገበረሎም ነገር እዚ እዩ። ሓደ ዝራቦን ጎደሎ ዚብሎም ክልተ ድዑልን ውሰድ።

²ዘብኹዔ እንጌራን ብዘይቲ እተቐምጥዔ ቕጫታትን፡ ዘይቲ እተለኸየ ረቂቕ ቅጫታትን ድማ ውሰድ ካብ ድኹም ሓርጭ ስርናይ ግበሮ።

³ኣብ ሓደ መሶብ ኣንብሮ፡ በቲ መሶብ ጌርካ ምስቲ ዝራብዕን ምስቶም ክልተ ድዑልን ጌርካ ኣቕርቦ።

⁴ንኣሮንን ንደቁን ናብ ኣፍ ድንኳን ምርኻብ ኣቕርቦም፡ ብማይ ድማ ሕጸቦም።

⁵ነቲ ኣልባሳት ወሲድካ ድማ፡ ንኣሮን ቀምሽ ታሕትን ናይ ኤፎድ። በቲ ብብልሓት እተገብረ ቅናት ኤፎድ ክደኖ። በቲ ብብልሓት እተገብረ ቅናት ኤፎድ ጌርካ ኸኣ ኣዕጥቆ።

⁶ኣብ ርእሱ ድማ መጠምጠምያ ግብረሉ። ነቲ ቅዱስ ኣኽሊል ከኣ ኣብ ልዕሊ እቲ መጠምጠምያ ግበሮ።

⁷ዚቕባእ ዘይቲ ወሲድካ ድማ ናብ ርእሱ ኹዒኻ ቅብኣዮ።

⁸ንደቁ ኸኣ ኣቕርቦም ኣሞ፡ ቀመውሽ ታሕቲ ኽደኖም።

⁹ንኣሮንን ንደቁን ድማ ብቕናት ኣዕጥቆም፡ መጠምጠምያውን ገብረሎም። እቲ ኽህነት ከኣ ንኣታቶም ናይ ዘለኣለም ሕጊ ይኹን። ንኣሮንን ንደቁን ከኣ ተቕድሶም።

¹⁰ነቲ ዝራብዕ ድማ ናብ ቅድሚ ድንኳን ምርኻብ ኣቕርቦ፡ ኣሮንን ደቁን ከኣ ኣእዳዎም ኣብ ርእሲ እቲ ዝራብዕ የንብሩ።

¹¹ነቲ ዝራብዕ ከኣ ኣብ ኣፍ ድንኳን ምርኻብ ኣብ ቅድሚ ኣግዚኣብሄር ሕረዶ።

¹²ካብ ደም እቲ ዝራብዕ ወሲድካ ድማ በጻብዕካ ነቲ ኣቕርንቲ መሰውኢ ልኸዮ፡ ንኹሉ እቲ ደም ከኣ ኣብ እግሪ እቲ መሰውኢ ኽዐዎ።

¹³ነቲ ናውቲ ኸብዲ ዜጎልብብ ቋንጡጥን ኣብ ልዕሊ ኸብዲ ዝለኦ ስብሕን ንኽልቲኡ ኹሊትን ኣብ ልዕሊኣኡ ዘሎ ስብሕን፡ ንኹሉ ወሲድካ ኣብ መሰውኢ ኣሕርሮ።

¹⁴ናይቲ ዝራብዕ ስጋን ቆርበትን ፈረስን ግና፡ መስዋእቲ ሓጢኣት እዩ እሞ። ኣብ ወጻኢ ሰፈር ብሓዊ ኣንድዶ።

¹⁵ነቲ ሓደ ድዑል ወሲድካ ድማ፡ ኣሮንን ደቁን ኣእዳዎም ኣብ ርእሲ እቲ ድዑል የንብሩ።

¹⁶ነቲ ድዑል ከኣ ሕረዶ፡ ነቲ ደሙውን ኣብ ልዕሊ እቲ እተቖራረጸ ስጋኡን ርእሱን ኣንብሮ።

¹⁷ነቲ ድዑል ድማ ብዘሎ ኣብ ኣብ መሰውኢ ኣሕደሮ። ንሱ ንእግዚኣብሄር ዚሓርር መስዋእቲ እዩ፡ ንሱ ንእግዚኣብሄር ጥዑም ጨና መስዋእቲ ሓዊ እዩ።

¹⁸ነቲ ድዑል ድማ ብዘሎ ኣብ ኣብ መሰውኢ ኣሕደሮ። ንሱ ንእግዚኣብሄር ዚሓርር መስዋእቲ እዩ፡ ንሱ ንእግዚኣብሄር ጥዑም ጨና መስዋእቲ ሓዊ እዩ።

¹⁹ነቲ ኻልኣይ ድዑል ወሲድካ ድማ፡ ኣሮንን ደቁን ኣእዳዎም ኣብ ርእሲ እቲ ድዑል የንብሩ።

²⁰ነቲ ድዑል ከኣ ሕረዶ፡ ካብ ደሙ ወሲድካ ድማ ኣብ ወሰን የመንየቲ እዝኒ ኣሮንን ኣብ ወሰን የማኖይ ኣእዛን ደቁን ኣብ የማኖት ዓበይቶ ኣእዳዎምን የማኖት ዓበይቶ ኣእጋሮምን ልኸ። ነቲ ደም ከኣ ኣብ ልዕሊ እቲ መሰውኢ ኣብ ዙርያኡ ንጸጎ።

²¹ካብቲ ኣብ መሰውኢ ዘሎ ደምን ካብቲ ዘይቲ መእብእን ወሲድካ ድማ ኣብ ኣሮንን ኣብ ኣልባሱን ኣብ ደቁን ኣብ ኣልባስ ደቁን ይእደሱ።

²²ድዑል ምቕዳስ እዩ እሞ፡ ናይቲ ድዑል ስብሒ፡ ኮልኩልን እቲ ናውቲ ኸብዲ ዚጉልብብ ቛንጢጥን ስብሒ ኸብድን ክልቲኡ ኹሊትን ኣቲ ኣብ ልዕሊኡ ዘሎ ስብሕን የማናይ እግርን ውሰድ።

²³ካብቲ ኣብ ቅድሚ እግዚኣብሄር ዘሎ ዘይብኹዔ እንጌራ ዘለዎ መሶብ ከኣ ሓደ ሕብስትን ሓደ ቕጫ እንጌራ ዘይትን ሓደ ራቂቕ ቅጫን ውሰድ።

²⁴እዚ ኹሉ ድማ ኣብ ኣእዳው ኣሮንን ኣብ ኣእዳው ደቁን ኣንብሮ እሞ፡ ከም ዚውዝውዝ መስዋእቲ ኣብ ቅድሚ እዚኣብሄር ወዝውዞ።

²⁵ካብ ኣእዳዎም ወሲድካ ኣብ ቅድሚ እግዚኣብሄር ንጥዑም ጨና ኣብ መሰውኢ፡ ኣብ ልዕሊ እቲ ዝሓርር መስዋእቶ ኣሕድሮ። እዚ ንእግዚኣብሄር መስዋእቲ ሓዊ እዩ።

²⁶ሓኸለ እቲ ድዑል ምቕዳስ ኣሮን ውሰድ እሞ ከም ዚውዝውዝ መስዋእቲ ኣብ ቅድሚ እግዚኣብሄር ወዝውዞ። ንሱ ኸኣ ግዴኻ ይኹን።

²⁷እቲ ንኣሮንን ንደቁን ዚግባእ፡ ነቲ ሓኸለ ዚውዝውዝ መስዋእትን ነቲ ዚለዐል መስዋእቲ እግርን ናይቲ ድዑል ምቕዳስ፡ ዝውዝወዝን ዚለዐልን ቀድሶ።

²⁸እዚ ዚለዐል መስዋእቲ እዩ እሞ፡ ካብ ደቂ እስራኤል ናሮንን ንደቁን ሕጊ ዘለኣለም ይኹን። እዚ ኻብቲ ደቂ እስራኤል ካብ ናይ ምስጋና መስዋእቶም ዚለዐል መስዋእቲ፡ ንእግዚኣብሄር ዚለዐል መስዋእቶም ይኹን።

²⁹እቲ ቅዱስ ኣልባስ ኣሮን ከኣ፡ ንሳቶም ብእኡ ኪቕብኡ። ብእኡ ድማ ኪቕደሱ ብድሕሪኡ ንደቁ ይኹን።

³⁰ካብ ደቁ እቲ ኣብ ስፍራኡ ኻህን ዚኸውን፡ እቲ ኣብ ድንኳን ምርኻብ ኬገልግል ናብ መቕደስ ዚኣቱ፡ ሾብዓተ መዓልቲ ይልበሶ።

³¹ነቲ ድዑል ምቕዳስ ወሲድካ ድማ ስጋኡ ኣብ ቅዱስ ቦታ ኣብስሎ።

³²ኣሮንን ደቁን ድማ ንስጋ እቲ ድዑልን ነቲ ኣብ ኣፍ ድንኳን ምርኻብ ኮይኖም ይብልዕዎ።

³³እዚ ብእኡ ምምላእ ኢዶምን ምቕዳሶምን ንመተዓረቒ እተገብረ ይብልዕዎ። ንሱ ቕዱስ እዩ እሞ፡ ካብኡ ጓና ኣይብላዕ።

³⁴ካብቲ ስጋ ምቕዳስ ወይ ካብቲ ኣንጌራ ገለ ኽሳዕ ንጽብሒቱ ኣንተ ተረፈ፡ ነቲ ተረፍ ብሓዊ ኣንድዶ፡ ቅዱስ እዩ ኣሞ፡ ኣይበላዕ።

³⁵ንኣሮንን ንደቁን ከምቲ ዝኣዘዝኩኻ እዚ ኹሉ ገብረሎም። ሾብዓተ መዓልቲ ትቕድሶም።

³⁶ኣብ ጸጽባሕ ከኣ ንመተዓረቒ ዝኸውን ንመስዋእቲ ሓጢኣት ሓደ ዝራብዕ ኣቕርብ። ነቲ መሰውኢ ኸኣ በቲ እትዕረቕሉ ኣጽርዮ፡ ክትቅስዶውን ልኸዮ።

³⁷ነቲ መሰውኢ ሾብዓተ መዕላቲ ኣተዐርቆን ቀድሶን። እቲ መሰውኢ ዝተንከዮ ኹሉ ኪቕደስ እዩ።

³⁸እቲ ኣብ መሰውኢ እትቕርቦ ኸኣ እዚ እዩ፡ ወርትግ ኣብ ጸጽባሕ ክልተ ገንሸል ዓመት።

³⁹እቲ ሓደ ገንሸል ብጊሓት ኣቕርቦ፡ እቲ ኻልኣይ ገንሸል ከኣ ምሸት ኣቕርቦ።

⁴⁰ምስቲ ሓደ ገንሸል ብራብዓይ ክፍሊ ሂን ጉዳእ ዘይቲ ኣውልዕ እተለውሰ ዓስራይ ክፍሊ ኤፋ ድኹም ሓርጭ፡ ንመስዋእቲ መስተውን ራብዓይ ክፍሊ ሂን ወይኒ ኣቕርብ።

⁴¹ነቲ ኻልኣይ ገንሸል ድማ ከምቲ ናይ ብጊሓት መስዋእቲ ብልዕን ከምቲ መስዋእቲ መስርተን ምስኡ ጌርካ ኣግ ምሸት ኣቕርቦ። ንጥዑም ጨና መስዋእቲ ብልዕን ከምቲ መስዋእቲ መስተን ምስኡ ጌርካ ኣጋ ምሸት ኣቕርቦ። ንጥዑም ጨና፡ መስዋእቲ ሓዊ ንእግዚኣብሄር እዩ።

⁴²እዚ ኣብቲ ኣነ ኽዛረበካ ምሳኹም ዝራኸበሉ፡ ኣብ ደገ ድንኳን ምርኻብ ኣብ ቅድሚ እግዚኣብሄር ኣብ ውሉድ ወለዶኹም ንወርትግ ዚሓርር መስዋኣቲ እዩ።

⁴³ኣብኡ ምስ ደቂ እስራኤል ክራኽርብ እየ፡ እቲ ድንኳን ድማ ብኽብረይ ኪቕደስ እዩ።

⁴⁴ነቲ ድንኳን ምርኻብን ንመስውእን ክቕድሶ እየ። ናሮንን ንደቁን ከኣ ካህናት ኪኾኑኒ ክቕድሶም እየ።

⁴⁵ኣነ ኣብ ማእከል ደቂ እስራኤል ክነብር ኣምላኾም ድማ ኪኸውን እየ።

⁴⁶ኣብ ማእከሎም ክነብር ኢለ ኻብ ምድሪ ግብጺ ኸም ዘውጻእክዎም ኣነውን እግዚኣብሄር ኣምላኾም ከም ዝኾንኩ ኺፈልጡ እዮም። ኣነ እግዚኣብሄር ኣምላኾም እየ።