Read መ/ቅዱስ ትግርኛ, Tigrigna Bible, 1997 ኦሪት ዘጸአት 36 Bible Online

ኦሪት ዘጸአት 36 - መ/ቅዱስ ትግርኛ, Tigrigna Bible, 1997 bible

ኦሪት ዘጸአት 36

¹በሳልኤል ኦሆልያብን ኩሎም ጥበብ ልቢ ዘለዎም ሰባትን ንኣገልግሎት መቕደስ ዚኸውን ኹሉ ዕዮ ምዕያይ ኪፈልጡ፡ እግዚኣብሄር ጠበብን ምስትውዓልን ዝሀቦም፡ ከምቲ እግዚኣብሄር ዝኣዘዞ ኹሉ ነግር ኪገብሩ እዮም።

²ሙሴ ድማ ንቤሳልኤልን ንኦሆልያብን ንኹሎም ጥበበኛ ልቢ ዘለዎም ሰባትን፡ እግዚኣብሄር ኣብ ልቦም ጥበብ ዘሕደረሎም፡ መጺኦም ነዚ ዕዮዚ ኸዐዩ ቦም ዝደረኾም ጸውዔ።

³ንሳቶም ከኣ ነቲ ደቂ እስራኤል ኣቲ ናይ ፍታው ህያቦም ግና ንግሆ ንግሆ የምጽኡ ነበሩ።

⁴እቶም ንኹሉ ዕዮ መቕደስ ዘዐዩ ዝነበሩ ኹላቶም ጥበበኛታት ነፍሲ ወከፎም ከካብቲ ዚዐይዎ ዝነበሩ ዕዮኦም መጹ።

⁵ንሙሴ ኸኣ፡ እዚ ህዝቢ ነቲ እግዚኣብሄር ኪግብር ዝኣዘዞ ዕዮ ንምዕያይ ሓለፋ እቲ ዜድሊ የምጽእ ኣሎ፡ ኢሎም ተዛረብዎ።

⁶ሽዑ ሙሴ፡ ሰባኣይ ኮነ ወይ ሰበይቲ ንመቕደስ ኪህብ ኢሉ ደጊም ኣይዕየ ኢሎም ኣብ ሰፈር ኪእወጅ አዘዘ ኣሞ እቶም ህዝቢ ኸይምጽኡ ተኸልከሉ።

⁷እቲ መተዓየዩ ንኹሉ ዚዐየ ዕዮ ዚኣክል ነበረ፡ ተረፈ እኳ።

⁸እቶም ነቲ ዕዮ ዝነብሩ ኹሎም ጥበበኛ ልቢ ዘለዎም ነቲ ማሕደር ብዓሰርተ ዓለባ ገበርዎ። ካብ እተፋሕሰ ልሕጺ እንጣጢዕን ሰማያውን ሕብሪ ደም ጽሩይ ቀይሕን ምስናይ ብብልሓት እተዐየ ኩሩቤል ገበርዎ።

⁹ምንዋሕ እቲ ሓደ ዓለባ ዕስራን ሾሞንተን እመት፡ ወርዲ እቲ ሓደ ዓለባ ኸኣ ኣርባዕተ እመት ነበረ፡ ስፍሪ ኹሉ ዓለባታት ማዕረ ነበረ።

¹⁰ነቲ ሓሙሽተ ዓለባታት ንሓድሕዱ ኣጋጠሞ፡ ነቲ ሓሙሽተ ዓለባታት ድማ ንሓድሕዱ ኣጋጠሞ።

¹¹ኣብቲ ቐዳማይ ኣተጋጠመ ኣብ ጥርዚ እቲ ወሰናይ ዓለባ ኻብ ሰማያዊ ፈትሊ መኽንትቦታት ገበረ። ኣብቲ ኻልኣይ እተጋጠመ ድማ ኣብ ጥርዚ እቲ ወሰናይ ዓለባ ኸምኡ ገበረ።

¹²ኣብቲ ሓደ ዓለባ ሓምሳ መኸንትቦ ገበረ። ኣብቲ ኻልኣይ እተጋጥመ ኸኣ፡ ኣብ ጥርዚ እቲ ወሰናይ ዓለባ ሓምሳ መኻንትቦ ገበረ። እቲ መኸንትቦታት ድማ ንሓድሕዱ ኸም ዝራኸብ ገበሮ።

¹³ሓምሳ ቑልፊ ወርቂ ኸኣ ገበረ እሞ ነቲ ዓለባታት በቲ ኣቑላፍ ንሓድሕዱ ኣጋጠሞ። እቲ ድንኳን ከኣ ሓደ ኾነ።

¹⁴ንመደረብታ እቲ ማሕደር ድማ ካብ ጸጉሪ ጤል ዓለባታት ገበረ። ነቲ ዓለባታት ዓሰርተው ሐደ ገበሮ።

¹⁵ምንዋሕ ሓደ ዓለባ ሰላሳ እመት፡ ወርዲ እቲ ሓደ ዓለባ ድማ ኣርባዕተ ኣመት ነበረ። እቲ ዓሰርተው ሃደ ዓለባ ኸኣ ስፍሩ ማዕረ ነበረ።

¹⁶ነቲ ሓሙሽተ ዓለባ ንበይኑ፡ ነቲ ሹድሹተ ዓለባ ኸኣ ንበይኑ ኣጋጠሞ።

¹⁷ኣብቲ ቐዳማይ እተጋጠመ ኣብ ጠርዚ እቲ ወሰናይ ዓለባ ሃምሳ መኸንትቦ ገበረ። ኣብቲ ኻልኣይ እተጋጠመ ኸኣ ኣብ ጥርዚ እቲ ወሰናይ ዓለባ ሓምሳ መኸንትቦ ገበረ።

¹⁸እቲ መደረብታ ኺታጠም እሞ ሓደ ኪኸውንሲ፡ ሓምሳ ቑልፊ ኣስራዚ ገብረ።

¹⁹ነቲ መደረብታ ድማ ካብ እተቐረጸ ቑራብቲ ደዓውል መኽደን ገበረ። ኣብ ልዕሊኡ ኸኣ ቆርበት ተሃስ ካልእ መኽደን ገበረ።

²⁰ነቲ ማሕደር ከኣ ኣብ ዕጨይቲ ሽጢም ደቅ ዚብል ኣልዋሕ ገበረ።

²¹ምንዋሕ ሓደ ሉሕ ዓሰርተ እመት ምግፋሕ ሓደ ሉሕ ከኣኣ እመትን ፈረቓን ነበረ።

²²ነንሓደ ሉሕ ከክልተ ንሓድሕዱ እተጛጠመ ሸኻል ገበረ፡ ንኹሉ እቲ ኣልዋሕ ማሕደር ከምኡ ገበረ።

²³እሞ ነቲ ማሕደር ዚኸውን ኣልዋሕ፡ ዕስራ ሉሕ ብሸነኽ ደቡብ ገበረ።

²⁴ኣብ ትሕቲ እቲ ኻልእ ኣልዋሕ ከኣ ነቲ ኽልተ ሸኻሉ ኽልተ እግሪ ገበረ።

²⁵በቲ ኻልኣይ ወገኑ ነቲ ማሕደር፡ ብሸነኽ ሰሜን ድማ ዕስራ ሉሕ።

²⁶ምስ ኣርብዓ ብሩር እግሩ፡ ኣብ ትሕቲ ሓደ ሉሕ ክልተ እግሪ ኣብ ትሕቲ ሓደ ሉሕ ክልተ እግሪ ገበረ።

²⁷ብሸነኽ ድሕሪኣኡ ነቲ ማሕደር፡ ብሸነኽ ምዕራቡ ድማ ሹድሱተ ሉሕ ገበረ።

²⁸ነቲ ማሕደር ብሸነኽ ድሕሪኡ ኸኣኣ ንኾረንዑ ኽልተ ልሉሕ ገበረ።

²⁹እዚ ኻብ ታሕቲ ጀሚሩ ድርብ ነበረ፡ ክሳዕ ላዕሊ ኽሳዕ እቲ ቐዳማይ ቀለቤት፡ ብመልኡ ኸምኡ ነበረ። ንኽልቲኡ ኣብቲ ኽልተ ኹርናዕ ከምኡ ገበረ።

³⁰እቲ ኣልዋሕ ሾሞንተ፡ እቲ ብሩር ኣእጋሩ ኸኣ ዓሰርተው ሹዱሽተ እግሪ፡ ኣብ ተትሕቲ ሃደ ሉሕ ክልተ እግሪ ነበረ።

³¹ጋድማት ድማ ካብ ዕጨይቲ ሸጢም ገበረ፡ ብሓደ ሸነኽ ማሕደር ንዘሎ ኣልዋሕ ሓሙሽተ፡

³²ብኻልኣይ ሸነኽ ማሕደር ንዘሎ ኣልዋሕ ከኣ ሓሙሽተ ጋድም፡ ብድሕሪ ማሕደር ብሸነኽ ምዕራቡ ንዘሎ ኣልዋሕ ድማ ሓሙሽተ ጋድም ገበረ።

³³ነቲ ማእከላይ ጋድም ከኣ ብማእከል እቲ ኣልዋሕ ገይሩ ኻብቲ ሓደ ወሰን ናብቲ ኻልኣይ ወሰን ከም ዚሓልፍ ገበሮ።

³⁴ነቲ ኣልዋሕ ብወርቂ ለበጦ፡ እቲ ጋድማት ዚኣትዎ ቐላብቱ ድማ ካብ ወርቂ ገበሮ፡ ነቲ ጋድማትውን ብወርቂ ለበጦ።

³⁵ነቲ መጋረጃ ድማ ምስናይ ብብልሓት ፈላጥ ኣተገብሩ ኩሩቤል ገይሩ፡ ካብ ሰማያውን ሕብሪ ደምን ጽሩይ ቀይሕን እተፋሕሰ ልሕጺ እንጣጢዕን ገብሮ።

³⁶ኣርባዕተ ዓንዲ ሽጢም ድማ ገበረሉ። ብወርቂ ኸኣ ለበጦ። መሰቓቐሊኡውን ካብ ወርቂ ነበረ። ኣርባዕተ እግሪ ብሩር ድማ ብፍሲ ገበረሉ።

³⁷መጋረጃ ኣፍ ደገ ድንኳን ከኣ ካብ ሰማያውን ሕብሪ ደምን ጽሩይ ቀይሕን እተፋሕሰ ልሕጺ እንጣጢዕን ገይሩ ጠለፎ።

³⁸ነቲ ሓሙሽተ ኣዕኑዱ ድማ ምስ መሰቓቐሊኡ ገበሮ። በቲ ጉልላቱን ኣዛንጉን ብወርቂ ለበጦ። እቲ ሓሙስተ እግሩ ኸኣ ኣስራዚ ነበረ።